رتبها

إحنا النهاردة سنة 1892.. و عالم النبات الروسي "ديمتري إيفانوفيسكي Dmitry Iwanowski" بيتوصل لواحد من أهم الإكتشافات في التاريخ..
الفيروسات...
قبل الكشف دا كان الناس اللي بتكافح الفيروسات بتتكلم عن "بكتيريا متناهية الصغر متتشافش بالميكروسكوب"...
يتبع..

مرض غريب بيسبب تلف لمحاصيل التبغ في القرم و أوكرانيا، بيحاول ديمتري يفحص السبب.. بيكتشف إن في شيء متناهي في الصغر مش عارف يشوفه بالمايكروسكوب و بيمر من مصافي البكتيريا، و "مصفاة شمبرلند Chamberland filter"
يتبع..

اللي اخترعها عالم الأحياء الفرنسي و صديق لوي باستير "تشارلز شامبرلند Charles Chamberland"، اللي عمل لقاح "كوليرا الدجاج Chicken cholera"...
المهم حاول كتير و راقب تصرفات الكيان الغريب اللي مش قادر يشوفه دا مع أوراق الطباق، و قرر إنه مش بكتيريا هو حاجة تانية فائقة الصغر..
يتبع..

مكانش يعرف إن اللي بيحاول يفهمه دا هو "فيروس تبرقش التبغ Tobacco mosaic virus" اللي بيغير لون أوراق الطباق و يتلفها...
تعب كتير جدا و ماعرفش يوصل، و اصابه اليأس، و عمل أسوأ حاجة ممكن يعملها باحث...
ترك الموضوع برمته..
يتبع..

و يلتقط منه طرف الخيط زميله و عالم الكائنات الدقيقة الهولندي "مارتينوس بايرينك Martinus Beijerinck"...
"مارتينوس" سمح للفايروس بالتكاثر علي أوراق التبغ، و راقب التطورات و أعلن إن دي مش بكتيريا، دا كائن أصغر.. بس هو اعتقد إنه شكل سائل من أشكال الحياة.
يتبع..

و سماه "السائل المعدي الحي contagium vivum fluidum" اللي اختصرها لاحقا في الكلمة المعروفة...
"فيروس Virus"...
"بايرينك" مانساش أبدا "ديمتري"، و نسب الفضل ليه في اللي توصل له.. و دا خلاهم هم الإتنين من مؤسسي علم الفايروسات...
يتبع..

فضلنا في الظلام برضه، معتقدين الفايروس كيان سائل بيسبب العدوى، و مش عارفين نمسكه و لا نشوفه...
الطفرة الحقيقية كانت لما الراجل الألماني اللي في الصورة دا، و اسمه د. "إرنست روسكا Ernst Ruska" حط إيده في إيد مهندس ألماني اسمه " ماكس نوو Max Knoll"
يتبع..

وقرروا يقدموا أول ميكروسكوب إليكتروني للبشرية
سهروا كتير في بيت روسكا يعملوا تجارب و يرسموا فكرتهم و يصمموها و يلاحقهم فشل ورا فشل خصوصا إن الإتنين كانوا بيكملوا بعض و العلوم اللي يعرفها واحد منهم مايعرفهاش التاني وكان غياب واحد منهم لأي أمر شخصي لفترة بيوقف التجربة كلها.
يتبع..

بدأوا سنة 1925، و اشتغلوا كتير جدا.. لحد ما في صباح 19 نوفمبر سنة 1931، كانوا شايلين اوراقهم و رايحين يلتقوا بالفيزيائي الشهير "ليو سيلار Leo Szilard"...
"ليو سيلار" فيزيائي عظيم، و براءة اختراع المفاعل النووي مسجلة باسمه سنة 1933، و هو مخترع "مسرع الجزئيات الخطي.
يتبع..

و شارك في "مشروع مانهاتن Manhattan Project" مع آينشتاين، ذلك المشروع اللي شطروا فيه الذرة و خلقوا تفاعل متسلسل وصلهم لصنع القنبلة الذرية.. و كان قدم فكرة عن ميكروسكوب إليكتروني بيكبر أكتر من الميكروسكوب العادي 200 مرة سنة 1928 لشركة "بوش Busch" الألمانية،...
يتبع..

