كمية الهلع الدخلت الناس امس كانت ما طبيعية والله، في الدقيقة ممكن تلقى في الكاونتر ١٠ انفار بيسالو من الكمامة، والله ريقنا نشف وبقينا شغالين بالاشارات انها ماف وكملت..
عزيزي السوداني والله الكمامة بلبسها الزول المريض او المرافق للمريض (حمانا الله واياكم)

والخلاصة الكمامات كملت ودة وضع طبيعي كردة فعل للهلع، ووضع طبيعي انو في ناس نفوسها ضعيفة (كان صيادلة كان غيرو) حيستغلو الموضوع.. الكمامة من محلها امس بي ١٦ جنيه وبتمر بي ١٠ انفار بيع وشراء (سماسرة) لحدي ما تصل الصيدلية.. فقصة يبيعها ليك بي عشرة جنيه دي الا صدقة ليك غايتو

ف عشان مظم الصيدليات اتفقو ما يجيبوها زاتو عشان لا تصوروهم لا يصوروكم..
المهم
١. غسلو يدينكم بالموية والصابون شديد شديد ودي اهم حاجة تعملوها
والناس تبطل السلام الكتير شديد (تقريبا اي مريض جاني سلم علي في يدي) وشعبنا طيب شديد محتاج توعية وشغل شديد في الموضوع دة..

٢. الناس تبطل الحفلات والشيشة والجبنات والكورة والنادي والاستاد ووو..
الناس تبقي واعية شوية بالله
وربنا يحفظنا ويحفظ اهلنا ويحفظ الجميع
#احتياطات_السودان_لمنع_كورونا
@Rattibha