السلام عليكم الليله حابي اتكلم عن مجالين في الطب للناس الخشت الطب وماكان رغبه او ناس خشو الطب ومن الاخر عاوزين قروش المجال الاول التامين الطبي medical insurance ودا خيار بتكلم عن دولتين تحديدا السعوديه والامارات مطلوب شديد وشركات التامين عددها كبير وامثله في السعوديه بس بوبا
وميدغلف والتعاونيه وجلوبميد وتكافل الراجحي وغيرها الكتير وديل بيطلبو دكاتره غالبا فريش جرادويت او ناس عندهم خبره في التامين صراحه مابيركزو كتير غير مع شهاده الجامعه ولو عاوز تضمن يشيلوك يكون لغتك الانجليزيه كويسه ولو عندك شهاده بتاعت ايلتس ولا توفل ولا شي انت زولهم طوالي غير كدا
في كورسات بتتعمل في مراكز التدريب عن planing وtime managment وفي كم كورس كدا حقات تامين لو عندك برضو بتضمن بشكل كبير وفي ناس بيجو يمتحنو امتحان الضمان الاجتماعي ...دي كلها خيارات تقوي موقفك لكن ممكن بس بشهاده الجامعه في شركات بتطلب رخصه مزاوله طبيب واغلبها مابيطلبو بيعملو ليك هم
امتحان اقل مايقال عنو امتحان تافه فيه رؤوس اقلام اي واحد قرا طب بيقدر يحلو طيب الفايده شنو عامه الرواتب بتبدا من حدود ٩الف ريال ودا اقل شي بيصل لي١٦ الف ريال كبدايه وبعد داك لو عندك خبره بيزيد اكتر واكتر طبيعه العمل مريح وبيقدر يخليك تنجز حاجات تانيه في حياتك لو بارين التامين
بتعمل قروش كويسه لكن بتنسى الطب وفي ناس بيكون عندهم هدف شغل سنتين ويمنحن في نفس الوقت ويطلع لكن عيبها بيعتبروها ليك كلنكال قاب لكن لو وسلت اوراق من الشركه انك شغال وانك امتحنت وكدا الامور بتمشي ولو ماقدرت محتاج تشتغل فتره تدريبيه زي تلات شهور لما ترجع للمجال الطبي طيب مقسم كيف في
قسم الموافقات الطبيه وفي قسم المطالبات وفي المراجعات ولو زول عاوز تفاصيلها ممكن نوريهو طيب هل ممكن ياخدوني وانا ماعندي اقامه لا في السعوديه ولا في الامارات اي ممكن عادي تقدم عل موقعهم عادي او تعمل حساب في linked in وتقدم وبيشيلوك عادي مصنفه ف السعوديه اعلى امان وظيفي وسعاده وظيفي
اما الحاجه التانيه مجال الاداره الطبيه او اداره اعمال ودا بعد ماتاخد شهاده الطب بتديك فرصه انك طوالي تاخد ماستر mba اداره اعمال واغلب الناس البياخدوها بيقدرو يمارسو وظيفه الاداره الطبيه ودي برا طبعا مقيمه شديد وقروشها كتير خصوصا في دول الخليج
بالتوفيق للجميع لو في اي استفسار
بالتوفيق للجميع لو في اي استفسار
جاري تحميل الاقتراحات...