يلا نبدأ مغامرات عبيد الدراسية:
اول شي انا حبيت الطب لاني ف الابتدائي تألمت وتوجعت مرة كثير من اسناني صار لي خراج وسويت عملية وحاجات كثير وبعد ما تعافيت قررت اني اصير دكتور اسنان عشان اخذ حقي من الناس اسوي فيهم زي ما صار لي يعني<تفكير طفولي ??
اول شي انا حبيت الطب لاني ف الابتدائي تألمت وتوجعت مرة كثير من اسناني صار لي خراج وسويت عملية وحاجات كثير وبعد ما تعافيت قررت اني اصير دكتور اسنان عشان اخذ حقي من الناس اسوي فيهم زي ما صار لي يعني<تفكير طفولي ??
المهم بعدها وصلت الثانوي وتعلمت اني لو بدرس طب لازم اتعلم انقليزي لان الدراسة باللغة الانقليزية دخلت الثانوي وف نفس الوقت اختي طلعت ابتعاث لندن وقررت اخلص الثانوي بسنتين ونص عشان الترم الباقي اخذ فيه كورس لغة ف لندن واتفقت مع ابوي من ثاني اسبوع ف دراسة الثانوي لاتردون لين اخلص!?
المهم خلصت ولله الحمد وبعدها رحت لابوي وقلتله عند وعدك؟قلي ما ارجع ف وعدي المهم طلعت لندن قعدت ٤ شهور ادرس لغة رجعت وبعدها قدمت ع ام القرى انقبلت تحضيري مسار طبي ومن هنا بدات اشعر بإن الحلم يقترب??
بدات ف التحضيري كنا ندرس مواد زايدة عن المواد المتعلقة ف الطب المهم خلصنا التحضيري معدلي ٣.٥٠ من ٤ ? بس ذا المعدل ماكان شفيع لي اني ادخل طب بشري اللي خاطري ادخله من اول ?
جا وقت القبول كان وقتها دوبهم مطبقين نظام جديد ف جامعة ام القرى انه لازم ما يكون عندك اكثر من مادتين تحت ال٨٥ وللاسفففففف كانت هنا الصدمة "البايو"الله ياخذها كانت سبب من الاسباب اللي ماخلتني ادخل طب بشري ???
المهم بعد ماصار الفرز انقبلت ف تخصص طب مختبرات على الرغم ان معدلي كان اعلى من ذا التخصص? وبعدها قدمت طلب تحويل لطب طوارئ وكنت انتظر الرد لان معدلي كان يسمح لي المهم ف نفس الوقت كنت ادور عن جامعات تقبلني البترجي فلولولولوسسس ومرة غالي ابن سينا نفس الشي?
جامعة عزوز طلبو مني اعيد التحضيري وانا رفضت لانه فعلاً تعبت ايام التحضيري ف مكة المهم اهلي كلهم كانو واقفين معاي ومع قراري اللي حتخذه سالت ناس كثير عن التخصص اللي هو طب الطوارئ وكلن يمدحه ويقول تخصص مرغوب وسهل انك تتوظف فيه هنا انبسطت ضمنت مستقبلي??ولكن الصدمة؟؟؟??♂️??♂️
دخلت ف التخصص بدات فيه عادي كان حلو جداً جداً ويعني فيه اثارة واكشن وحبيتو مرة المهم على نهاية السنة كنت قبلها سائل اشخاص انه اقدر اكمل بعد الطوارئ بشري وقالو ايه وفرحت??? واكتشفت من دكتوري انه مارح تعاملل بنفس معاملة الشخص المتخرج من الطب البشري دايركت?
درسنا وداومت مستشفى وكان عند الحرم وقتها وتعاملت مع مرضى وكنت والله احب اضحك معاهم واطمنهم على الرغم من المهم ?بعدها احس ما ارتحت للتخصص مع انه كان مرة حلو لانه ما رح اصير الدكتور اللي كان حلمي من صغري ? خلصنا السنة كان معدلي حلو برضو وقررت بعدها ادور ع جامعة ثانية??
