العيش وحيداً واجبار نفسي على الخروج من دائرة الراحة كان بداية تسلسل أشياء كثييير فادتني بحياتي وشجعتني اسوي اشياء كنت متردد منها. بس لأني سويت شي ماكنت اتوقع انه بيصير "قريب" وحاولت الخروج من الComfort zone تسهّلت علي اشياء كنت احسبها صعبه ومستحيل اسويها الا بعد تضحيات ..
ومنها تعلمت الاعتماد على النفس ، واني عرفت قيمة كل شي حولي .. الأهل والاصدقاء .. رتّبت وقتي وتفرّغت لنفسي
حرفياً اساسيات الحياة بتكون عارفها وبتعرف كيف تبدأ يومك صح ووش تسوي في يومك وكيف تدبّر نفسك ، تجربة جميلة مفروض كل شخص يمر فيها لان كل شخص بيكتشف شي جديد بداخله ، بيكتشف انه يعرف يتصرف بس لازم ينحط تحت الضغط اولاً ولازم يمر بتجارب جديده مثل هذي.. التجارب هذي هي الي تبني الشخص..
ونصيحتي لهذا اليوم الي من صحيت وانا مصدع هي .. خلك شغوف لتجربة اشياء جديده .. خاطر وعيش وجرّب كل شي ، تقبّل كل الاوقات الصعبه والفشل كتجربة وتعليمه .. بكذا ماراح تنهزم وبتكمل بحياتك.. بتفشل بتتعلم .. بتتعلم بتعرف وش تسوي ، اذا عرفت وش بتسوي بتنجح.
I've come to trust not that events will always unfold exactly as I want, but that I will be fine either way. The challenges we face in life are always lessons that serve our soul's growth.
جاري تحميل الاقتراحات...