بتكلم لكم عن قصتي ومعناتي يلي بدت
من عمري ١٢ سنه إلى الان😔💔❤️*
من عمري ١٢ سنه إلى الان😔💔❤️*
بدايتنا انا بنت كلي على بعضي عيوب خلقيه وراثيه اللهم لك الحمد واللهم لاأعتراض على قضاء الله وقدره،عمر العيوب الخلقيه الوراثيه يلي فيني ماكنت سبب في توقفي بالحياة بالعكس كانت سبب في نجاحتي واستمراري إلى الاعلى دايم كانت شي يحفزني دايم عشان أوصل للي أبيه
اللهم لاأعتراض على خلقة الله ❤️💔*
اللهم لك الحمد الله اخذ مني شي بسيط لكن عوضني باللي أحسن منه ❤️💔*^
بدأت معاناتي من لما كان عمري ١٢ سنه بوقتها كنت بالصف أول متوسط الحمدلله هي خلقة الله واللهم لك الحمد مو معترضه عليها لاني عارفه ان الله حرمني من هالشي لكن عوضني باللي أحسن منه ، كانت عقدتي بالحياه كلام الناس وضحك الناس على والتنمر والالفاظ وهالشي مو بيدي لو بيدي كان غيرته ❤️💔💔*
كنت اتحسس من كلام الناس لي والفاظهم ولما يتكلمون عني كنت احس من داخلي لدرجه وصلت فيهم انه يضحكون أشخاص علي من ناحية خلقة الله كنت دايم ابكي من ناحية المظهر الخارجي ياربي ليه يدي كذا ليه ماتنمد مثل الناس والعالم ليه انا كذا كنت قبل اتمنى انها شي داخلي مو خارجي
كنت ارجع من المدرسه وابكي عند امي من الشي يلي دايم اشوفه كنت ابكي بسبب مظهري الخارجي "بسبب يدي"من ناحية الكلام والضحك والاستهزاء والتنمر،واني كانت تفهمني كانت ومازالت تحس فيني كانت تداريني وتهدييي خاطرييي 😔❤️❤️💔*^
بعد مرور ايام بدات المعاناة صدق سويت لي موعد عظام بمستشفى الحبيب وكانت لي اول زياره مع أ.د فوزي الجاسر الله يسعده من حيث مالقى وجهه @fawzi_aljassir شخص متفاهم لاخر حد وقلبه نظيف ومتعاون مع حالة البيشن يلي قدامه يعنييي مادري وش اقول مو نفس الناس يلي تعيي عن الحاله او ترفض تمسكها
@fawzi_aljassir د فوزي الله يسعده دنيا واخره اعطاني تحويل لمستشفى الملك خالد الجامعي جاء اليوم يلي بعده ورحت المستشفى الملك خالدالجامعي وفتح لي ملف وأعطاني اشاعات كثيره وكانت من اصعب الاشاعات لي الرنين المغناطيسي وخصوصا ان عمري كان مره صغير
كنت مره صغيره وماكنت اعرف وشلون الرنين غير انه مزعج لاخر حد ومتعب، دخلت الرنين المغناطيسي بيدي اليمين وكان وضعي تمام جاء اليوم يلي بعده دخلت الرنين بيدي اليسار كانت الوضعيه مختلفه وكان مره تعب علييي بهالوضعيه وخصوصا انها كانت لمدة ساعه انا بحكم عمري صغير وماكنت اتحمل يلي انا فيه
من قوة ازعاج الرنين غطى على صوة القران وصوت الرنين مزعج لاخر حد ، ماكنت اعرف احاول اداري نفسي ولااتجاهل صوت الرنين المزعج جلست ابكي من قوة الالم وكل مره صوت البكاء يكون اعلى ، مادري وش يلي صار لي بهذاك اليوم فجاه الموظفين يلي الاشاعه كلهم حصلتهم عندي يحاولون يهدوني
بلحظتها امي كانت بتذخل بس رفضو لان امي بوقتها كانت لابسه ملابس فيها حديد وهالاشاعه ممنوع احد يدخلها وهو لابس شي حديد حاولت اتحمل واصبر ٣٠ دقيقه زياده عشان اوصل للي ابيه وينتهي هالالم والمعاناة كلها
