اتلاقينا في ببجي??.
قالت:
اتلاقينا في ببجي، كنت عاملة شخصية اللاعب راجل وعاملة إسم وهمي، عشان الأولاد ما يضايقوني في اللعب وكنت طوالي بقفل المايك، في مرة ضافَتو صحبتي بالغلط والنت بتاعها علق وانا كنت الليدر، كان بتكلم معاي وبقول لي اطرد البت دي، خليها تشوف ليها ليدو تلعبو بي النت بتاعها الكعب دا،
اتلاقينا في ببجي، كنت عاملة شخصية اللاعب راجل وعاملة إسم وهمي، عشان الأولاد ما يضايقوني في اللعب وكنت طوالي بقفل المايك، في مرة ضافَتو صحبتي بالغلط والنت بتاعها علق وانا كنت الليدر، كان بتكلم معاي وبقول لي اطرد البت دي، خليها تشوف ليها ليدو تلعبو بي النت بتاعها الكعب دا،
أنا هنا ضحكت شديد وطردت صحبتي، خشينا القيم وكان بقول لي انت إسمك منو وما كنت برد، لما كترها كتبت ليه في الشات انو المايك بتاعي ماشغال وانا اسمي عبد الله قال لي كدا التواصل معاك حا يكون صعب لكن ما حنك ارح بس خلينا جنب بعض عشان أي تيم نجازفو سوا...
وقال لي اللعبة دي فهمها انو نكون جنب بعض ونسند بعض، اذا عملنا الحاجات دي بنفوز، لعبنا القيم الأول وقتلونا والتاني برضو قتلونا فيه وكلو بسببي لأنو كنت بقع أول واحدة وبجي هو يساعدني وبموت، وكل مرة ينبز فيني ويقول لي انت بوت وما بتعرف تلعب، وقام طلع وخلى القيم.
بعد أيام لعبت أنا وصحبتي وقامت قالت لي دايرة أضيف ولد، قامت ضافتو هو وأول كلمة قالها قبل ما نبدا القيم "واحدة شبكتها كعبة، والتاني بوت وما بعرف يلعب،دي شنو الورطة دي" اتضايقتا من كلامو بس ما قدرت اقول شي لأنّو المايك مقفول، خشينا القيم وهو قال نازل بردايس،
وبردايس دي للناس المابعروفها منطقة في اللعبة بتاعت اشتباكات قريبة يعني عبارة عن مقابر مفروض يسموها هيل ما بردايس المهم رفضنا ننزل معاه لأنّو صراحة نحن بوتات وبننزل آخر الخريطة، قام هو نزل براهو وانا وصحبتي نزلنا برانا، ما عدت ثواني من ما نزل إلا وصاحبنا دا قتلوه،
انا ضحكت وقلت عجبني ليهو، فضلنا انا وصحبتي وهو كان قافل المايك وانا مفتكراهو طلع، أثناء ما بنلعب صحبتي بقت تقول لي انو في ناس جنبك وانا ما شايفاهم، وخفت وارتبكت قمت فتحت المايك وقلت ليها وين وين، بعديها صاحبنا فتح المايك وقال "عبد الله إنت الخوف قلبك بت ولا شنو"??،
أنا هنا وقفت وما قدرت اقول شي لما قتلوني، كنت مفتكراهو طلع وهو كان بشاهد فينا، عرفت انو انا إتكشفت، طلعنا من القيم وسألني ليه كذبت عليهو، فقمت فتحت المايك ووريتو، واتفهم الموقف، وقال لي مامشكلة ممكن نلعب سوا وما ضروري تفتحي المايك.
بقينا نلعب سوا طولي وعلى مر الأيام بقيت أفتح المايك وأتكلم معاهو، وحبة حبة إتعرفنا واتواصلنا واتساب وبقينا أصحاب، وبنلعب طوالي انا وهو وصحبتي، و لاقيتو مرة مع صحبتي وقالت ليهو دا عبد الله، فضلنا متواصلين لحدي ما جا اليوم القرر فيهو انو ينهي عهد الصداقة ويبدا عهد جديد أجمل.
جا قال لي جملة أنا حافظاها لحدي هسي، قال: "زي ما قلت ليك زمان إنو اللعبة دي بنفوز فيها لما نكون جنب بعض ونحمي بعض ونكون سند لبعض، فالحياة دي برضو كدا، وانا عايزك تكوني سندي وحأفضل سندك" حبّينا بعض شديد، وهسّي أنا بكتب ليكم الكلام دا وأنا في الكوفير وحاتزف ليهو عروس بعد دقايق❤️❤️.
جاري تحميل الاقتراحات...