انا من الاشخاص اللي مرا يحب الاتراك ومهووس فيهم كثييييييييير جاتني فكرة من واحد من اخوياي انه ليش ماتقدم ع تركيا وكمان من جارنا الدكتور"مصري" واتحمست مرة ورحت قدمت طبعاً ذا كله بستشارة اختي الدكتورة اللي بلندن اللي كان لها فضل كبير علي????
رحت سفارة تركيا ف جدة طبعاً اول مرة كنت مع اختي كانت رايحة تطلع شنقن ويوم خطرت ع بالي امر السفارة اكتشف ان الجواز ناسيه ف مكة? وشفت طلباتهم عشان اقدم وكل شي المهم ترجمت الشهادة ب٥٠٠ ريال☹️ وصدقتها كمان "ماحلفت ترا "هه المهم قدمت ع كذا جامعة وخلاص بنقبل يا الله طب وتركيا؟????
لكن الصدمة كانت شروط الجامعة اللي كانت حرفياً تعجيزية?كانو يبوني اختبر رياضيات ٦ مستويات وادرس لغة تركية سنة وبعدها اختبر اختبار قبول ف التخصص وبعدها ادخل تحضيري?? استشرت اختي وجارنا وابوي واهلي قالو حرام ضيعت سنتين من عمرك تضيع سنة زيادة على اللغة فقدت الامل مرة??????
كنت قبلها مكلم شخص عزيز علي معاي ف الطوارئ انه خلاص بدرس برا وبسحب على جامعتكم المخيسة?? لكن لما صار اللي صار رحت علمته وقلي مردك لنا ياكلب ???المهم طبعاً سويت لكم زي الافلام التركية وخبيت حدث مهم"متأثر منهم"??
المهم انا اول ماخلصت من السنة حقت الطوارئ قدمت وقتها على مصر قلت ان جات جات وان لا ف خيرة المهم قبل الدراسة باسبوع خلاص فقدت الامل وقلت حكمل طوارئ??? كان ولد خالتي اللي قدم لي عندنا ف البيت ووقتها ليل وجالسين عادي فجاة قالي مبروك يوحش، مبروك؟؟؟على ايش اعرف حظي خايس ???
قالي انقبلت ف جامعة القاهرة طب بشري ودوامك الاسبوع الجاي انا:لا لا مستحيييل؟؟؟كيف كذا خلاص كنت حكمل ف السعودية وش صار؟طب كيف راح اقنع ابوي اني اسافر واكمل هناك؟امي اللي ما ابعد عنها كثير واحبها وقريبة من قلبي وكلشي واخواتي عيال اخوي اخواني؟كيف راح اقدر اتحمل بعدهم؟???????
ابوي كان نايم واول ماجاني خبر القبول لجأت لدكتورتنا اختي الحبيبة واستشرتها وقلتلها انه على حسابي والمبلغ ٣٠٠٠٠ وابوي صعب يدفعها!!?? وش كان ردها اللي طمني حرفياً قالت ابوي دفع لك زيها يوم جيتني لندن تدرس لغة مارح يستخسرها فيك لاتشيل هم?????
جينا اليوم الثاني نزلت لابوي وقتها كان يتقهوى جعلن افدا وجهه جيته وعيوني كذا تبرق شافني قال وش تبغى يالسربوت??؟قلت يبوي انا قدمت ع مصر وانقبلت طب بشري ومافي تحضيري يعني عطول ابدا والفنجال كان ف يده بيشرب انا اتوقعت بيهفني بالفنجال ويقلي سري واقعد ف مكة واترك السربته عنك?لكن!!!