بعد ماطلعت نتائج الاشاعات الرنين والمقطعيه وغيرها ، حولني أ.د فودي إلى أ.د هشام الصنعاوي اللي اعجز عن شكره مادري وش اقول وش اخلي ، هالشخص كان بمثابة أبوي الثاني ، اللي مستحيل انسى معروفه معاييي وتعبه معاييي شخص سوى المستحيييل عشان يسعدني @alsanawi
الحمدلله سويت العمليه ،وعلى اساس بتكون العمليه صعبه مثل ماشرحوا لي بالتنويم ، لكن صارت بالتدريج بالبداية كانت كسر جزء بسيط من عظام الكرسوع اللي يسبب خشونه لصغار السن ، وانتهت المرحله الاولى انتقلت الى المرحله الثانيه بس مع الاسف ماقدرت اكمل فيها بسبب المخاطرات والمضاعفات يلي كانت
بتحصل لي وبسبب خوف أهلي علي ، حولني بعدها د هشام إلى د حمزه الربعي اللي مادري وش اقول عنه الكلام مايوفي والله الله يسعده دنياء واخره ،سبحان الله كان كل موعد لي مع الاستشاري حمزه كان يعطيني مهله افكر زياده كل مره يعطيني مهله ويخليني اصلي الاستخاره وكل موعد على ذا الحال
لكن بالنهايه ماكملت والحمدلله على خلقة الله وخيره اللهم لك الحمد
بعد فتره من السنوات ، حسيت بالم رجلي الم ماله نهايه ولاله مدى الم ماكان طبيعي ولاكان يهون نهائيا ، احلامي واهدافي يلي كنت احلم بها كلها نسيتها واحس انها صارت صعبه علي بسبب هالالم يلي ماكان قادر يخليني اعيش حياتي طبيعيه مثل اي مخلوق
بـ ثاني متوسط بدى معاييي التعب والالم كان شي مره قوي ماهو شي سهل ، رحت بوقتها المستشفى عطوني ابره، رحت للمره الثانيه مستشفى ثانيه اضطروا انهم ينوموني عندهم اسبوعين بحكم ان الخلايا الدم الحمراء صاكه الـ ١٠٠٠ عندي ، لكن ماكان هذا الالم يلي احس فيه نهائيا وبحكم ان كل شي كان سليم
اظطريت اطلع من المستشفى، بعد فتره رجع لي الالم نفس قبل بس اقوى ، رحت المستشفى كنت اتالم الم مايعلم به الا الله ، كانوا يقولون كل شي سليم وصرفو لي ادويه ، وبعد فتره للمره الثالثه رجع لي الالم اقوى من قبل الم ماكان يخليني اشوف النوم في عيني نهائيا
من قوة الالم ماكنت اخلي امي تنام ولاترتاح ابداً ، كانت شاله همي وماكان عندها من البنات الا انا ، وعلى ذا الموال وكان يرجع لي الالم من فتره الى فتره بـ اخر الفترات رجعت رحت لنفس المستشفى انا خلاص ماني قادره اتحمل الم رجلي كانت بس كلمتي تكفون ابتروا رجلي وريحوني من هالالم 💔💔
فجاه يجي لي د مادرييي وش كان موقعه الاعرابي ولاادري هو د صحيح فعلا متخرج ولا مادري من وين جايبينه وحاطيته بهالمسمى الوظيفي ، د ماكان يحس بالشخص يلي قدامه او وش اللي راح يصير له بعد مايسمع المريض الكلام ، من دون مايكشف على الكشف السريري ، عطاني بس كلمه وانا بـ اصعب الايام يلي كنت
وانا كنت اوجهه الالم باصعب ايامي قال لي كلمه "مع الاسف انتِ ماعندك علاج نهائي للابد وراح تبقين على ذا الحال لنهاية عمرس" هالكلمه بحد ذاتها خلتني اصرخ صراخ وانا بقسم الطوارى مادري اداري الالم يلي انا فيه ولااداري الكلمه يلي سمعتها من هالدكتور الفاشل يلي كان واقف قدامي
جلست اضرب السرير بيدي باقوى ماعندي من الالم جلست ابكي باعلى صوت ، يالله وش هذا العيب الخلقي يلي ماطلع الا وانا عمري ١٤ مادري١٥ سنه ؟ وشهذا العيب الخلفي يلي مو مخليني اعيش حياتي مثل الاوادم وشهالعيب الخلقي يلي متعبني وانا بهالعمر ؟ ليه ياربي انا يلي ابتليتني بهالشي كله وبهالعمر ؟
