قبل امس كنت تاكي بكوفي مع واحد من اخوياي،وكان واضح عليه انه متضايق بس يحاول ما يوضح لي، المهم بعد الإصرار عليه علمني وشفيه.. الرجال عمره ٢٧ وشقى في حياته لين يقدر يجمع فلوس ويتزوج، دور وخطب عند ناس سمعتهم طيبه، وفي ناس كثير قالوا له بناتهم من احسن البنات، ينقطون من الصلاح.. يتبع=
المهم الرجال خطب وحصلت النظرة الشرعية وسألوا عنه وقبلوا فيه، خلاص كان بعد كم يوم المفروض يعطيهم المهر ويكتب القران، وقبل اسبوع راح يشتري شيء زي الصندوق كذا صغير عشان يحط المهر"عندهم زي العادات والتقاليد يعني ما تكون بظرف" المهم خلص وراح ياخذ له قهوه من كوفي جمب المحل
ولقى المحروصة، الزوجة المستقبلية، الدرة المصونة تاكيه مع خويها وسواليف وضحك ولا كأنها مخطوبة!! يا ناس ليش تكذبون على اللي يبي يعف نفسه ويبي الحلال بوحده ما تخاف ربهاا!!! الله ياخذكم اخذ عزيز مقتدر، الله رحمه وخلاه يشوف الحق قبل ما يتورط المسكين.. المهم انه صورهم وواجه ابو البنت=
وانقلب وجه ابو البنت وضاعت علومه بس الولد تفهم وانسحب وفسخوا الخطوبة ، بعدين واجه الناس اللي سألهم عنها انقلبت وجيههم زي التبن قالوا له كانت من زمان كذا وتوقعناها تركت الشغلة ذي،ناس فاهمه الستر غلط.. الله يردها في وجيهكم ويردها في عيالكم عشان تعرفون كيف تغشون الناس ببنات الح*رام.
السالفة ما كان ودي انزلها لكن والله اضطريت عشان الناس تتعظ وتعرف من تسأل ولا يحد يغش الناس،والله انه وقتها وصل الضغط عندي ١٩٠ من الشغلات اللي قاعد تصير من الناس اللي زي كذا ...المهم انها مب مقياس على كل الناس نهائيا.
طبعا اخذت اذن الرجال في نشر الموضوع وهو يتابعني هنا.. نهائيا لا تأخذ المسألة اني قاعد أحرضك ضد الزواج او اقولك الاجنبية افضل من السعودية.. الردى والطيب موجود بكل مكان وبكل زمان،، العبرة في الموضوع انك تعرف وين تسأل وكيف تسأل، والزم الدعاء ان الله يرزقك بالصالحة الطاهرة العفيفة.
اسال الله عز وجل ان يرزقنا واياكم بالصالحات القانتات الحافظات للغيب بما حفظ الله، الزموا الدعاء.ولا تذهب للحرام مهما حدث.وتذكر حديث رسول الله صل الله عليه وسلم (يا معشر الشباب، من استطاع الباءة فليتزوج؛فإنه أغض للبصر، وأحصن للفرج، ومن لم يستطع فعليه بالصوم؛ فإنه له وجاء).والسلام
جاري تحميل الاقتراحات...