18/11/2018 بدأت القصة:
طبعاً الكل او الاغلب منكم يعرف اني اركب خيل وحياتي كلها فروسية، بهالثريد رح اكتب لكم اصعب تجربة جسديه ونفسيه واجهتها، تجربة يارب محد يمر فيها، ولولا الله ثم ثقتي بنفسي ووجود اهلي والناس القراب ماكنت رجعت ...
طبعاً الكل او الاغلب منكم يعرف اني اركب خيل وحياتي كلها فروسية، بهالثريد رح اكتب لكم اصعب تجربة جسديه ونفسيه واجهتها، تجربة يارب محد يمر فيها، ولولا الله ثم ثقتي بنفسي ووجود اهلي والناس القراب ماكنت رجعت ...
بهالتاريخ الي فوق .. طلعنا تمرين طويل وكنت متحمسه كثير، لانه اخر تمرين لي قبل سباق مهم كنت انتظره والي رح يكون بداية مشواري او الافتتاحية للموسم الي انتظره وكان باقي اربعة ايام بس .. لكن صار الي ماكان فالحسبان أبداً ..
بعد ماقطعت تقريباً 30km ومابقى الا القليل من الفرحه كنا نتناقش شو رح يكون الغدا?
كملت وطلع الخيل فجاه canter او هديب بالفُصحى .. فأقل من دقيقه صار هذا كله .. فقدت توازني وخرجت رجلي اليمين من الركاب حاولت ارجعها للاسف كان فيه مطب كبير قدام الخيل وهالشي ساعد باختلال التوازن اكثر!
كملت وطلع الخيل فجاه canter او هديب بالفُصحى .. فأقل من دقيقه صار هذا كله .. فقدت توازني وخرجت رجلي اليمين من الركاب حاولت ارجعها للاسف كان فيه مطب كبير قدام الخيل وهالشي ساعد باختلال التوازن اكثر!
فأقل من دقيقه بعد هالمطب الصخري حاولت أتشبث برقبة الخيل وكلها عرق وحطيت يديني و gloves كله مبلول مافادني شي مسكت العنان ماقدرت .. واخر شي طرت عالرجل اليمين .. وكانت أول مالمس الأرض بكامل وزني .. والأرض اخر التمرين كانت "سبخه" او كلها حصي وقويه .. تخيلو ان القدم اليمين صكت عالارض
والجسم فاتجاه ثاني! ماعرف كيف اوصلها لكم .. انا للحين ماحسيت بشي وقلت لاخوي مد يدينك عشان اقوم واكمّل! وهو من الصدمه شاف رجولي وشرد من الخوف!! قلت شفيه، يوم طالعت رجولي والله العظيم كأنها مفصوله من الساق وقاعده تتحرك يمين يسار، شعر جسمي وقف بديت احس بحرارة داخلية
للحين مافيه ألم الضربه حاميه .. شلوني بالسيارة وكنا فنص البر? وعشان نوصل الطواري تعبنا .. كل مطب او قص فالرمله كانت عظم رجولي تتصافق معاه .. الله لايرويكم .. واخوي ماسكها ويحاول يثبتها ومع ذلك ..
وصلنا الطواري .. اول مره اشوف اربعة دكاترة واوكسجين وممرضات فوق راسي ..
وصلنا الطواري .. اول مره اشوف اربعة دكاترة واوكسجين وممرضات فوق راسي ..
بديت أحس بألم مبرح عمري ماحسيته .. الدكتور حاول يرجع المفصل مكانه .. وانا قاعده اموت تدريجيا .. ماطاع يرجع .. ويحاول .. وللاسف هذا كله عشان يلفها بس .. مافيه حل الا جراحه عاجلة .. بعد الأشعة تبين كسر فالمفصل كامل من الجهتين وتفتت العظم والغظروف انكسر .. التغريدة الي تحت بحط الصور
الصور المبدئية .. لكسر العظام وتفتته ..
دخل علي الدكتور قال لازم جراحة عاجله او مارح تمشين مثل قبل ولازم نحط صفايح ومسامير فالمفصل.. من الاخر .. وفروسيه مافيه .. كأن حد غرز سكين بصدري .. تخيلو حياتي كلها مع الخيول بشكل يومي .. دمعت بليّا حس .. وهلي يحاولون يستوعبون الموضوع معاي .. ماتكلمت ماقدرت اقول شي ..
احس خلص الكلام وناهيك عن الناس الي بس تقول، محد قالج، طبّي الفروسية، هذا درس .. وغيره الكثير .. عموماً دخلنا غرفة العمليات وكانت اول مره فحياتي وكنت اتراقل والله .. الوالد الوحيد الي دخل او دخلوه .. اطالع فيه ويطالع فيني من الخوف .. وبدينا بسم الله مرت ٣ ساعات واخرتها
ماقدروا يسون العملية او "الشق" لان القدم متورمه، swollen فصعب شق الجلد .. حطولي fixation لمدة ١٤ يوم .. تخيلو ١٤ يوم على ظهري ، كمية العجز تقتل .. لاتقدر تروح يمين ولايسار والـ fixation عبارة عن حديد اثقل منك بخمس مرات .. وهذي صورته ..