صرف لي ادويه ومراهم ومادري وش بقى من الادويه الكذبيه يلي ماصرفها لي،وبعد فتره من الفترات رجع لي الالم نفسه لكن مختلف لاخر حد كان اقوى رجعت لنفس المستشفى ودخلت على د مصري لكن ماتذكر ايش كان اسمه لكني اتذكر ان هو نفس الشخص يلي جير كسر ابوي بخطاء طبي وبسببه ابوي مايمشي إلى الان 💔💔
كان وضعي بوقتها صعب اضطر يحوني على العلاج الطبيعي ، رغم ان وضعي كان يحتاج إلى عمليه بس مع الاسف دخلت على أطباء بوقتها اغبياء وكانوا مسوين نفسهم فاهمين الحياة (: الا غصب هالشي يرجع مكانه ، ومستحيل يرجع الا بعملية ، لما شاف ان الوضع مافيه امكانية قال لي لازم منظر لو هنا فيه انا
لو موجود منظار هنا انا اسويها لك لكن مو موجود، والحمدلله انه مو موجود لان مستحيل بوقتها اضيع نفسي بـ مستشفى فاشله لاخر حد ، وطلعوا فيني اشياء وهي مو موجوده اللهم لك الحمد
اللهم لك الحمد تم تحويلي لمدينة الملك سعود الطبيه المسمى سابقا بـ "مستشفى الشميسي" وجلست اسبوعين وبعدها جاتني رساله الاخت (....................) نذكرك بموعدك يوم الثلاثاء بعيادة جراحة العظام مع د صلاح هنا حسيت بالراحه والله واحس ان هم وراح ينزاح وراح اتخلص من هالالم كله وقريب
والحمدلله اللي مسك حالتي د صلاح هالشخص يلي ماعرف كيف أشكره ؟! وكيف أرد جميله ؟! يعجز لساني عن شكرك ولا أملك لك سوى الدعاء بأن يوفقك الله في حياتك 🌹❤@Salahzayed82
د صلاح شاف حالة رجلي وطلب مني اسوي اشاعات
وشاف حالة يدي وتقبلها بسعة صدر ، بعض الاطباء ماكانوا يتقبلون حالة يدي مع العلم هي خلقة الله ماهي شي ايرادي من المخلوق نفسه ،لو عليناا كان غيرنها ، لكن الحمدلله على خلقة الله وحولني على جراحة التحميل بخصوص موضوع يدي واجريت اشاعات لـ رجلي
وشاف حالة يدي وتقبلها بسعة صدر ، بعض الاطباء ماكانوا يتقبلون حالة يدي مع العلم هي خلقة الله ماهي شي ايرادي من المخلوق نفسه ،لو عليناا كان غيرنها ، لكن الحمدلله على خلقة الله وحولني على جراحة التحميل بخصوص موضوع يدي واجريت اشاعات لـ رجلي
خلصت جميع الاشاعات الرنين المغناطيسي وغير المقطعيه وغير كل موعد يجيني لازم اسوي ٤ اشاعات ٦ اشاعات بوضعيات مختلفه ، بعد فتره جاء لي موعدي مع د صلاح عشان يخبرني نتائج الفحوصات ، وطلع مو منظار لازم عملية جراحية بحكم ان فيني كذا حاجه بـ رجلي ،سجل لي دخول على العمليات خلصت التحاليل
تاريخ ١١/٢٩ اللي مستحيل انساه ابداً مستحيل انسى هالتاريخ ، لان هالتاريخ كان يالمني اكثر من اللازم
١١/٢٩ كان يوم الخميس عندي موعد مع جراحة التجميل ، دخلت على د اقسم بالله مادري وش اقول غير انه حرام عليه المكتب يلي هو جالس عليه ): 🙃💔
١١/٢٩ كان يوم الخميس عندي موعد مع جراحة التجميل ، دخلت على د اقسم بالله مادري وش اقول غير انه حرام عليه المكتب يلي هو جالس عليه ): 🙃💔
كل د مانحط بهالمكان الا عشان يزرع الامل بالشخص ويحاول يخفف معاناة الشخص مو يزيد الطين بله !!
د جراحة التجميل ماكان متقبل حالة يدي نهائيا مع العلم ان خلقة الله ماهو شي ايرادي من الانسان ،المعروف ان المفروض الدكتور يكشف على المريض كشف السريري مو ينفر من حالة المريض ويقعذ يتكلم عن الحاله وهو حتى مو راضي يمسك حالة البيشن يلي قدامه ، ماتحملت الموقف رغم انه اول مره د يعامل
رغم انه اول د يعامل حالتي كذا !! ماتحملت الموقف ان الدكتور يتكلم لي عن حالة يدي وهو مو راضي يكشف عليها ولاراضي حتى يمسكها ! وهي خلقة الله ، اخر شي ماقدرت اتحمل او احترم الشخص يلي قدامي وطلعت من فمي بوقتها ، لوسمحت ياد لاتقعد تتكلم لي كذا وانت مو راضي تكشف على يدي او حتى تلمسها !!
ترا ماقطعت مسافه طويله وجيت هنا عشان تنفر من حالة يدي ، وبعدين هالشي خلقة الله ماهو شي ايراديي من الانسان!! عطاني تحويل ارجع لقسم العظام بحكم ان المشكله بالعظام ،طلعت من العياده وماني متحمله ارجع مره ثانيه للعياده وخصوصا عند د مريض ونفسي لاخر حد وبنفس هالتعامل
اول ماطلعت من العياده شقيت الورقه وحاولت انسى موضوع يدي واحاول اتعايش مع هالشي ، واحمد الله على خلقته لي مالله خذا مني هالشي الا وهو معوضني باشياء اخرى غيري يتمنى انها تكون فيه
يحولني**
طلعت من المستشفى وانا متضايقه للحد الاخير ، من هنا امي تتصل علي تبغى تشوف وش صار معاي ، ومن هنا اختي؟ مادري ارد على امي واقول لها باللي صار ولااكذب على امي واقول الحمدلله اموري تمام
رجعت البيت وماكنت ابغى اقابل اي وجه احد من اهلي لاني فعلا كنت تعبانه كل يلي كنت ابيه اني ادخل الغرفه لوحدي وابغى ابكي باقوى صوت لي بس بنفس الوقت مابغى حد يسمعني ، جلست ابكي واحاول اكتم صوت بكائي بعد هالبكاء كله نمت يوم كامل ولاقمت الا باليوم يلي بعده
اهلي يسالوني وانا اكذب عليهم واقول الحمدلله تمام وانا فيني غصه من الداخل فيني شي داخلي مايعلم به الا الله مجرد شخص يذكرني بذاك اليوم بس ابغى ابكي ابغى ابكي واكون لوحدي
بعد ١٠ شهور من دخولي مستشفى الشميسي جاني اتصال من قسم التنويم ، عشان عملية رجلي ، طبعا هذيك الفتره كانت اصغب فتره بوقتها يعني من ناحية وضع ابوي الصحي ، وبوقتها قبل الاتصال بيومين سو ابوي عمليه ، وانا كنت رافضه اني اروح اتنوم الا لما اشوف ابوي اذا شفت ابوي وتطمنت عليه بروح اتنوم
واذا ماشفته مستحيل اني اسوي شي وانا ماشفت ابوي، رحت لابوي وكان الوضع طبيعي ماخبرت ابوي ان عندي عمليه بعد يومين وكذا ، لان وضع ابوي كان صعب وان قلت له راح يفكر ويشغل باله فيني مثل عملية يدي سابقا والمهم بهذيك الفتره هي صحة ابوي
تنومت يوم الاثنين ، بـ ٣/٧ بوقتها دخل على د صلاح والاستشاري صالح الحارثي، ماكنت اعرف الاستشاري صالح الحارثي وكانت اول مره بحياتي اشوفه
حقيقةً يا بخت كل مريض،ومريضه يطيح اسمها على الاستشاري صالح الحارثي يتعامل مع الحالات بسعة صدر وشخص صبور ،وشخص عظيم لاخر حد انا ماعرف وش يلي اقدر اسويه بخصوص هالاستشاري ، غير الدعاء بالغيب له وجعل اثنين جابوه مثواهم الجنه @drsalehalharthi
اجريت اول عمليه مع الاستشاري والفريق الطبي والحمدلله وضعي الصحي تمام ، بس رجلي ماكانت راح تنثني رغم كثر الجلسات يلي سويتها بالخاص والحكومي ماكان فيه امل انها تزيد عن ٤٥ درجه.