كان رده طب المطلوب!!???قلت فيه رسوم دراسة ?قلي بكم؟؟قلت ٣٠٠٠٠ اول سنة الباقي٢٣ الف ناظر فيني!!قال توكل على الله وابدا زبط اوراقك! منجدك ابوي ولا تستهبل؟؟?????????حسيت ان الارض مي قادرة تشيلني من الفرحة اقترب الحلم واخيراً اقترب???????????
زبطت اوراقي وكلشي وخلاص حجزت ورحلتي بعد يومين!!?? اهلي اخواني اصحابي؟؟؟حتى ما قدرت اودعهم زين امي اللي ماكانت مصدقة اني راح اسافر وقعدت تبكي وتحبس دموعها عشان ما اتاثر??? لكن برضو كنت اشوف عيونها مليانة حزن اخواتي الصغار اللي دايم اطلعهم واضحك معاهم واحبهم كيف ابعد عنهم
!?
!?
خلاص خرجت من البيت وانا مهدود من البكا???? ابوي سلمت على راسه ورجله وكانت وصيته صلاتك يولدي حافظ عليها وكل امورك بتتيسر كنت رايح جرير عشان اشتري اغراض ومن الصدفة شفت كتاب اسمه؟لربما خيرة!!?شدني اسم الكتاب مرة كثيييييييير لدرجة والله على طول اشتريته?"مثقف تراني"
طلعنا الطيارة وطلعت الكتاب اقرا من كثر يعني ما حبيت الكتاب والله اني خلصت نص الكتاب وزيادة ف الطيارة كان٣٥٠ صفحة?وصلت مصر حياة جديدة اصحاب جدد بيئة جديدة كلشي كان جديد بالنسبة لي???
سكنت مع ولد خالتي وصلت وبعدها قعدت اسوي اوراقي عشان اقدر اداوم ف الجامعة وابدا مشواري للحلم?
سكنت مع ولد خالتي وصلت وبعدها قعدت اسوي اوراقي عشان اقدر اداوم ف الجامعة وابدا مشواري للحلم?
رحت مقر الوافدين عشان اخلص شوية اغراض وكان معي نظارة شمسية جديدة شاريها من السعودية يوم وصلت المقر نسيتها ف التاكسي????? قلت لا واضح ان البداية مبشرة بالخير?? المهم طلعت اوراقي وخلاص جاني قبول اني ادوام ???داومت اول شهر وانا بكامل حماسي وقواي العقلية ??
والله كنت اداوم ف المدرج ف الصف الاول مدري ليش حسيته مسجد????المهم بعدها دخلت ف دوامة اكتئاب ضغط نفسي مرة وغير كذا صرت ما افهم لما الدكتور يشرح وصرت احس نفسي مرة غبي حرفياً كنت ادخل المدرج يجماعة اطلع الدمعة بعيوني ?? اكتئبت اسبوع وخلاص كنت مقرر اني ارجع السعودية ????
من صعوبة الحياة هنا والضغط النفسي اللي جاني والغباء اللي حسيته خلاني اقرر اني ارجع استشرت اختي بموضوع الرجعة قالت لي استخير قبل تتخذ اي قرار وان خاطرك تكمل صدقني حوقف معاك ولو تبي ترجع مو نهاية الدنيا عادي لكن فكر وش صار لك لين وصلت هنا ????.
ايش راح اقل لابوي وكيف راح اقدر اطالع بعينه وكيف كان امله فيني كبير وكيف شاف الاصرار ف عيني لما وافق اني اسافر"زي ماقال ابوي" ياربي كييييف!؟ ف ذاك الاسبوع حرفياً كنت بس اقوم اصلي وانام حتى اكل لا ?المهم نمت وصحيت ما داومت وخرجني ولد خالتي للسينما وف وقت الرجعة قررت اني اداوم?
ومن بعدها رجعت اداوم وتيسرت لي الامور وحرفياً ف ذيك السنة كانو يسموني ف بوزتف انرجي الدفعة????? اكمل ولا تعبتو؟?
