الفترة الماضية بديت أستخدم برنامج مفيد جداً في ترتيب محتويات الأشياء اللي أكتبها، تطبيق OneNote.
استخدم إيميلك وجربه.
مزاياه:
- تبويب المحتويات بالترتيب التالي:
*فتح مجلدات (مع خيارات لونية وافرة).
*فتح أقسام داخل المجلد.
*فتح أبواب داخل القسم.
- حفظ العمل تلقائياً لـOneDrive.

- سهولة إغلاق الملفات أو حذفها واستعادتها.
- حفظ كل شيء تكتبه تلقائياً بدون ما تحتاج تسوي أي شيء.
- فتح المحتويات عن طريق أي جهاز آخر باستخدام إيميلك.
- تقدر تسجل أي صوت وينضاف للصفحة اللي قاعد تكتبها تلقائياً (ملاحظاتك الصوتية، أو المحاضرة اللي قاعد تسمعها...إلخ).

- تقدر تضيف مقاطع فيديو للصفحات بكل سهولة، فلو حطيت رابط يوتيوب في الصفحة مثلاً، تقدر تشغل المقطع من الصفحة نفسها مباشرة بدون الحاجة لفتح موقع يوتيوب.
البرنامج تابع لحزمة مايكروسوفت، مفيد جداً للطلاب خصوصاً وللمؤلفين عموماً، لأنه يرتب كتاباتك مؤقتاً كما لو أنك قاعد تؤلف كتاب.

هذي بعض مزاياه اللي جربتها شخصياً، وسهلت علي جمع ملاحظاتي وملخصاتي.
بشكل مختصر، البرنامج مفيد جداً لترتيب ملخصاتك وملاحظاتك بشكل أنيق ومريح وسهل المتابعة والمراجعة، وآمن من الضياع إن شاء الله.
بالتوفيق