طيب يا شباب دا كلام مرافق الحالة 6 يوم 15 مارس ، وانا حدافع عنه طبعا ، وعن طلبة ووهان ، وعن الحالة 4 ، وعن اهل الحالة 1 ، وعن الطبيبة الكان تم الاشتباه بيها في بورتسودان ، وعن صاحب احداث م.بشائر ، وعن العالقين في المعابر ، وعن الهاربيين من الحجر كمان ، حدافع عنهم ايوا نعم ?⏬?
وببساطة دفاعي دا ما لمعرفة شخصية بيهم ، ولا لزمالتي المهنية معاهم ، ولا من مبدأ مع الثورة او لا ، ودفاعي عنهم ما دفاع عن صحة موقفهم من عدمو ، لكن للاتي ، اولا : الازمة الجاية دي يا نتجاوزها كلنا كلنا وللاسف بكيزانا حتي يا نغرق كلنا ،، ثانيا ودا الاهم : انو السياسات الموضوعة :
لمواجهه الازمة دي للاسف الشديد رغم الجدية والجهد البذلوه القائمين عليها ولهم اجر الاجتهاد الا انها اخفقت في انها تاخد عوامل حاسمة في قيد الحسبان ومن ضمنها واهمها طبيعة النفس البشرية وخصوصية طبيعة اي بيئة ومجتمع وخلافه عن غيره ، كما انها اتوضعت من غير تمعن باسباب فشل السياسات ⏬
المشابهه في الدول الأخرى الاتبعتها قبلنا وهنا مربط الفرس ، انو نحن لو عاوزين نتجاوز حقيقة الازمة الجاية مفترض نعيد النظر تاني في استراتجيتنا الموضوعة مسبقا دي ونعيد تحديد اهدافنا المطلوبة بناء علي ما سبق طرحه ، بالاضافة للموازنة بين التكلفة والفائدة ، وممكن كتير منكم يهاجم حاليا
بس ما حيستفيد شئ ، الحصل حصل ودا واقعنا القدامنا حاليا "الجفلن خلهن اقرع الواقفات " فيا نضيع زمن ونتبادل الاتهامات والتخوين ونفاقم الازمة بانفسنا ، يا اما نعيد النظر بطريقة واقعية ، ونعدل باسرع ما يمكن من مسارنا الحالي قبل ما يقودنا للهاوية ، وللاسف الهاوية عندها ما حتكون بس ⏬
مليون ونصف حالة وفيات بالسودان من الكورونا ، لا حتتجاوز الرقم دا بكتير ، لحالات وفيات اكبر من كدا بكتير من العديد من الامراض المصاحبة في فترة السنة ونصف الجاية ، وكلها حترجع لعامل اساسي وشبه وحيد اسمه انهيار المنظومة الصحية ، عامل ممكن تكونوا كلكم سمعتوا بيهو في الاخبار ، لكن ⏬
للاسف الشديد ما اظنكم مدركين للان معناهو الحقيقي ، ولا الفترة الحقيقية الممكن يستمر فيها ، ولا التتداعيات البتحصل بعديهو لسنين عددا ، عامل ممكن يتراكم علي دولتنا الهشة مسبقا صحيا وسياسيا واقتصاديا واجتماعيا وقبليا وامنيا واحتمال كبير يودي لانهيار الدولة بالكامل ودا المفترض ⏬
نتكلم عنه اليوم وكل يوم في صورة عملية مستمرة لتقييم الاداء ومراجعة الاخطاء عشان نعبر ببلدنا لبر الامان ، من غير تفويض كامل المسئولة للسياسيين والتنفيذيين ، رغم مسئوليتهم المباشرة عن الحاصل حاليا ، بقصد او بدون ، لكن ما دا وقت المحاسبة حاليا ، في اوقات الحروب بتتوقف الخلافات ⏬
طيب الحصل شنو ، بمطلع ديسمبر من العام الماضي ابتدأ اطباء مدينة ووهان في مقاطعة خوبي الصينية يلاحظو تزايد لحالات التهاب تنفسي فايروسي حاد قادم من السوق المحلي بالمدينة ، وابتدو مع تزايد الحالات دي يناقشو الموضوع دا بينهم ، ويحذروا من انو دي عودة لمرض سارس وباء عام 2002 ودا كان ⏬
برجع لتشابه خواص الفيروسين غي النهاية نفس العائلة ، رغم أن سارس معدل وفياته 10% يعني~ 5 اضعاف الفايروس الجديد وقتها ، ودا دفع بعضهم للتحذير في واتسابهم هناك وي تشات ، والحاجة دفعت السلطات المحلية انها توجه ليهم تحذيرات مباشرة وتهديد بتهمة نشر الاشاعات لكن الفايروس طبعا غير خاضع?
