بسوي ثريد عن #الشاحن_المتنقل وهذا بيكون اول ثريد لي بتويتر ادري محد بيقراه بس بحكم اني ابي الخير للجميع وكذا بفيدكم?..
في الوقت الحالي صعب تعيش اذا ماعندك شاحن متنقل او طالع مع واحد ماعنده هالشاحن سواء كنت بتطلع تتمشى او بتروح تكشت او حتى بتروح تتمشى داخل البيت مثلي يعني☹️?..
فاا سويت بحث عن افضل الشواحن المتنقله فقررت اشتري اكبر شاحن متنقل وهو 20.000 انبير احمم بطارية سيارة مو شاحن:(، يعني لأن مايرضيني إلا الشيء الثقيل واحس اذا شريت شاحن 10.000 انبير يشحن جوالي شحنتين وماكيفي:(..
فاا بحثت عن افضل شاحن متنقل ومضمون ووزنه مقبول ويطول معاي وسعره مناسب وبعد بحث مطول لقيت هذا العظمه..
بتكلم عن مميزات الشاحن ع السريع، يشحن فائق السرعة وقد يكون اسرع بقليل من الفيش العادي ،يشحن جهازين بنفس الوقت، وفيه ميزة IQ والميزه هذي جدا جميلة بحيث انو لو شحنت اي جوال عن طريق الشاحن فشاحن يشحنه بطريقة مناسبه لهذا الهاتف بحيث يكون بسرعة وبكل سلاسة من غير مايضره ..
هذي اغلب الاشياء المهمه اللي لازم تعرفها، في العلبة بيجي معاه سلك شاحن صغير فقط لشحن الشاحن نفسه بس ، فاا انصحك مجرد نصيحة يعني تشتري معاه سلك انكر عشان تشحن فيه جوالك عشان ترتاح وماتستخدم شاحنك الاصلي حق الجوال ..
طبعًا بحكم ان جوالي ايفون XR فيشحن جوالي ٨ مرات تقريبًا العدد هذا يختلف من ايفون لآخر واذا جهازك ايفون بترتاح جدا معاه وان شاء الله ماتجيك مشاكل ..
لكن السلبية الوحيده اللي واجهتها هي انو الشاحن يحتاج اقل شيء يومم كامل يشحن فيه يعني مثلا لو شحنت جوالك ٨ مرات وخلص شحن قبل لاتنام حطه بشاحن وخليه يفلل تقريبًا يحتاج ٢٣ ساعة شحن بحكم انه ٢٠ الف انمبير بس ما راح يتعبكم ان شاء الله بخصوص هذي النقطه..
من ناحية الضمان فاا منتجات انكر جدا مضمونة ومعتمدة من شركة ابل وجلكسي وايضًا هواوي وانها مثل الشواحن الاصلية اللي مع الجهاز لكن انتبهوا من الشواحن المغشوشة اللي بسوق..
من وين تشترون الشاحن؟ للأمانه انا شريته من نون @noon بـ١٤٠ ريال والوصلة حقت الشاحن تقريبًا بـ٤٠ ريال وانصحكم تضيفون اشياء زيادة عشان يوصل سعر الطلبية ٢٠٠ ريال عشان توصلكم الطلبية من نون وانصحكم تستخدمون اي كود خصم..
هل المنتجات اصلية؟ طبعًا اول ماوصلتني الطلبية بعد اربع ايام جاني وسواس انها مغشوشه او مقلده لكن تواصلت مع شركة انكر وتأكد ان المنتج اصلي حتى في كود موجود اسفل العلبة تكشطه ثم تحطه بموقعهم ثم يقولك اذا هو اصلي او لا..
اكرر كلامي مو شرط تشتري شاحن متنقل عشان تطلع وتتمشى وتسافر ممكن تشتريه فقط عشان تتمشى داخل البيت مثلي ويسهل عليك حياتك:(..
فالأول والاخير بس حبيت اعطيكم نظره بسيطه عن هالشاحن وافيدكم معي وكذا واعتذر اذا قلبت الثريد سوالف وهذا اول ثريد فأكيد بيكون غير مرتب والاخطاء الإملائية كثر شعر راسي ولكن حبيت اني احاول واسوي شيء مفيد بالحياة واذا عندك اي سؤال اكتب تحت والله ولي التوفيق.
جاري تحميل الاقتراحات...