عبارة السلام ٩٨، اكتر من ١٥٠٠ مصري ماتوا في البحر بين محروق و غريق و اللي كلته اسماك القرش وهو لسه حي.
عائلات بالكامل ماتت، و اطفال اتيتموا.
البحريه كان عندها لانشات سريعه تقدر توصل لمكان العباره وكان ممكن ينقذوا بعضهم بس كانت فيه مشكله، منمنوع قطعه تتحرك الا بأمر وزير الدفاع.
عائلات بالكامل ماتت، و اطفال اتيتموا.
البحريه كان عندها لانشات سريعه تقدر توصل لمكان العباره وكان ممكن ينقذوا بعضهم بس كانت فيه مشكله، منمنوع قطعه تتحرك الا بأمر وزير الدفاع.
طنطاوي وزير الدفاع وقتها خاف يصحي مبارك من النوم و يقوله ان فيه عباره مصريه ولعت وغرقت و ان اكتر ١٥٠٠ مصري في الميه بيصارعوا الموت، احسن يكدره، وقرر يستني للصبح لما مبارك يصحي.
العباره كانت ملك ممدوح اسماعيل واحد من رجالة مبارك و ابنه جمال، ممدوح اسماعيل بعدها طلع براءه، و البحريه انكرت ان جالهم استغاثه رغم ان إشارة الإستغاثه وصلت و اتسجلت في الجزائر لكن مصر قالت منعرفش، ثبت بعد كده في المحكمه انهم كانوا عارفين، بس طظ عادي ايه المشكله امال نصحي الريس؟
كنت شاهد عيان علي الأهالي اللي قعدوا ايام في الشارع في عز البرد في فبراير علشان بس يلاقوا جثث عيالهم و يدفنوهم، تخيل ده كل اللي انت عايزه.
بس لما زادوا بقي و صوتهم علي بعد ما طلع عينهم بين مستشفيات السويس و سفاجا و الغردقه و مشرحة زينهم، جابولهم الأمن المركزي يضربهم، ايوه حصل.
بس لما زادوا بقي و صوتهم علي بعد ما طلع عينهم بين مستشفيات السويس و سفاجا و الغردقه و مشرحة زينهم، جابولهم الأمن المركزي يضربهم، ايوه حصل.
الجثث اللي البحريه جابتها من الميه و من قلب العباره كانت بتتحط في الثلاجات بتاعة الخضار و السمك علشان معادش فيه مكان في ثلاجات المستشفيات، المستشفي اللي كنت شغال فيها كان فيها اربع ثلاجات و جايلنا ٢٧ جثه، حطوا ٣ فوق بعض في كل ثلاجه و الباقي حطوهم علي الأرض.
صور الجثث اللي كانوا الأهالي بيطبعوها علي حسابهم علشان يحاولوا يتعرفوا علي ولادهم اصعب من صور الطب الشرعي اللي كنت بدرسها في الكليه.
كنت بطلع السكن و أعيط علي حالنا و علي الناس واغطي انفي بكمامتين علشان ريحة الجثث اللي علي الأرض في الثلاجه انتشرت و بقي صعب تتنفس فعلاً.
كنت بطلع السكن و أعيط علي حالنا و علي الناس واغطي انفي بكمامتين علشان ريحة الجثث اللي علي الأرض في الثلاجه انتشرت و بقي صعب تتنفس فعلاً.
وبعدها شفت مبارك بيهزر مع مواطن بيقوله بروح شغلي بعباره فقاله اوعي تكون عباره من اللي بيغرقوا دول؟ وضحك مبارك.
هو ده مبارك اللي اعرفه.
هو ده مبارك اللي اعرفه.
للتوضيح حادثة (عبارة السلام ٩٨) حدثت في ٣ فبراير ٢٠٠٦ اما (السلام ٩٨) فهو اسم العباره، كانت هناك عباره اخري لنفس الشركه بإسم (السلام ٩٥) كانت غرقت في اكتوبر ٢٠٠٥ اي قبل (حادثة السلام ٩٨) ب ٦ أشهر فقط.
جاري تحميل الاقتراحات...