للسلطه الصينية وبمعدل انتشار اعلي من السارس قدر يفرض حقيقته باسابيع بسيطة ، وقبل نهاية العام كانت الصين بتغلق السوق المحلي ، وتبعها بعديهو بفترة بسيطة اغلاق لكامل المقاطعة وتم اعلان ولادة فايروس جديد للعالم ، ولحدي اللحظة ديك كان كل العالم بستخف بالفايروس الهايف بنسبة وفيات 2% ⏬
ودي كانت الطامة الكبري طبعا ، فبرغم انخفاض الوفيات بالمقارنة بالسارس 2002 الكانت 10%, و ولد عمهم MERS 2012 الكانت 35% لانهم ببساطة اهمله عامل مهم جدا من المعادلة والعامل دا بتقال عليهو R0 وبتنطق "ار نوت " ودا ببساطه معدل التتضاعف في بيئة غير حاصلة علي المناعة ، وعشان نفهم R0 ⏬
حنقارن بينو وبين الانفلونزا المعدل تتضاعفهاR0 1 ، والكورونا من 2 -3 ، يعني كل مريض انفلونزا بعادي زول واحد وكل مريض كورونا بعادي 3 ، ودا بعني نمو تصاعدي بدالة اسية بما يعني بعد3 جولات بتصل عدوي الكورونا 27 حالة ، والنزلة 3 حالات من مريض واحد بس والجولة بتاخد 5 ايام تقريبا ،⏬
وهنا كان العالم ياداب ابتدأ ينتبه لانو الفايروس دا ممكن يكون اخطر شديد من التوقعات لكن للاسف it was too late , ومن كانت التوقعات المتشائمة بتقول انو الوضع دا حيتحول لجائحة عالمية اسوء بمراحل من الانفلونزا الاسبانية H1N1 وعلي النقيض الحكومات والسيايين لخوفهم من تاثير الوضع دا ⏬
علي النمو الاقتصادي للدول وحساباتهم الأخرى البتتضع لروح الانسان قيمة وبحسابات الربح والخسارة ، براهنو علي قدرة الدول العظمي علي السيطرة وقمع الفايروس ، ومن هنا ابتداءت الاجراءات وعشان نفهم الاجراءات دي شنو مفترض نعرف خياراتنا اصلا لمواجهة اي فايروس في الدنيا دي شنو ،، ⏬?⏬
طيب اولا الفايروس ما عنده علاج يعني ماف مضاد حيوي بنفع لو كان الفايروس دا نزله لو كان ايدز ولو كان كورونا ، ثانيا اكتر حاجة فعالة هي اللقاح لانو يا بخلق ليك مناعة مستمرة زي الجدري وشلل الاطفال ، يا جزئية زي الكورونا لما يتوجد ، يا بعدل من خطورة المرض زي الانفلونزا ، بس للاسف ⏬
فيروسنا دا جديد كرت ، ومحاولة صنع لقاح وتجربته ونشره بتاخذ من 16 ل 18 شهر ، طيب تفضل خيارتنا التانية شنو لو استبعدنا اللقاح من الصورة ، هنا بتخش عوامل التكلفة والربح زي ما بقولو cost vs benefits ،، الخيار الاول ما تعمل اي حاجة وخلي الفايروس ياخد مساره والجسم يكون مناعه بعد المرض
بس الخيار دا في كورونا بعني موت الملايين في العالم في الموجة الاولي بس وحتتكرر الموجات بصورة غير منتظمة وعشوائية بس علي اصغر شوية خلال السنة ونصف القادمة ، ودي تكلفة عالية شديد علي الروح البشرية والعالم ، الخيار التاني مثال التجربة الصينية ودي استراتجية اسمها القمع suppression⏬
ودي ببساطة بتهدف لانها تعكس معدل النمو الفايروسي R0 , يفضل لاقل من 1 وتحافظ علي الوضع دا للابد لكن لعنف الاجراءات المأخوذة في القمع وفي ظل وباء عالمي منتشر في العالم حوالينك صعب انك تستمر 18 شهر ومع اي تخفيف للاجراءات دي حيعود الفايروس وينهشك تاني فبتكون خسرت اقتصادك والاسوء⏬
بتجازف بانك علي الاغلب بتخسر منظومتك الصحية ودي اكبر المصائب البتحصل ليك لانك ساعتها ما حتقدر تواجه لا اسهال لا زائدة لا حوادث لا غيرها وحتقفز معدلات الوفيات لمختلف الاسباب المنظورة وغير المنظورة ، ودا خيار صعب جدا جدا علي معظم ان لم يكن كل حكومات العالم انها تتخذه حتي لو كانت⏬
بامكانيات الصين الجبارة الشفناها كلنا ، ودا بخلينا قدام الخيار التاني وهو التلافي mitigation الولايات المتحدة حاليا ومعظم اوروبا ودا بهدف لتقليل سرعة انتشار المرض لكن ليس بالضرورة ايقافه ، ودا بقلل الضغط علي النظام الصحي بمعدل 2/3 تقريبا والوفيات بمعدل النصف تقريبا وبحاول يضمن
عدم انهيار المنظومة الصحية ، ولكن يظل خيار مكلف جدا من ناحية الارواح البتتفقد لمئات الالاف وقد تصل لطاقتك القصوي او تنهار جزئيا عدة مرات خلال العام ونصف ، وبخليك تتخذ خيارات سيئة جدا من ناحية منو يعيش ومنو اليموت زي ما كلنا شايفيين حاليا
ولازم نضع في بالنا واعتباراتنا برضو انو اي انهيار في النص لاي استراتجية انت اتبنيتها من ديل بعني انك ترجع تاني للصفر وكانك ما حتعمل اي حاجة وتخلي الفيروس يسرح ويمرح وممكن بعد تكون استهلكت امكانيات وموارد ضخمة جدا جدا من غير ما تحقق أي شئ ، كانك يا ابو زيد ما غزيت ، فعشان كدا ⏬
قبل ما تتخذ اي دولة اي خيار من الخيارات السابقة بكون مهم جدا انها تنظر لعدة عوامل منها قيمة الفرد عندها وامكانياتها المادية والبشرية المتاحة ليها ، ووضعها الاقتصادي والامني الحالي ومدي توقعها لقدرتها علي تعبئة المجتمع معاها وقدرة الصمود علي خيارها ، وبكون من المهم بمكان كمان⏬
انها ما تهمل ظروفها المختلفة مناخيا واثنيا وسكانيا وغيرها من العوامل المتتداخلة ، دا غير خواص الفايروس نفسه في قوته وانتشاره وعنفوانه وكدا ،، طيب كل الكلام الكتير دا نحن كسودان بهمنا وين ، وعلي قول سئ الذكر السابق المشكله مكانها وين حاليا?? ⏬
المشكلة في رأيي الشخصي متراكمة ومتداخلة من افرازات النظام السابق وتدميره الما بخفي علي اي عين لمنظومتي الصحة والتعليم عندنا مما خلق صعوبة كبيرة في اتباع اي من الاستراتيجيات المذكورة سابقا لانها كلها بشكل او باخر بتتطلب امكانيات مادية وتعبئة مجتمعية مما جعل حتي حكومة كفاءات ⏬
بتعاني اشد المعاناه في انها تتبع اي من الاستراتجيات السابقة لان اي خيار منهم حيكون مكلف ومرهق جدا جدا علي كافة الاصعدة ومع امكانية فشله في لحظة وانقلاب الوضع بالكامل عليهم وقد يمتد لفقدان الديمقراطية الوليدة الاكتسبناها بعد ارواح ازهقت ومعاناه لما يزيد عن 30 سنة ،، فهي من ناحية
ما بتقدر تتبع استراتيجية التلافي لانها حتكلفها ارواح كتيرة جدا جدا الاف وحتشكل مرعي خصب —لو اعلنو زي بوريس جونسن مثلا او ترامب— انو حنفقد ارواح كتيرة جدا وانو ما باليد حيلة لانو الكيزان حيلقوها فرصة سانحة للانقضاض عليهم بعنف فائق وقد يحصل انقلاب عسكري بنسبة عالية شديد .
