بالأمس كان بيني وبين الموت شعرة، أدركت أن الموت قريب للإنسان وسريع، الله نجاني من حادث شنيع جدًا،بلحظتها كنت بحالة صدمة وقلب خايف وما فكرت بغير كيف كنت بقابل ربي؟هل اليوم صليت فروضي بوقتها وخشعت بها؟ هل قريت قرآن؟هل كنت خير أبنة لوالدي؟هل ظلمت هل اغتبت هل شوهت صورة إنسان و أذيت!
الموت قريب بشكل ما يستوعبه الإنسان،لو عندك معصية أتركها الآن، لا تترد دامك تتنفس فأنت عندك فرصة،راجع علاقتك مع ربك،صلاتك،قرآنك،والدينك،لو أذيت إنسان روح وأطلبه العفو،لو مخاصم أشخاص من عائلتك الآن صالحه،لو مهمل والديك عوضهم بكرة ولبعدين،من الآن أجزم على التغيير، للحياة،للرجوع لله.
خفف عنك كل ذنوبك وثقل قلبك، الليلة صل ركعتين وأدع ربي وتوب عن كل معصية كنت تفعلها،الله رحيم بيغفر لك ،الله يحب أقبالك،بتقعد بكرة وبصدرك طمأنينة، بتقعد بقلب خفيف سعيد باغي رضا الله سبحانه ،أنا متأكدة وقتها أن الحياة بتكون أحلى بعيونك من قبل وكل الأشياء الطيبة بتكون من نصيبك❤️..
والله الحياة فانية وبنطلع منها بلمح البصر وبسرعة ما ندركها، بكل مافيها ما تسوى نخسر الجنة والحياة الأبدية السعيدة فيها، كل ملذاتها بتروح، أسعى للآخرة ،أسعى أنك تقابل ربي بقلب سليم خفيف، لا تنسيك الدنيا ومشاغلها عن العبادات والأعمال والآخرة، الله يرحمنا ويعفو عنا ويرزقنا الجنة.
جاري تحميل الاقتراحات...