رتبها

بما انكم فاضيين هالأيام شوفوا هادي النصائح الكتيرة الي حتخليك تزيد اللايكات على منشورات الانستقرام بشكل مجاني 100% وبالتالي زيادة النشاط والمتابعين🔥
في شغلتين لازم تعملهم قبل القراءة:
١- ما تشتري لايكات ☺️
٢- اضغط ❤️ واحفظ الثريد لانو طويل ما بنحفظ في العقل بسهولة 😂
#mkt_art

صح انو الانستقرام السنة الماضية فعل اخفاء عدد اللايكات في كتير دول لكن اللايكات لسا مهمة ببساطة لانها حتساعدك تتصدر الهاشتاغ وتتصدر صفحة Explore وهادا يؤدي لزيادة وصول منشورك للأشخاص المهتمة فيه وبالتالي زيادة التابعين.
السؤال كيف نزيد عدد اللايكات؟
الجواب 👇🏻👇🏻

١- نزل صور جذابة ، الانستقرام منصة للصور فكل ما كانت الصورة جذابة وجودتها منيحة كل ما زاد عدد الايكات عليها.
وفي موقع في المفضلة بتقدر تجيب منو صور بجودة عالية وبدون حقوق نشر بتستخدمها للتصميم او للنشر المباشر.

٢- استخدم الهاشتاغات المناسبة على كل بوست.
هنا حكيت عن الموضوع ممكن ترجعله 👇🏻

٣- استعمل الهاشتاغات في الستوري وكمان في البايو حتى تزيد نسبة وصول حسابك لمستخدمين بعدد كبير وبالتالي امكانية زيادة عدد اللايكات.

٤- عشان تحصل على لايكات من جمهورك لازم تعرف مين جمهورك وتنزللهم المحتوى المناسب الهم.
واسأل حالك هادي الأسئلة حتى تعرف جمهورك:
- كم عمر الجمهور المستهدف؟
- شو الموقع الجغرافي للجمهور؟
- شو اهتمامات هادا الجمهور؟
- شو الوقت الأفضل لتواجد هادا الجمهور؟

٥- اعمل تاغ للناس أو البراند الي الها علاقة في منشورك، مثلا لو متصور مع شخص معروف اعمله تاغ في الصورة، التاغ بخلي صورتك تظهر في تبويب خاص في حسابه وبالتالي وصولها لجمهوره بشكل غير مباشر

٦- أكتب كابشن جذاب تحت الصورة، اذا الصورة ما ساعدت انو المستخدم يضغط لايك، فجاذبية الكلام الي مكتوب تحتها بكون عامل مساعد للحصول على لايكات.

٧- بتعرفوا Geotag ؟ الي هوا انك تعمل تاغ للموقع في الصورة، هادا التاغ للموقع بيشبه فكرة الهاشتاغ وبساعد انو البوست تبعك يوصل لجمهور اكبر وتحصل على لايكات أكتر.

٨- انشر صورك بشكل معقول، ما تنشر صور كتير في نفس اليوم وبرضو ما تقعد سنة لما تنشر صورة وقتها بكون الجمهور اختفى وانت مش حاسس.
في هادي التغريدة شرحت كيف تعمل جدول محتوى مناسب.

٩- انشر البوست تبعك في وقت تواجد جمهورك، الخوارزمية تبعت الانستقرام بتظهر الصور الحديثة للمستخدم بشكل اكبر.
هادي التغريدة بتعرفك كيف تلاقي الوقت المناسب لنشر بوستك على انستقرام.

١٠- اعمل مسابقة أحد شروط الدخول للسحب فيها هو "عمل لايك للمنشور" بالاضافة لشرط مساعد وهو عمل تاغ لأصدقاؤهم .. منشورك في هادي الحالة حيوصل لكتييير مستخدمين وتحصل على لايكات كتيرة.

١١- تفاعل مع بوستات المستخدمين حتى يشوفوا حسابك ويتفاعلوا معك وكل ما كان تفاعلك أكبر كل ما لفتت انتباه المستخدمين الك وقدرت تزيد عدد المهتمين وبالتالي زيادة عدد الايكات.

١٢- انشر حسابك الانستقرام أو بوست معين من الحساب على باقي منصات التواصل الإجتماعي الخاصة فيك.

١٣- ازا كان حسابك حساب بزنس انشر تجربة العملاء السابقين لانها بتزيد ثقة المستخدمين فيك وبتزيد نشاط حسابك، مثلا لو كان عندك متجر ملابس ممكن تنشر صور للعملاء بالملابس الخاصة بمتجرك بعد موافقتهم.

١٤- انشر محتوى من خلف الكواليس 😁، خصوصا ازا انت اعلامي وفي العادة بتنشر مقاطع فيديو من الحلقات الرسمية، جرب مقاطع من خلف الكواليس وشوف النتائج 💪🏻

١٥- انشر محتوى تفاعلي، مثلا اطلب رأي جمهورك .. في هادي الحالة حتزيد التعليقات على البوست وحيوصل البوست لاشخاص اكتر وتزيد الايكات والمتابعين
المحتوى التفاعلي رهيييب 🔥 .. جربوه

١٦- اختار محتوى متنوع، المستخدم بمل من المحتوى لما يحسه نفس الاسلوب وببطل يتفاعل معه، لهيك التنويع مهم.

١٧- آخر نصيحة، استخدم ميزة الاعلانات المدفوعة على انستقرام، المدفوع بيعملك كل اشي .. بدك متابعين بتلاقي، بدك لايكات بتلاقي، بدك مشاهدات بتلاقي بس ما عليك الا تدفع لانستقرام 😂
في النهاية احكولي رأيكم في الثريد واذا عندكم نصائح تانية اكتبوها 👇🏻😁

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد