المملكة العربية السعودية
التعليم
الصحة
الاستعداد للاختبار
امتحانات الترخيص الطبي
متخصصو الرعاية الصحية
السلام عليكم حنتكلم الليله باذن الله عن امتحان الممارسه الطبيه الرخصه السعوديه للاطباء العمومين وممكن لقدام نتكلم للنواب والاخصائين طيب اول حاجه قبل كل شي امتحان الهيئه اتغير وبقى تابع لشركه البرومترك العالميه زمان الامتحان كان بتمتحن في الامتياز او بعده وعندهم شيت كدا اسمو
ام القرى بتقراه وتحل ٥٠٠ سوال وبتنجح والنتيجه بتطلع في نفس اليوم كان الموضوع ساهل زي مايقولو يلا هسا الحاجه دي اتغيرت اول شي نتفق على فوائد امتحان الهيئه السعودي شنو وبعد داك نكمل الخطوات والشروط والصعوبات طيب الامتحان ببساطه من اسمو هو امتحان رخصه عشان تقدر تزاول عمل في السعوديه
لازم يكون عندك الامتحان دا هو عباره عن امتحان في الكلنكال ساينس بطريقه الاختيار المتعدد عباره عن ٣٠٠ سؤال فيها ٣٠ ٪ باطنيه ٢٥٪اطفال٢٥٪اوبس ٢٠٪جراحه وزي كم سؤال ethic زمان كان ميه وخمسين سؤال بس والامتحان بتقرا ليهو من وين طيب المرجع الاساسي ماستر ذا بورد لكن ممكن يتقري من
امتحانات قديمه يعني دايما الشهر الحتمتحن فيه تقرا اسئلته والاسئله حقت الشهر القبلو والقبلو عندهم قنوات تلقرام بتلقى فيها الاسئله دي وبتنجح عادي جدا الموضوع ماخطير طيب التسجيل كيف للامتحان عندك واحد من حلين يا تكون مقيم في السعوديه وتسجل براك وتدفع يا تجي عن طريق وكاله من السودان
ناس المستشفى او المركز هم البيدفعو ليك طيب لو عاوز اسجل براي الخطوات شنو طيب زمان كان تكاليف الامتحان خمس الف ريال من تسجيل وكورسات اجباريه وتامين اخطاء طبيه هسا بقى تكاليف الامتحان كامله ٣ الف ريال مقسمه كالاتي اول شي ٩٢٠ ريال داتا فلو ودي بتسجل فيها بياناتك شهاده الجامعه
والبيرمنانت حق السودان ولو عندك شهاده خبره لو ماعندك بتبقى ب٦٥٠ ريال فقط هم بيتاكدو من شهاداتك براهم بعدها بيجيك تقرير خلال شهر ان شهاداتك تمام والحاجه الكويسه في الداتا فلو مامحتاج تكون موثق شهاداتك زي زمان طبعا نفس البرنامج دا حنتكلم عنو في امتحانات الامارات وعمان طيب بعد ماجا
تقرير الداتا فلو حتعمل حساب في موقع اسمو ممارس بلص برضو تنزل بياناتك نفسها بالاضافه لشهاده اكمال الامتياز وهنا بيتاكدو منها تاني وخلال اسبوع بيدوك الاوكي دي ١١٠٠ريال بعدها بيدوك رقم ملف تخش موقع برومترك وتسجل عادي للامتحان والامتحان في كل يوم عدا الجمعه طيب امتحنت ونجحت بعد اسبوع
بيطلع ليك تصنيف التصنيف دا بتقدم بيهو المستشفيات لما ياخدوك المستشفى بيقدمو ليك عل الترخيص دي الفكره طيب لو انا في السودان وماعندي اقامه بقدم عن طريق الوكالات لكن اغلب الوكالات بيطلبو خبره سنتين عشان يقدمو ليك وهنا انت بتمشي وتنزل المستشفى بعدها هم بيرتبو ليك الامتحان ويدفعو ليك
كل شي لكن لما تعملها براك بتختصر وتمشي اسرع طيب الشروط شنو للامتحان الاساسي لو انت مواليد السعوديه محتاجين منك خبره سنه بعد الامتياز عشان تقدر تمتحن وممكن تقدم طلب استثناء تمتحن بعد الامتياز طوالي وممكن يقبلوه عادي طيب لو انا ما مواليد ولا عشت فيها بيطلبو منك خبره سنتين بعد
الامتياز ولو قدمت استثناء ممكن تكون سنه ولو جاي من هناك دا حسب المستشفى طيب امتحنت واخدت التصنيق وعاوز افتش براي طبعا في خيارات مستشفيات مراكز صحيه مستوصفات وفي عياده شركات طيب الرواتب كيف عموما الرواتب نزلت من زمان لكن في حاجات بتحكمها يعني مثلا عيادات الشركات ممكن رواتبها تكون
اعلى الرينج الاساسي من ٧ الى ٩ الف ريال وممكن اقل وممكن اكتر ولو كان عندك خبره في السعوديه بتزيد النسبه دي طيب مميزات الشغل في السعوديه شنو ولو مستوصفات او عيادات او حتى مستشفيات طبعا صعب الشغل في الحكومي لعمومي ماعندو خبره في السعوديه الميزه ان الراتب نوع ما كويس وبتقدر تعيش
كويس بالاضافه لو عاوز تنجز اي امتحان عاوزو موجود في السعوديه سواء استيب او زماله او ايفوم او ايلتس او oet فدي حاجه جدا ممتازه اغلب الناس بتقعد فتره سنه اتنين بالكتير وبتكون خلصت الامتحانات دي كلها لان ساهل تمتحنها عندك زمن تقرا وفي نفس الوقت المراكز كلها موجوده وبيطلعو منها
بريطانيا امريكا وحتى الالماني امتحان السفاره هنا يعتبر اسهل كتير مقارنه بامتحان السفاره في السودان ودي تعتبر ميزه
نصيحتي الشخصيه العاوز يجي السعوديه يكون خاتي خطه ومايفكر يقعد كتير هو صح ممكن بعد ماتشتغل سنه اتنين راتبك يتدبل لكن انت لو جاي اعمل خطه عشان تقدر تطلع برا بسهوله
نصيحتي الشخصيه العاوز يجي السعوديه يكون خاتي خطه ومايفكر يقعد كتير هو صح ممكن بعد ماتشتغل سنه اتنين راتبك يتدبل لكن انت لو جاي اعمل خطه عشان تقدر تطلع برا بسهوله
وبعدين حاجه كويسه لو عندك اقامه فيها الفيزه لامريكا واوربا بتطلع خصوصا لو عندك امتحان هناك او كدا العاوز المصادر او معلومات اضافيه او اي استفسار يتواصل معاي خاص والمره الجايه بنتكلم عن امتحانات الامارات باذن الله
#كبسولات_سيموس
امتحان مزاوله المهنه في السعوديه
امتحان مزاوله المهنه في السعوديه
جاري تحميل الاقتراحات...