هل انا لما اتخرج مفروض كل كتب الطب دي ومعلوماتها تكون في راسي !؟؟
دا سؤال بيخوف الناس في سنه اولى طب وبيخلي اغلبهم يحولو من المجال بعد سمستر او اتنين بيكون عندهم النفس قصير عشان كدا في حاجه لازم توضح ليك في العالم كلو مافي دكتور كل كتب الطب دي في راسو ولا انت مطلوب منك انك تحفظ

كل شيء وتكون منفسن وبتحفظ بس الفكره العامه في الطب ان في اساسيات لازم تكون في راسك وحتعرفها مع الوقت والحاجه التانيه اللي العالم كلو بيركز عليها كيف تكون safe doctor يعني بتعرف تتصرف في الحالات الطارئه وكيف انك تعمل الحاجه البتعرفها بدون ماتنظر وتتفلسف في شي انت ماعارفو

بعد كدا كيف توصل للمعلومه طوالي يعني سرعه الوصول للمعلومه الانت محتاجا دي برضو من اهم الحاجات وحاليا اغلب الامتحانات العالميه نادر ماتسال اسئله حفظ كلها اسئله فهم وبروبلمز بيز ساينس عشان كدا اصبر وصابر وماتستعجل وتخلي الكليه بسبب افكار زي دي