التجارب الشخصية
الصحة
تجربة شخصية
طبي
الرعاية الصحية
الطب
تجربة العمل في مكان العمل
المتخصصون الطبيون
أنا لي مواقف مع الدكتور مجدي يعقوب في فترة شغلي البسيطة معاه في أسوان مالهاش علاقة بالطب ولا الجراحة هي مواقف كلها إزاي بيتعامل مع ناس من دور أحفاده (اللي هو احنا) ومافيش مجال للمقارنة بيننا وبينه ومع ذلك كان بيكبر بينا ويمكن هو نفسه أكيد ميفتكرهاش بس أنا بعد ١٠ سنين لسه محفورة
يعني احنا كنا لسه شباب ورور انا وتامر ومخلصين الدكتوراة وفي وسط العمليات لف لتامر وقاله تامر انت احسن واحد شفته في حياتي بيشتغل TEE اللي هو موجات صوتية ع القلب من المريء
انا من فرحتي بالجملة وتامر دا دفعتي من كي جي وان وزميل البنج، انا واللي في العمليات سقفنا بفرحة مش هزار
انا من فرحتي بالجملة وتامر دا دفعتي من كي جي وان وزميل البنج، انا واللي في العمليات سقفنا بفرحة مش هزار
يبدو موقف بسيط جايز، بس انك تقدر حد اصغر منك ب٣٥ سنة وتقوله جملة زي دي ف وسط الشغل واحنا عارفين دا اشتغل مع مين، دا اشتغل مع اللي كتبوا المراجع اللي بنذاكر منها وبيقول كده لشاب بابتسامة، في المقابل مثلا قبلها بكام سنة كانت احد اساتذتي بتقوللي جته داهية الTEE اللي مضيعين فيه وقتكم
المرة التانية اتزنقنا في حالة وكان هو وانا راجعين مصر خلاص وشغالين لحد قبل معاد الطيارة بساعتين وخلاص بنقفل وهو سبق ع الاوتيل وانا اتاخرت سيكا ففي الطريق للمطار بيقوللي العيان خرج ع into tropes ايه (ودي حتة لبش كده بيتداخل فيها الجراحة مع التخدير) فقلتله كذا فسكت ...
فقلتله حضرتك كان لك وجهة نظر تانية؟ فقالي كنت افضل كذا، فقلتله والله يا بروفيسور انا فضلت كذا علشان كذا، فابتسم وقاللي u have got a point انت صح
للوهلة الاولي والمصحف من هول رد فعله كنت فاكره بيشتغلني واللي هو طب انزل هنا بقي وكمل للمطار مشي بوجهة نظرك
للوهلة الاولي والمصحف من هول رد فعله كنت فاكره بيشتغلني واللي هو طب انزل هنا بقي وكمل للمطار مشي بوجهة نظرك
وهو اكيد اصلا عنده قصاد وجهة نظري ١٠٠ اثبات لوجهة نظره
بس هو الراجل سمع وجهة نظر صح فتقبلها من عيل من دور عياله
قسما بالله الموقف دا كوبي بيست بتقوم عليه خناقات في اوض العمليات ان ازاي ترد علي اصلا وانت مش عارف انا مين تقولش انا امين شرطة موقف ظابط في لجنة رادار
بس هو الراجل سمع وجهة نظر صح فتقبلها من عيل من دور عياله
قسما بالله الموقف دا كوبي بيست بتقوم عليه خناقات في اوض العمليات ان ازاي ترد علي اصلا وانت مش عارف انا مين تقولش انا امين شرطة موقف ظابط في لجنة رادار
الموقف الانساني الاهم كنا اتزنقنا في تشخيص حالة ليس لها اي علاقة بالقلب من قريب او بعيد ساعتها كلمناه قولناله نعمل ايه احنا انسوحنا قال هاتوا الحالة دي وانا هاعمل كونفرانس كوول مع المتخصصين ف انجلترا ونوصل لتشخيص وفعلا روحنا ودي كانت بداية تشخيص الحالة رغم انها مش تخصصه ابدا
سيبك من الطب والشغل والشطارة لا هيبقى اول جراح شاطر ولا اخر جراح شاطر بس الانسانية والتواضع وانك تهتم بواحد معاك في التيم ماشوفتوش غير اسبوع وطريقة كلامك معاه كانكم كنتم نواب مع بعض من ساعة ما اتخرجتم دي اللي مش سهل تتكرر
انا نسيت موقف كوميدي مهم بس مش معايا?
الطبيعي معظم شغل الدكتور مجدي بيبقى ع العيوب الخلقية في القلب فانت اخر العملية عايز تعرف حصل اصلاح للعيب او المشكلة دي تماما ولا نخش تاني ع ماكينة القلب الصناعي ونعيد من الاول وهنا تاتي اهمية الTEE اللي هو الموجات الصوتية بتقيس وتشوف وتحكم..
الطبيعي معظم شغل الدكتور مجدي بيبقى ع العيوب الخلقية في القلب فانت اخر العملية عايز تعرف حصل اصلاح للعيب او المشكلة دي تماما ولا نخش تاني ع ماكينة القلب الصناعي ونعيد من الاول وهنا تاتي اهمية الTEE اللي هو الموجات الصوتية بتقيس وتشوف وتحكم..
المهم هو كان جاي زيارة للفرنساوي ومجهزين لستة جالات صعبة.. وطبعا الراجل مستني رأي الTEE، الطقم اللي شغال دا كان من عينة الاستاذة بتاعة مضيعين وقتكم وعمركم في الهباب الTEE وطبعا عمالين يزرطوا اي كلام ومش دا الراجل اللي تعرف تبلفه ابدا ...
الراجل مستحمل وساكت لحد ما احمد مختار بنج له عيان فالسير بيقوله اخبارنا ايه بالTEE فمختار طبعا برنس البرنسات وهو اول واحد فينا اشتغل TEE فقاله وضعنا كذا كذا وكلام محترم بيتقال
الراجل انشكح وبمنتهي الهدوء قاله احمد من فضلك علم زمايلك بتوع اليومين اللي فاتوا او علمهم يقولوا منعرفش.
الراجل انشكح وبمنتهي الهدوء قاله احمد من فضلك علم زمايلك بتوع اليومين اللي فاتوا او علمهم يقولوا منعرفش.
جاري تحميل الاقتراحات...