انا فعلا تعبت مع د صالح الحارثي لاخر الحد وهو كان يحاول وكنت اتالم بسبب الثني مو راضي يتغير ، وللمره الثانيه اجرا لي عمليه جراحية صباح يوم الثلاثا ٦/١٠ مع الاستشاري صالح الحارثي والفريق الطبي
٦/١٠ كان يوم صعب علي يمكن لاني كنت اول مره اجرب التخدير النصفي ، بدايتنا مادري وش اللي صار كنت احس في رجلي وعقب ماعاد صرت احس فيها وجلست ابكي وماعاد قدرت اتنفس زين وفجاه مسكت لي يد دكتور مادري منهو والله 😂😂 كنت بس ابكي واترجاه انه يحاول يحرك رجلي على اساس اني بحس فيها وكذا
وعقب جلست اترجاه للمره الثانيه 😂 وللمره الثالثه ماقدر يتحميل طلباتي وتركني وفجاه قمت استفرغ وجسمي كله حراره ، وبعدها ماعاد صرت احس على نفسي الا والاستشاري صحاني يوريني رجلي لما انثنت إلى الحد الاخير ١٣٥ مادري بوقتها وش كنت اشوف او وين كان عقلي فيه
عمليتي الثانيه كانت مره سهله ، تاخرت في غرفة الافاقه ٤ ساعات لما قدرت احرك رجلي رجعت لغرفة التنويم ، وهنا عاد ماخليت امي ترتاح كل شوي وانا ابكي عندها من الالم ، وكان كل همي اني مارحع لا العربيه ولاالجبيره ولاجلسة الفراش ابغى امشي مابغى ارجع للمعاناة يلي عشتها بعمليتي الاولى
والحمدلله اللهم لك الحمد حاولت امشي بفضل من الله ثم امي والاستشاري صالح الحارثي😭😭❤️❤️. ولااظطريت اني ارجع للكرسي المتحرك لانه كان بالنسبه لي ازمه
الحمدلله صرت احس بالراحه برجلي اليمين اكثر من رجلي اليسار رغم ان في اشياءماقدر عليها لاحد الان كل ماشوف الفرق بين رجلي اليمين ورجلي اليسار
مانسى الشي يلي سواه معايي الاستشاري صالح الحارثي والفريق الطبي ، ماقدر الا على الدعاء لهم بالغيب اشخاص عطوني الامل وشالو مني معاناة عشتها وانا توني صغيره
واكثر ثلاث اشخاص تعبتهم معايييي للحد الاخير
أمي ، و د صالح الحارثي ، و د صلاح الزايد 😭❤️❤️.
واكثر ثلاث اشخاص تعبتهم معايييي للحد الاخير
أمي ، و د صالح الحارثي ، و د صلاح الزايد 😭❤️❤️.
@Rattibha رتبها
جاري تحميل الاقتراحات...