وبنفس القدر ما عندنا اي امكانيات لاتباع استراتيجية قمع مطلق والفشلها ممكن يودي لانهيار المنظومة الصحية وتبعاتها وممكن تصل وفيات الكورونا فيها لمليون ونصف سوداني ، عير عن باقي الاضرار الجانبية الصحية والاقتصادية والامنية الممكن تنشاء من اغلاق البلاد لفترة طويلة جدا ، قد لا يمكن
التعافي منها لسنيين قادمة ،، بالاضافة لعدم وعي معظم الناس وادراكهم لمعني النمو الاسي للدالة لانو بصراحة العقل البشري ما بستوعبها بسهولة ، وعدم تقبلنا لحقيقة انو الفايروس لا يمكن قمعة حاليا وحيدخل حيدخل ، لذلك اتخذت وزارة الصحة عندنا خيار للاسف انا شخصيا ما شايفه صحيح لانه وقتي
وليس حل دائم ، لانه مع الزمن حيودي لاستنزاف واستهلاك مواردنا الصحية وانهيارنا بالكامل ورجوعنا للمربع الاول وكاننا ما عملنا اي حاجة ، ودا خيار بعواقب وخيمة علي المدي المتوسط والبعيد وان كان يبدو حاليا انه افضل ما بوسعنا لحفظ جميع ارواح السودانيين بس وبكل الحزن دا خيار مستحيل وغير
ممكن بالمطلق ، ويستحسن انو نراجع نفسنا ونبدا نتهيا لمعركة شرسة لا تقل عن ثورتنا المجيدة ، معركة حتمثل ثورة جديد مستندة علي كفاءة قيادتنا ، لكن بنفس القدر بتعبئة مجتمعية مسنودة بالعلم والاهم من كدا بالخواص الفريدة لمجتمعنا وبيئتنا .
طيب هل هي كدا خربانة وكدا خربانة علي قول السيسي
طيب هل هي كدا خربانة وكدا خربانة علي قول السيسي
لا طبعا في حلول في الافق وحلول مبنية علي ورقة علمية اتقدمت من الامبريال كوليدج بشكل مودل بتاريخ 16 مارس وبتبدو مبشرة جدا بس محتاج مننا شغل جمعي مكثف جدا من كل فرد في مجتمعنا زي ما حصل ايام الثورة وعشان كدا ابتديت الثريد دا بضرورة اننا نتوحد تاني كلنا مع بعض نحو انتصارنا الجديد ⏬
الحلول دي شنو ؟؟ الحلول دي ببساطة انك تفهم الفايروس صح وتتبني الاستراتيجيتين مع بعض في نفس اللحظة في شكل فترات متقطعة مع التركيز علي عدة عوامل وموشرات هي البتحدد ليك متين تتبني القمع وتعكس نمو الفايروس الاسي ومتين ترخي وتخلي الاقتصاد يتعافي والنظام الصحي يتعافي والفايروس ينتشر ⏬
بمعدل انتشارR0 1 في السكان الاقل عرضة للخطورة مع الحماية المطلقه للفئات المعرضة للخطر بحيث انو يصيب من 50 ل 80 % من السكان الما معرضين لخطر عالي ونكون مناعتنا الجمعية الحتحمي كل مجتمعنا بعدها وتوقف الفايروس تماما مع الحرص علي عدم انهيار المنظومة الصحية ، نبدا نشرح اهداف الخطة ⏬
الخطة ببساطة قلنا بتتكون من مرحلتين الاولي الشاكوش(قمع) ودي الاجراءات العنيفة البنستخدمها لما معدل الانتشار يزيد عن 1 شخص عشان نخلي الفايروس مسيطر عليهو ودي بتشتمل علي الابعاد الاجتماعي لكل الناس ، الحجر المنزلي للمصابيين واسرهم ، وممكن تتدعم باغلاق جزئي للمدارس والجامعات رغم ⏬
انو الاغلاق دا قد يكون سالب لانو بحرم فئات ما معرضة لخطورة من انها تتحصل علي المناعة وباخر مناعة المجتمع وبانخفاض معدل النمو ل 1 تخفف الاجراءات دي للسماح بانتشار الفايروس تاني بمعدل 1 ودا مع مراقبة المرض اكلينكيا واحصائيا ودي بنستعملها من اسبوعين لشهر في منطقة بورة المرض ،،
اذا نحن نستعمل الشاكوش لتقليل عدد الحالات المصابة باسرع ما يمكن في منطقة تشكل بؤرة للمرض بهدف عدم السماح ليهو بالضغط علي النظام الصحي ونسطح المنحني زي ما بتكون كلكم سمعتو بالفكرة دي من قبل ، لكن الفرق انو فترتك الزمنية معروفة وبعدها حتخفف القمع وحنتبع استراتيجية الرقص ودي حتكون⏬
لفترة اطول نسبيا وفيها اقتصادك ونظامك الصحي حيتعافي وحيكون الاعتيادي فيها نشر ثقافة غسل اليدين والتباعد الاجتماعي ،مع فتح الموسسات التعليمية ورفع كل الحظر ما عدا المسنين فوق السبعين للمحافظة علي معدل انتشار بالقرب من 1، وبازدياد عدد المحصنين بالمجتمع يتناقص معدل الانتشار الاساسي
وتتباعد الفترات بين الخطوتين لحين الوصول للمناعة المجتمعية الكاملة باخف الاضرار باذن الله ، والاستراتيجية برضو بتتضمن لي انو الكادر الصحي المصاب بعد اسبوعين برجع بمناعة تخليهو يمارس عمله من غير خوف من العدوي ومن غير حوجة لوسائل حماية كتيرة تاني .
وبكدا نكون حافظ علي السعة الاستيعابية لمستشفياتنا واجهزتنا وحفظنا طواقمنا الطبية واديناهم فترة تعافي للراحة والعودة لاعمالهم وحفظنا اقتصادنا ودولتنا من الانهيار وقللنا عدد الوفيات لاقل ما يمكن لانو النظام الصحي حيقدر يدعم كل من احتاج لعناية ورعاية
ودي مجموع التدخلات النحن بنحتاج ليها في الاتنين وكيف بالتوافق بينهم بنقدر نوفق بصورة كويسة بين التكلفة والعائد الافضل من النظام الصحي وجهدنا لمواجهة العدو والموت وانعدام الاستقرار والتفلت الممكن يواجهونا لو اصرينا علي العكس وعلي انو الفيروس ما حيخش وبدل #الحالة_6 تكون خبر سئ ⏬
نحولها لنقطة تتدارك ومراجعة مسار للاتجاه النحن متجهيين عليهو .
