حصلت كتير
تهاجم حد وتبقي مقتنع تماما انك صح ... وتمر الايام وتكتشف انك كنت غلطان وان هو من أدبه واحترامه صبر عليك واستحمل كلامك ...
حصلت كتير ..
تقابل حد ويبقى انطباعتك الأولي عليه أنه مش مريح وأنه مش واضح وأنه مش سلس ... ولما تتعامل تتفاجئ أن احكامك عليه كلها كانت غلط ...

حصلت كتير ...
انك تتعامل مع حد كتير ومتقدرش تفهمه ... ودا اكيد مش غلطه هو ... الأكيد انك عايزه يكون زي ماانت عايز ... فمتفهموش ...
حصلت كتير ...
انك تنبهر بحد .. تشوفه نجم بيلمع ... يحب ضحكته ... وتضحك لما يتكلم .... وتبقي فرحان بيه ... وفجأة تكتشف انك اتخدعت ... انك فهمت غلط ..

حصلت كتير ...
انك تعاني من الوحده ... وان محدش فهمك ... وأنك المفروض تكون احسن من كده ... ولما تمر الايام تكتشف أن ربنا عمل كدة معاك علشان كان خايف عليك وبيحميك ...

حصلت كتير ..
ان حد جواة ابيض ومن بره اسود يقابل حد جواه ابيض ومن جواه برده ابيض .. ويتقابوا من الداخل فيشوفوا بعض كل واحد قلبه ابيض .. أما نحن فنراهم كما الصورة من الخارج ابيض واسود ..
فانظر دائما للداخل ... خليك عميق .
خليك بس باصص للقلوب .. الخارج ده غير معبر ابدا ..
حصلت كتير