و مع ذلك، شركة "بوش" رفضت اختراع "سيلار" وقتها، لأنها اعتقدت إنه مالوش فايدة اقتصادية، فلما راح له "نوو" و "روسكا" بنفس فكرة الاختراع اللي عملها بس معدلة و محسّنة بقوة تكبير 500 مرة، مكانش متفائل و لا متحمس، و بالتالي رفض إنه يتبنى الفكرة.. و صرفهم في أدب...
يتبع..

في نفس اليوم قرر المهندس "نوو" يتخلى عن المشروع، بس "روسكا" أصرّ يكمل.. وخد الأوراق و راح بيها مع نوو لشركة صغيرة بتبدأ في عالم البيزنس اسمها يمكن نصفه الأول بقى مألوف لمعظم البشر علي سطح الأرض النهاردة.. ..
شركة اسمها "سيمنز شوكيرت Siemens-Schuckert "..
يتبع..

و كانت وقتها بتنتج محركات مالهاش أي ميزة تنافسية و بدأت مبيعاتها تنخفض.
الشركة دي قبلت الاختراع و قررت تشتريه و منح روسكا ونوو وظيفة عندها.
بس طاقم مهندسي الشركة تشكك في الاختراع و أعلنوا دا للمدير العلمي للشركة "رينولد رودنبرج Reinhold Rudenberg" و طالبوه برفض الفكرة.
يتبع..

و لحسن الحظ البشرية، "رودنبرج" ماسمعش كلامهم...
و في نفس السنة، 1931 كانت "سيمنز" بتسجل براءة الاختراع باسمها بالمشاركة مع روسكا و نوو، و سنة 1932 كان العالم بينظر للمرة الأولى لأول صور لفيروس حقيقي في التاريخ...
يتبع..

بعد خمس سنين، سنة 1937، كانت الشركة وظفت "هيلموت روسكا Helmut Ruska" أخو "إرنست" اللي طور تطبيقات للعينات البيولوجية تنفع مع الميكوسكوب الإليكتروني.. و أطلقت لمشروع الأخوان "روسكا" و المهندس "نوو"، تمويل لامحدود لتطوير الميكروسكوب...
يتبع..

و كانت سيمنز بتعمل الأجهزة بالطلب.. للي يطلبها بشكل خاص من المعامل و المستشفيات و الجامعات.. لحد عام 1939، اللي طرحت فيه سيمنز "الميكروسكوب الإليكتروني TEM" للإستخدام التجاري...
النهاردة الميكروسكوب الإليكتروني الحالي بيكبر حوالي 2 مليون مرة..
يتبع..

بس لازال معتمد في تصميمه بشكل أساسي علي النموذج الأولي اللي عمله روسكا و نوو سنة 1931...
سنة 1986 حصل روسكا و نوو علي جائزة نوبل في الفيزياء عن اختراع الميكروسكوب الإليكتروني...
يتبع..

روسكا و نوو أنقذوا باختراعهم أكتر من 5 مليار كائن حي، بين نبات و حيوان و بشر، من 1933 لحد النهاردة و لا زال العدّ مستمر...
ابحاث اللقاحات و المناعة و الباثولوجي بوجه عام لحد لحظة كتابة السطور دي معتمدة بشكل أساسي علي إختراع روسكا و نوو..
يتبع..

لما تفتح أي كتاب باثولوجي أو فايرولوجي و تتفرج علي صور لفايروسات و خلايا أو صور من داخل الخلية و تقرا عن سي دي4 و جي بي 120 أو تتعالج بأي مضاد فيروسات افتكر "إرنست روسكا" و "ماكس نوو".
المراجع:
1 - Hawkes, Peter W. (July 1990). "Ernst Ruska". Physics Today 43 (7): 84–85.
يتبع..

2 - Knoll, Max & Kügler, J. (1959) Nature (London) 184: 1823-1824. "Subjective Light Pattern Spectroscopy in the Electroencephalic Range."
يتبع..

3 - scienceaid.co.uk
4 - fei.com
5 - Kasas, S.; Dumas, G.; Dietler, G.; Catsicas, S.; Adrian, M. (2003). "Vitrification of cryoelectron microscopy specimens revealed by high-speed photographic imaging". Journal of Microscopy 211 (1): 48–53.
يتبع..

scienceaid.co.uk/biology/cell/a…

fei.com/introduction-t…

6 - Rudenberg, H Gunther and Rudenberg, Paul G (2010). "Chapter 7 – Origin and Background of the Invention of the Electron Microscope: Commentary and Expanded Notes on Memoir of Reinhold Rüdenberg". Advances in Imaging and Electron Physics 160.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد