المملكة العربية السعودية
قضايا اجتماعية
العنف القائم على النوع الاجتماعي
تحرش في مكان العمل
الحماية القانونية
حقوق المرأة
اي مواطنة سعودية تتعرض لتحرش من مواطن او مقيم في عملها تهدد بالخصم والفصل واذا تقدمت بإبلاغ للجهات الرسمية مايأخذ العقوبة الي يستحقها لان دائما المراة هي الملامة وهي سبب التحرش في نظر القضاء .
ثريد
عن بعض مواقف التحرش في حياتي :
عن بعض مواقف التحرش في حياتي :
فيه موقفين اثرت فيني جدا وكانت غير كل المواقف الي مرت على ولكن راح ابدا اولا بالمواقف الي كانت تحصل معي بشكل يومي ومتكرر وهي تحصل لكل بنت تقريبا في السعودية
دائما سواقين اوبر وكريم كانوا يتحرشون فيني سواء مقيم او مواطن وطريقتهم المعتادة لما اطلب السواق أحط location بعد مايقبل الطلب ويوصل السعودي يبد يرفع المراية ويقعد يناظر ويحط اغاني بصوت عالي ويبدا يسال وين الموقع وكيف اروح وانا ماادل ومن هالكلام عشان يفتح
سوالف طبعا انا اعصب على طول من هالاسلوب واطلب بأدب لو سمحت انا حطيت الوكيشن لاتسألني واطلب يقفل الأغاني يقوم يسألني ليه انتي مطوعه ؟! ارد هذا موب شغلك لوسمحت انا مابي اسمع موسيقي وارد دايما اول مره اشوف مطوعه كاشفه وجهها
طبعا الغالب منهم السعوديين يعصب ليه ماتجاوبت معه ولا عطيته وجه ويصير يدور الشر ويبدا يحط يده على ركبتي ويسوي نفسه بالغلط مره تهاوشت ويا واحد وبغى ينزلني بدائري ، وهذي طريقتهم اذا ماتجاوبت البنت ينزلها في مكان ماتحصل فيه سايق
هذا السايق الساعة ٧:٣٠ ص مشغل رابح صقر بصوتي عالي وكان يحاول يلمس ركبتي ويتلفت ويقول مااعرف امشي على الوكيشن يفتح حوارات ولما طلبت منه يقفل الأغاني قالي انزلي من الموتر وتراني اعرف أشكالك الوسخه
طبعا ، كنت اقوله الحكومة بتجيبك ولكن داخلي كنت متاكدة انه حتى لو ضربني ونزلني من الموتر مافي قانون يحميني من تحرشه وكنت بتمرمط في المخافر والمحاكم بدون فايده ولكني كنت اخوفه وانا في داخلي حزينه ومكسوه لما وصلت بكيت وضليت متضايقه اليوم كله .
المقيمين تحرشاتهم غير شكل 😪 والي يخليهم يتجرئون انهم يشفون البنت السعودية مهانة ومدعوس عليها والقانون ابدا موب صفها فاصاروا يستغلون هالفرصة اذكر مره سواق باكستاني بدا يتميلح على قالي يامدام انتي حلوه انتي سعودي لا ممكن انتي سوري رديت مو شغلك
قالي لا بس انا اسال انتي تشبهين خطيبه مال انا ، طنشته سكت عشر دقايق وبعدين قالي اذا تحتاجيني سواق انا ابي اشتغل عندك ، رديت عندنا سواق سكت شوي وقالي تدرين انا كنت اشتغل عند وحده معلمه سعودية نفس شكل انتي يامدام ؟! "كل الي في حياته يشبهونني"
هي طلبت مني اسوي دقدق وتعطيني ١٥٠٠ ريال بس انا قلت لا 🤐انا هني انهرت وصرخت عليه يالوسخ يالواطي وش هالكلام ياقليل الحيا والله لادق على البوليس يأخذونك ، وهو خاف شوي ولكن ضل ولا همه يبي يقول كلام اكبر وانا نزلت من الموتر
مره كنت بسوبرماركت بالحي محل كبير بس موب مثل العثيم وكارفور وكنت اخذ اغراض انا وشغالة شوي واحد سعودي صار يلحقني من مكان لمكان وكنت خايفه منه المهم حاول يلمس جسمي وخرت عنه وسبيته قام يحاول يضربني ويرمي المعلبات على وانا اصرخ والشغالة تصيح وقمت احاول اضربه
وتخيلوا من الي فزعلي ودافع عني عمال بنقالية والسعوديين وقفوا يتفرجون .
كل يوم كل يوم كل يوم كنت اتعرض لتحرش بالكلام بالفعل بالنظرات في الممشى في الطايره في المحكمة في العمل في قسم الشرطة في السوبرماركت في الشارع في مكة ( المسجد الحرام ) وكل يوم اطق واحد او واحد يطقني لين انقرفت في عيشتي .
اتذكر قبل لا اترك الاسلام واصير ملحده كنّا بالعمره وكنت اطوف وأقول يارب ادخلني في عبادك الصالحين ، ابدا ثواني غير عباده الصالحين لزق بظهري وصار يسوي اشياء مقززه وصرخت عليه وشرد واختفى بزحمه 🤮
المواقف كثيرة جدا واتوقع اخصصلكم يوم نتكلم فيه عن تحرشات القضاة والمطاوعة والضباط باقسم الشرطة فضايح وحياتكم ، ولكن احين اسردلكم اكثر موقفين اذوني وأثروا على حياتي الأسرية والعملية وكانت في مكان عملي
هذي الحادثة بدت من اوخر سنة ٢٠١٧ وستمرت الى اليوم الي تركت فيه السعودية هذا الشخص هو مديري في العمل وأذني بشكل ماتتخيلونه كان يحضر العمل وهو في حالة غير طبيعية يعمل مدير لنا وهو فقط يحمل الشهادة الثانوية
مدير ورئيس على موظفين يحملون درجة البكالوريوس والماجستير والدكتوراه في التخصصات الطبية ، وكان يهدد دائما انه من عائلة استقراطية واصلة وماحد يقدر يشيله من مكانه كان يسب ويشتم ويتحرش بالموظفات بدون مايخاف من احد وكان يقول حتى وزير الصحة مايقدر يشيله
كنت احاول اتحشاه كثر ماقدر ولكن كان من النوع الي يبي يتحرش بالجميع الي معطيته وجه او لا ، يعني غصب طيب تجين يعني تجين ، عرض على امسك رئيسة للقسم النسائي ورفضت بقوة وحاولت بكل الطرق عشان ماابي اصير أتواصل معه ويصير بيني وبينه كلام اكثر وأصر وهددني بالنقل
رفضت وصار يكلفني بشغل مش من تخصصي وصار يهضم حقوق انتداباتي وشغلي خارج الدوام خاصة في الحملات الوطنية وكنت اصرف من بي الخاص ، صار يتصل على القسم النسائي ويحاول يسولف معي بالتلفون ويسوي دمه خفيف ويقولي انا بروح اجتماع بس اخر الدوام برجع المكتب مرني ابيك بسالفه
بدا يعرض لى اني اصاحبه وانه منعجب في شكلي وشخصيتي واني يقدر العلاقات السريه وان الموضوع بيكون بالسر والي ابيه بيكون تحت امري وان كثير موظفات حاولوا معه وانه مز واصل ، رديت عليه انا بسوي نفسي كاني ماسمعت وش عرضت على واذا اذيتني مره ثانيه بفضحك وأشتكي عليك .
طبعا هني بدت المعركة الحقيقة وياه طلعت اجازه رجعت لقيته معطي أومر نقل عيادتي في مكان يعتبر مستودع مايصلح لا استقبال مرضي ولا اني اجلس فيه كله تراب وأغراض مهمله وفي مكان يعتبر منزوي مهجور اعترضت وتهاوشت وياه ونقلني في عيادة منزوية قريبة من مكتبه
صار يهددني بتقيمي ويحاول يطلبني لمكتبه اخر الدوام عشان ينفرد فيني وصلت حدي وشتكيت عليه وطلبت نقلي من عنده ، عاقبوه وشالوه من الادارة ولكن لان كان المدير الكبير هو صديقه وكانوا عصابه كبيره فيها موظفين وموظفات وتدار عن طريقهم اشياء كثيرة غير اخلاقية
المدير الكبير ويا عصابته صار مديري المباشر وأنواع العقوبات علي وصاروا يهددوني يكتبون فيني تقرير وأنهم يعطوني تقيم سئ عشان مااخذ الترقية تكليفي بأعمال مش من تخصصي تلاعبوا في معلوماتي الوظيفة نزلوا درجتي الوظيفية وراتبي نزل مخصوم عشانهم غيرو الدرجة الوظيفة
طبعا عن طريق هذا المدير والمدير الكبير كانوا يحرضون على موظفين وموظفات من طرفهم عشان يفتعلون معي مشاكل في يصير الموضوع مايمسهم شخصيا يعني ابين انا وحده راعية مشاكل وموظفة عندها شكاوي ومشاكل مع الجميع فايصير انا الي في موقف سئ .
اشتكيت مباشرة من جديد على المدير وصديقه وأنهم يطلبون ويحرضون الموظفات على تقديم خدمات جنسية بالقوة ؟! مقابل شنو مقابل انها موظفة في وزارة الصحة تعمل ٨ساعات في اليوم وتاخذ راتب من الدولة على عملها بس هم يبون خدمات جنسية عشان هي لازم تصير بتاع كلو
انا كنت في دوامة كبيرة من الحروب اليومية ونقلوني لنفس مكان عملي السابق والمفاجأة شنو المدير السابق موجود بس مش مدير كان يداوم بكيفه ويغيب بكيفه واذا جات المتابعة تفتش على انضباط الموظفين مايسجلون متغيب ؟! 😉
ياجماعة هذا الشخص تبلغ عليه انه تواجد مكان العمل في ساعة متاخرة من اليل مع امرأة وبلغوا جيران المكان ، تخيل مكان حكومي موظف عنده مفتاح فجاءة يدخله ساعات الفجر الاولي ويقول عمل مع امرأة مجهولة ؟! انا لما سمعت الزملاء يتكلمون في الموضوع قلت يابنت اسكتي
مالك شغل خليك في حالك لكنهم لملموا الموضوع وستروا عليه ، وهو وصديقه مستمرين في إيذائي وإهانتي ، ولأول مره انا راح اصرح في هذا الحكي " انت يلي تعرف نفسك زين انت ويا ربعك " انا صورتك انت ويا الناس الي معك وتعرف اني لو انشر الفيديوهات راح تصير فضيحة الموسم .
هذي الفيديوهات صورتها بعد مايئست اني الاقي حل بعد مارجعت الشرطة وقابلني ضابط وقلتله مديري تلاعب في معلوماتي الوظيفة ومديري يذائي عشان مرضيت انتازل جنسيا قالي مشاكل عمل راجعي إدارتك احنا مش مختصين في هذي الاموار
انا ماراح انشر هذي الفيديوهات لانها راح تفضح ناس كثير ومنها درر ومستشرفات وشبكات دعارة وكله برضاهم ، انا تعذبت كثير وتاذيت من ناس كثير وسخه وسيئة ، لكن ماراح أكون مثلكم .
انا ادري بسبب هذا التغريدات راح يحاولون مثل كل مره يخترقون حسابي ويهددوني بس صدقوني في اشياء ماتتخيلونها لو انشرها بتصير فضايح لعشر سنين قدام بس انا متربية زين وماابي انشر ، بس كل شي بالحفظ والصون يعني لو انا صارلي شي سئ " بِسْم الصليب على " راح تنشر😉
راح اذكر القصة الثانية باكر ولكن نصيحتي لكل بنت تعاني من التحرش اختاااااااه عليك التسجيل والتصوير وابدا خلي عندك USB واحفظي كل شي ليوم تحتاجينه فيه يوم لا ينفعك فيه اهل ولا زوج ولا شرطة 🤳🏻
جاري تحميل الاقتراحات...