لو انت متابع قديم شوية هتعرف اننا كل فترة بنعمل سلسلة من الثريدات عن الكواكب والنقط في الأبراج. بالفعل عملنا عن الطالع، الميدهيفن والزهرة ويتبقي لنا مجموعة من الكواكب علي رأسهم القمر. وبناءً عليه هنبدأ سلسلة ثريدات القمر وماينفعش نبدأ غير بقمر #الحمل ♈
١. قمر الحمل ناري بيحكمه المريخ فبعيداً عن وضع خريطتك، كواكبك او هيمنتك مكان زي ده لوحده هيلعب دور كبير لأن حتي اهدأ الاشخاص اللي عندهم قمر مماثل بيكون ليهم نوبات غضب بين حين وآخر. قمر الحمل بيخلق نمط حياة سريع للشخص وده اللي بيخليه اغلب الوقت مستعجل وعايز كل شئ يحصل دلوقتي.
٢. بشكل عام القمر مش بيرتاح في برج #الحمل لأن سيطرة المريخ عليه بتقلق راحته وتعكر صفو حياته كأن في شخص طول الوقت فوق دماغه ومش سايبه في حاله فسهل تلاقي الشخص دايماً عايز يعمل حاجة، يتخذ موقف او يخرج طاقته بأي شكل وعشان كده الاشخاص دي "بتبدع" بمعني الكلمة في المجالات التنافسية.
٣. وعلي فكرة احياناً اشخاص قمر الحمل بتواجه تحكم، سيطرة، او اشراف اعلي من شخص علي تصرفاتهم وحياتهم وفي الاغلب بيكون فرد من اسرته واحياناً شريك. في افضل الاحوال قد يكون في مشجع في حياته بيدفعه للانجاز وفي اسوأ الاحوال ممكن تلاقي ان الاشخاص بتتحداه طول الوقت وبتدفعه للجنون.
٤. لو هنتكلم بشوية منطقية قمر الحمل بيدعم الشخص جداً مهنياً نظراً لقوة شغفه وحبه لنفسه وحاجته المستمرة للنجاح ومش اي نجاح هدفهم "القمة" فالمريخ هنا بيساعده وبيمنحه الشجاعة الكافية لمواجهة التحديات وكمان للمنافسة. وهتلاقي ان اغلب الاشخاص دي بتحطم الارقام القياسية وبتنجح بقوة.
٥. جانب العلاقات لقمر الحمل مثير للاهتمام شوية لأن غريزة الشخص هنا بتقوده بشكل كبير فصعب يفكر في عقبات او نتائج اختياراته لأن كل تركيزه علي رغبته ومشاعره ولذلك بيكثر عليهم الاشاعات والكلام وسهل تلاقي جزء منهم واقع او طرف في علاقة ثلاثية واكبر مثال انجلينا صاحبة قمر الحمل مع براد
٦. قمر الحمل بيتفق مع زهرة الحمل في انجذابهم للعلاقات اللي بتشكل تحدي ومصدر للشك والاشاعات وفي اسوأ الظروف ممكن يدخلوا علاقات فيها تعنيف وغيرة وغير صحية بالمرة واشهر مثال هي Rihanna صاحبة قمر الحمل وقضيتها مع chris brown وده بيرجع لتسرع الاشخاص دي وتقديرهم الخطأ للأمور.
٧. من وجهة نظري قمر الحمل عنده امكانية انه يكون في انجح العلاقات لو بس قلل من تسرعه وبدأ يفكر في نتيجة اختياراته بشكل منطقي وعادةً برج وبيت واتصالات المريخ هتقولك القمر ده هيتصرف ازاي في الخريطة. قمر الحمل دمهم خفيف، عندهم شعبية وجداً مثيرين،
Unstoppable, on fire 🔥 ♥
Unstoppable, on fire 🔥 ♥
في النهاية خريطتك ليها الكلمة الأخيرة لأنك مش بس قمر #حمل ♈ وافتكر دايماً ان مفيش بطل لحكايتك غيرك وان دايماً عندك فرصة ووقت 🌻
وكالعادة اتمني للجميع يوم مشرق، مبهج وجميل 💛
وكالعادة اتمني للجميع يوم مشرق، مبهج وجميل 💛
🕊
افتكر دايماً ان ليك كامل الحق تقول رأيك وتقول لأ وكمان تنهي اي وضع مش ملائم ليك. انت مش مجبر علي الاستمرار في شئ بيأذيك نفسياً او جسدياً. ولما تحس انك محتاج اجازة خدها واعرف قد ايه انت قوي و انك الشخص الوحيد المسؤول عن حياتك وقرراتك لأنك ببساطة تقدر..
بحبكم أبطالي 🦄💜
افتكر دايماً ان ليك كامل الحق تقول رأيك وتقول لأ وكمان تنهي اي وضع مش ملائم ليك. انت مش مجبر علي الاستمرار في شئ بيأذيك نفسياً او جسدياً. ولما تحس انك محتاج اجازة خدها واعرف قد ايه انت قوي و انك الشخص الوحيد المسؤول عن حياتك وقرراتك لأنك ببساطة تقدر..
بحبكم أبطالي 🦄💜
جاري تحميل الاقتراحات...