ودي المودل من بحث الامبريال college بعنوان للتاكد من المعلومات
Impact of non-pharmaceutical interventions (NPIs) to reduce COVID-19 mortality and healthcare demand
DOI: doi.org
ودي المودل من بحث الامبريال college بعنوان للتاكد من المعلومات
Impact of non-pharmaceutical interventions (NPIs) to reduce COVID-19 mortality and healthcare demand
DOI: doi.org
ودا المقال النبهني لانو في خيارات تانية واقتبسنا منه الاسم والفكرة الاساسية مع محاولة ترجمة للعربية ، وفي بعض النقد علي افكاره راجعتها حسب قدرتي قبل بلورة الفكرة النهائية الطرحتها دي وباضافاتكم ممكن نخصص model and ploicy لكل منطقة براها غرب شرق شمال وسط
Suggested goals are:
Keep R Naught Less Than 1 will end the epidemics as the rate of transmission decrease over time rather than increases.
Testing, Quarantine, Isolation, Contact Tracing paramount to long-term viral control methods
Keep R Naught Less Than 1 will end the epidemics as the rate of transmission decrease over time rather than increases.
Testing, Quarantine, Isolation, Contact Tracing paramount to long-term viral control methods
Public Hygiene and Social Distancing. Handshake-Free Zones are the new norm .
Ban Large Gatherings especially if we discover super spreaders.
Most Other Restrictions Removed .
YES! After the Hammer, we will move on.
As Needed: Increase or Decrease other Interventions Depending
Ban Large Gatherings especially if we discover super spreaders.
Most Other Restrictions Removed .
YES! After the Hammer, we will move on.
As Needed: Increase or Decrease other Interventions Depending
on the Cost-Benefit
This is the revolution which the MOH, media, and our politicians must recognize.
Epidemiologists are not yet seeing the big picture, that we actually do need low-level sustained transmission in those under 50 to promulgate herd immunity.
This is the revolution which the MOH, media, and our politicians must recognize.
Epidemiologists are not yet seeing the big picture, that we actually do need low-level sustained transmission in those under 50 to promulgate herd immunity.
Cost effective interventions will be continuously used,while more costly interventions will be saved to interrupt viral transmission when needed .
Cost-benefit of different interventions against Covid-
interventions in Blue are considered too expensive to be indicated.
Understanding the cost/benefit of these interventions will be very important.
Equally as important, acknowledge that this is pandemic made of regional epidemics
. What works in your region may not work in mine.
Understanding the cost/benefit of these interventions will be very important.
Equally as important, acknowledge that this is pandemic made of regional epidemics
. What works in your region may not work in mine.
As the pandemic ends, regional epidemics will continue to come and go.
As transmission increases, as measured by testing, or hospital or ICU admission, interventions will need to be increased for 2-4 weeks.
As transmission increases, as measured by testing, or hospital or ICU admission, interventions will need to be increased for 2-4 weeks.
Then, as the new infection end, you can decrease interventions to allow for low-level sustained transmission .
This country is not homogeneous. There are unique geographical, sociological and population density differences that will make a difference in the interventions selected.
In each region, different interventions will have different benefit and costs to implement.
In each region, different interventions will have different benefit and costs to implement.
ودا عشان لما تزهجو من المعط بتاعي دا جون اوليفر يمتعكم
youtu.be
youtu.be
عليكم الله اتفرجو الفيديو دا برضو عشان تعرفو معاي انها ما معركة اكرم ووزارة الصحة براهم لكنها معركة البدوي والبرهان وحمدوك وحميدتي كمان ، خيارات السياسيين هي البتختنا قدام الواقع المر دا ، احضروه وحسسوهم انو ارواح اهلنا وارواحنا عندها قيمة ما الا نفتح حسابات شحدة للصحة تاني
الارقام الفوق دي كلها مبنية علي اكثر النماذج تشاءوم "نموذج امبريال كوليدج المذكور اعلاه "وبافتراض انهيار النظام الصحي او عدم تتدخل الدولة بالكامل وصراحة الوضع ممكن يكون احسن كتير بابسط التتدخلات ، لكن دا ما بعني انه ولو روح واحدة او دمار اقتصاد او اثار الذعر دي ما كارثة
جاري تحميل الاقتراحات...