المهم نكمل بدات سنة اولى وبداية مشواري للحلم بعد استراحة محارب"اكتئاب"? ووكنت ادرس وانا مبسوط حرفياً وانا احب اللي ادرسه واستمتع بدراستي بحط لكم صور كيف كنت اذاكر مهووس بدراستي "مني مجنون بس حبيت الطب بشكل رهيب"?
المهم وصلنا لاخر السنة عندنا ٥ مواد تنجح بثلاثة تعدي السنة وتشيل ٢ ل سنة ثانية حلوين؟ طبعاً اخوكم ف الله عدا ف ٣ مواد وشال مادتين شلت "البايو"تخيلو المادة اللي سبب ف جيتي مصر وعدم دراستي بالسعودية برضو شلتها ياربي وش ذا العقدة???
رجعت السعودية طبعاً قلتلهم اني نجحت ف كل المواد الحمدلله وماشلت ولا مادة كان المفروض اني ارجع الصيف عشان اعيد المادتين اللي شلتها لكن خفت اني احبط لاني كنت شاطر ومني متعود على الفشل وخصوصاً الرسوب????عشت حياتي الصيفية مع اهلي ٣ شهور من الوناسة والسعادة???
طبعاً لما رجعت ما قلتلهم اني راجع رجعت فجاة وكنت وقتها يعني غايب عنهم ١٠ شهور ماشفت فيها امي وابوي ولا اخواني واخواتي وعيال اخوي ماتتصورون كمية الفرحة اللي كانت بداخلي لما خلاص صرت ف الطيارة فرحان ومن الفرحة بطيييييير والله بطييييير?????? وصلت خاطري اوريكم ردة فعل اختي؟تبو
المهم بعدها رجعت مصر السنة اللي بعدها ع اساس اني ثاني وكان عندي مادتين من اولى زي ما انتو فاكرين!! دخلت ثانية وقررت ف نفسي انه انا شخصياً سنة ثانية ابداً ماراح التفت لمواد اولى ذي اركز ف ثانية فقط وفعلاً سويت ذا الشي وعلى نهاية السنة شلت مادة وحدة من ثانية??
المهم خلصت ثانية وبكذا صار مجموع المواد اللي شايلها٣ واذا ابغا اطلع ثالثة مطلوب مني اني اطلع صااااااففففي بدون اي مادة ف دخلت الصيف عشان اختبر الثلاث المواد وكنت ف ضغط ما يعلم فيه غير الله تخيلو معاي!!قعدت افكر لو لاقدر الله نجحت ف مادتين؟وشلت مادة اعيد سنة كاملة عشان مادة؟!!!?
فوق ذا كله ابوي رح يدفع رسوم دراسة سنة كاملة على مادة والله ذا لوحده كان كفيل اني اضغط نفسي واتعب واجتهد قد ما اقدر عشان ما اخيب ظن ابوي فيني "كان يقولي ليش ماترجع واقله عندي تطبيق مستشفى مقدر اقله شايل مواد بيتضايق مرة دخلت الاختبار ف الثلاث وكان قسم بالله الوقت بينهم ضيق مرة?
كان عندي مثلاً ١٥ و١٦ مادة عملي وتحريري وشفوي و١٧ و١٨ مادة ثانية وكذا المهم خلصت منها والحمدلله ها انا الان ف سنة ثالثة طب بشري ?????????????????? كل ذا بفضل من الله ثم دعوات امي وابوي ورضاهم علي ودعوات الناس لي اللهم لك الحمد ?.
وصلنا لاخر الحلقة ابشركم الحمدلله على السلامة???ادري طولت عليكم بس حبيت اعيشكم التفاصيل مرة والله والان بنزل لكم مقطع بسييط يبين لكم حبي للطب لدرجة خلاني احب الرسم???يلا استقبل كلامكم وردودكم الحلوة وحرفياً والله ما بالغت بحرف واحدولا كذبت بكلمة وشكراً انكم صملتو للاخير??
كلام يجبر الخاطر قسم???
جاري تحميل الاقتراحات...