المريضة رقم 31 ..المريضة الكارثة، التي هزمت دولة باعظم الامكانيات بسبب استهتار وعناد وجهل.. اول حالة اتشخصت بفايروس كورونا في كوريا الجنوبية كان يوم 20 يناير و تم عزله،بعدها اتشخصت 30 حالة وكان الوضع تحت السيطرة، لغاية ما ظهرت اختنا دي واللي حملت اسم المريضة رقم 31 ! وغيرت سياسة
دولة كاملة واهدرت كل امكانياتها الطبية، وخلت اسمها يحتل كل نشرات الاخبار كثاني بؤرة بعد الصين بل واصبحت معيار عالمي لقياس سرعة المرض خارج الصين، اختنا واحد وتلتين دي عملت حادث حركة و دخلت مستشفي يوم 6 فبراير،ولما طلب منها الاطباء اجراء الفحص رفضت..بعدها ركبت طيارة و سافرت للعاصمة
سيول تقضي ليها موضوع كده، وادتهم كورونا في فتيل ورجعت.. وطبعا هي زولة متدينة وح تعيط من الايمان، مشت حضرت مناسبتين دينيات حضورهم كان آلآف،سلمتهم الكورونا،
وبعد الصلاة كمان مشت اتعشت في بوفيه مفتوح، وبرضو لما ظهرت عليها زيادة في الاعراض رفضت تفحص.. المهم لمن انتكست وركبت الماسورة
وبعد الصلاة كمان مشت اتعشت في بوفيه مفتوح، وبرضو لما ظهرت عليها زيادة في الاعراض رفضت تفحص.. المهم لمن انتكست وركبت الماسورة
وافقت تفحص يوم 17 فبراير، اها الزولة دي اختلطت بي 9300 نفر، وعادت منهم 1200 نفر، مابين حامل للاعراض ومصاب اصابة مؤكدة... الاحصائيات الطبية بتؤكد إنها اتسببت في 63.5٪ من الإصابات في كوريا اللي بتبلغ الان 8200 وفيهم 72 حالة وفاة.. الزولة دي ما غبية ولا ساذجة ولا قاصدة.. الزولة دي
زولة زينا كده، عندها الاستهتار البشري العادي ده، اللي ممكن يخليك تمشي جمبة جبنة في الحلة، ولا تتحاوم في الاسواق من غير شغلة، ولا تقضي يومك لف بلا هدف...اي زول مننا ممكن يكون المريضة رقم 31 عادي..الما عادي انك في ايام زي دي تستهتر وتستهون بالموضوع و ما تشتغل بالتوجيهات،وتكون قنبلة
موقوتة حايمة وسط اهلك واحبابك وتخلي بلدك يحتل نشرات الاخبار كبلد موبوء بكورونا ... لذلك ما تخليك رقم 31 عليك الله ياخ ..?
منقول من صفحة الدكتور محمد فتحي.
منقول من صفحة الدكتور محمد فتحي.
جاري تحميل الاقتراحات...