من سنة بالظبط بدأت اشتغل في بنك في بلد معرفش اتكلم لغتها وكنت عامل زي الاطرش في الزفه مش فاهم الموظفين اللي حواليا بيقولوا ايه ادامي ولا كنت اعرف اقرا ورقه حتى ، و قضيت اول شهر اناولهم ورق بيطبعوه ، علموني و اجتهدت اني اتعلم بجد ، النهرده اول يوم ليا في نفس البنك مساعد مدير عام
بالرغم من ان عندي شغلي الخاص هنا مخليني مش محتاج ابقى موظف و قعدت فعلا سنتين قبلها في البيت معتمد على دخلي الخاص بس حسيت انهم ٢٠ سنة واني بضيع وقت و حاربت كمان اهل مراتي اني اتوظف ودا عشان هما نظرتهم ان مينفعش حد من عيلتنا يشتغل عند حد ?♂️
بس صممت وبعدت عن كل الاختيارات اللي حطوها ليا و اتعمدت اني اشتغل من الصفر و بعيد عن اي واسطه ممكن يجيبوها ليا وفعلا لاقيت اعلان في الجرنان و روحت قدمت و اتعمل ليا ٣ مقابلات اول واحد مع صاحب البنك و التانيه مع بنت صاحب البنك والتالته مع مدراء الاقسام عشان يشوفوا يحطوني في اي قسم
و حصل فعلا انهم اختارولي قسم اداره الثروات عشان اكتر قسم مش هيحتاج اني اتكلم جريكي او تركي و الانجليزي كفاية ، لعبت الصدفه ان بعد ٤ شهور القسم دا كله المديره و الموظفين القدام سابوا الشغل دا وراحوا مكان تاني و بقيت لوحدي في القسم المفجأه انهم قالولي هتشتغل لوحدك ونجيبلك مترجم
حصل وجابولي وكان صاحب البنك نفسه بيقعد يفهمني اللي مش فاهمه و كنت بسال دايما عن حاجه مش عارفه خصوصا ان القسم دا بيتعامل مع كل موارد البنك يعني ملاييين بجد ، قمة الرعب و الاثاره في نفس الوقت و ايام صعبه وايام حلوه و عدت و اشتغلت على نفسي في اللغتين المطلوبين مني
بقيت مدير القسم دا رسمي و كانت مفجاه ليا قبل اي حد انهم يعملوني مدير قسم في بنك لحد امبارح مكان مساعد المدير العام دا فاضي و لا عمري فكرت فيه و ياعم انت لسه بثبت نفسك هنا و حلو اوي كدا ، اكتشفت انهم اختاروني انا و كل الموظفيين مؤيدين للاختيار دا
مش مبسوط على اد مانا مرعوب و محبط كمان ان في بلادنا حاجات زي دي بتحصل بعد عمر طويل
@adrakhan15 @fatemaposy0 اما اني اجنبي عنهم فانا مش اجنبي رسميا لاني متجنس وبقيت واحد منهم ودا كان شرط عشان اشتغل اصلا في بنك ومشكلة اللغه بتتحل بان معايا مترجم و سكرتيره بيساعدوني
جاري تحميل الاقتراحات...