والله ماعرف كيف مرن هالاسبوعين بس مرن .. الحمدلله وبعدها الاستعداد للعملية الكبيرة بعد ماقل التورم.. جهزوني نفسياً وطبياً والساعه خمس العصر شلوني .. ماكنت احس بأي شعور حزتها ابغي أخلص وأرد البيت بس!! استمرت العملية خمس لست ساعات .. وكانت عملية دقيقه نوعاً ما ..
خلصت وردوني الغرفه الساعة عشر بالليل فتحت عيوني .. تحت البنج ماحسيت بشي .. بعدها بساعتين .. حسيت بألم ماقدر أوصفه هل هو العمليه او الحدايد او الخياطة ماعرف .. وانا شخص كتوم حزة الالم .. الوالده بدت تلاحظ تعرق جسمي والاحمرار واني اقطع البطانيه من الالم .. فجاه
الممرضات والدكتور المناوب بدو يحاولون يسكنون الالم .. لان الضغط وصل الاربعينات .. الموضوع صار شي .. عطوني ترامدول مانفع .. وزادو الجرعه بالمورفين .. اخرتها قدرت أغمض شوي، ثاني يوم بدت محاولات الدكتور للعلاج الطبيعي، رح أحط لكم صور القدم بعد العملية بأسبوع الي قلبه ضعيف لايشوف ..
الي قلبه مايتحمل لايشوف ..
خمس شهور ماتحركت ولا دست عليها .. نسيت طعم المشي، قعدت فالبيت .. شعور العجز أليم الله لايذوقه أحد .. بعدها أخر MAR2019 حطيت قدمي على الارض ، اول فترة ماعرفت كيف أمشي ، كأنك طفل تنولد من جديد .. حاولت وتعلمت وماقصرو الدكاترة تعبتهم كثير? بعدها بشهر بكامل ارادتي
رجعت أركب خيل! ماتتصورون كيف كان الشعور بعد ست شهور? واحساس الخوف وكيف بتعداه .. حرفياً اول مره قعدت أصيح .. واقتنعت اني مارح أرجع مثل قبل خلااااص .. وهذا المكتوب .. بعد خمس شهور كانت عندي أشعه نهائية .. وكانت الصدمه الكبرى .. لازم عملية جراحية ثالثه وعاجله بعد ......
والسبب سبحان الله مع التحام عظمي بقوة بدت الحدايد والمسامير تضرب فبعض مما يسبب ألم مايخليك تمشي .. والتهاب فالكعب لين اليوم .. فما فيه حل الا عملية نشيل الحديد والصفايح .. شعوري مايحتاج اوصفه، تعبت من العمليات تعبت من الخياطة .. ماصدقت اني بديت ارجع اركب خيل ولو بسيط ..
صوره للحديد وهو يدق فالعظم ..
وبهاليوم الي سويت فيه اول عملية قبل سنة .. 19/NOV/19 سولي آخر عملية ولله الحمد .. طلعوا الحديد والمسامير والصفايح .. اول الايام احساس غريب، منعني الدكتور من الحركة الزايدة بسبب الثقوب مكان الحدايد تحتاج وقت .. اجمل شعور لما اضرب رجلي فالارض واعرف انه مافيه حديد ..
وهذي صور للعملية الثالثه والاخيرة بعد استخراج المواد، الي قلبه ضعيف لايشوف مره ثانيه?
والله العظيم ان العافيه نعمه .. بعدها بشهر رجعت اركب قاومت كل مخاوفي تحديت .. كنت احيان اقوم من عز نومي ماقدر امشي من الالم وهذا كله متوقع اول سنه. الشفاء من هالاصابات يحتاج سنين .. لكن ماوقفت رحت وركبت خيل وتمرنت واذا تالمت قلت هذي بادرة شفاء .. والحمدلله على كل شيء
الين يومكم عندي مخاوف، لكن احاول قد ما اقدر .. مفصل قدمي لازال يتعالج بس قاعده احاول .. وكل خوفنا من الغظروف لان لو ماترقع لاسمح الله يمكن يستبدلون المفصل? وحسب كلام الدكتور مافيه شي فالطب لمثل هالحاله الا .. الوقت ..
لاتستهينون ولاتوقفون عن احلامكم .. انا تحديت كل حد لين ماوقفو معاي .. لاتخلي شغفك بالحياة .. ما أخفيكم ان هالاصابه علمتني وتعبتني كثير واثارها بارزة للعين لكن والله العظيم انها نعمه من رب العالمين غيرت كثير أشياء فحياتي الشخصيه والعمليه، حتى فالفروسية ركوبي وحذري تحسن بنسبة 100%
الانسان مايوقف عن حلمه بس يتوكل على الله وياخذ بالاسباب!!! واعلم ان اي علامه او جرح فيك رح يقويك ودلاله على ثباتك! وهذا فيديو من ركوب قبل كم اسبوع، اللهم لك الحمد من قبل ومن بعد .. الحمدلله❤️?? والسموحه اني طولت عليكم??
الحمدلله ......
جاري تحميل الاقتراحات...