رتبها

ثريد صور من الفلاحين اللي هو احنا بنمسي على اخواتنا الاسكندرانيه ونقولهم ان ضاق بيكم البحر حضننا يساعكم ياحبيب اخوك ومش تحزن يابا

الساقيه والقنايه وابو قردان صديقنا وري الارض

الكانون والفرن البلدي وعش حمام وقفص رف للمواعين

شاي الراكيه وجبنه قديمه ومزاج العصاري

لعب الكبار والصغار وعشة الغيطان

السوق والاسره

دي بقى كوشة العروسه يوم الحنه والفرح كنا بنعملها من العصر وكانت اول العروسه ما تنزل ننط كلنا نخطف النفافيخ المتعلقه دي و مش عاوز اقولكم واحنا عيال صغيرين كنا بنعمل ايه كمان والعروسه قاعده علشان ما انزلش من نظركم اكتر من كده ????

الفرن البلدي والعيش وشوي السمك واجمل صواني و رز معمر ومدسوس

حليب البهايم والأطفال والحركه دي عملناها كلنا من المنتج للمستهلك مباشرة ???

القطن ..ورحم الله اياما كان القطن ستر الفلاح ..

دراع الفلاح الأيمن والأيسر هو الحمار بتاعه

طفوله جميله ..الولد الصغير اللي في الحاصل ده اتمسك وهو بيسرق بيضه ..لولا عارف شكلي كنت قلت ده انا ..كنت بتقفش دايما وانا بسرق البيض من ورا امي ونروح نبيع البيضه ببريزه?

الست الفلاحه دي بقي جبل جبل بيمشي ع الارض شغاله في الدار والغيط كتف بكتف مع راجلها ولاعمرها كلت ولا ملت ولا اشتكت ولاب تشرب قهوه ولا بتسمع فيروز

١ الأرز
٢ الفول
٣ برسيم
٤ القطن

ع الزُراعيه يامانفسي أجابل حبيبي ?
دي الزُراعيه ياجماعه السكه بين الأراضي

الساقيه (الكباس ) ودايما كان عندنا ايمااان قوي ان السواقي مسكونه عفاريت

جواميس والجدير بالذكر ان الجاموس مش بيستحمل الحر وفي الصيف لما كنا بنزل الجاموسه تستحمى في الترعه كنا لازم ننزل معاها ونركب على ضهرها ونستحمى معاها في الترعه

المواعين والهدوم بتتغزل على القنايه وف الترعه .. ومازال لحد اليوم بيتغير في القنايه لان معظم الترع اتردمت..

الفطير المشلتت والبتاوي ??

الحلاق وده كان بيلف على العجله او ع الحمار ويحلق للناس في اي مكان مش فارقه وطبعا اجرته كانت سنويه بنديله شكارة رز وشوال قمح ..
الصوره التانيه لفلاح بياخد الشمس من دماغ شاب واخد ضربة شمس

حاجات موجوده بالإجبار في بيت كل فلاح القله والكنب والأطباق دي لازم لازم لازم الأطباق دي بنفس الألوان دي والسبب معرفوش ??

ياجمال عزبنا وقرانا والله ..الجمال ده حدانا ياجماعه وكتييير جدا جدا ..
وفي محافظات كتيير جدا ..
ابجو تعالو عندنا ..
انا فلاح عيشتي وحياتي في الخيال ده??????