رتبها

بما انكم بدأتوا تخلصو اختبارات وشايفة كتير ناس بتتخرج ماشاءالله???
قعدت اقول في نفسي ليش ما احطلكم خطوات بسيطة ساعدتني اني اروح مقابلات كتير. لين وصلت لوظيفة احلامي?✨
يعني مجهود شخصي لحاجات اتعلمتها من خلال بحثي للوظايف من سنة ٢٠١٨-٢٠١٩?
Note:ممكن عند البعض تكون معروفة✅

بدايةً احنا الخريجين نحسب انو الحياة بعد التخرج مره حلوه ?
(مهما قالولنا الي اكبر مننا محا نستوعب غير لمن نكون جوت الموقف ونصدق ! )
يعني نقدر نقول شبه الفضائين الي في #حكاية_لعبة لمن يختارنا الونش عشان نروح مكان افضل???!

طيب ماشييين كويس طلعت الدرجات?احتفلنا?واكلنا الكيك?وفتحنا الهدايا? انبسطنا يوم اسبوع شهر ??
Then what!
يجي في مخك صوت احتفالات اصحاب #نيمو بعد ما انجزوا هدفهم انهم يخرجو من الحوض
الخطة نجحت?!
بس كيف نخرج من الي احنا في؟
احنا احرار بس ضايعين?

تاني شهر حتلاقي نفسك داخل لاإرادياً في مرحلة إكتئاب بسيطة عشان هدفك في الدنيا دي انتهى ومضطر انت بنفسك تلاقي هدف.بينما انت مو متعود تلاقي نفسك.متعود الاقدار هيا الي تمشيك.يعني مو بإرادتك دخلت دي المدرسة ولا مسار علمي ولا ادبي ولا تخصصك فالجامعة.غالباً معدلك الي بيجبرك تتخصص ايش?

مره دخلنا في مود وحش صح???؟ عشان كدا قبل نوصل للمرحلة دي (الي انا وكتير عشناها.. وعشان هيا مره وحشه انا ماباكم تعيشوها?) حبيت اقولكم حاجات بسيطة ساعدتني الاقي نفسي ?

١- ابعدوا عن السلبين ونفضو اول بأول+ حاولو قد ماتقدرو تبعدو فالتجمعات*العائلية*عن داك الشخص الرزيل الي يسألك متى حتتوظف??
٢- اختاروا من اصحابكم الي لمن تلاقي دورة ولا شي يفيد فالتخصص وتقولوا يلا!
يقولك يلا قدام نحضر✅
منها محا تنسوا انتو مين
ومنها تتعرفوا وتكونوا علاقات مهمة?

٣-من وجهة نظري ابتعدوا عن حسابات سناب وتويتر للتوظيف عشان حتتشتوا وحتلاقوا نفسكم معصبين تبغو تقدمو في كل مكان وخايفين شي يفوتكم
ركزوا على @WadhefaDotCom فقط?
افتحوا الموقع كل يوم مره وحده شوفو ايش في جديد
سواء على المستوى العالمي من تدريبات وبرامج
او المحلي وظايف في شركات صغيرة.

خلاص نقدم ونستنى؟
فالبداية كنت احسب الخطة كدا?
بس لقيت ايميلي مافي اي رد بحكم ان الشركات الكبيرة خطوات التوظيف تاخد وقت طويل.. يعني حنقعد نحط يد على يد؟??‍♀️
لا طبعاً انا متخرجة واحتاج وظيفة حتى لو تدريب في اي شركة قريب في مدينتي.عشان مايلاقو فجوة فالCVبين وقت تخرجي واول وظيفة ليا

٤-بعد مانزبط الCV بشكل رهيب وحساب @LinkedIn و @Baytcom ونقدم في الشركات الكبيرة والصغيرة من @WadhefaDotCom ونختبر القدرات الجامعي وستيب.. يعني نعمل كل شي علينا✅
حتلاقوا نفسكم لسه ماجاتكم ولا مقابلة..
ايش السبب؟
هنا يجي دورنا احنا كيف نسوق لنفسنا?

فاصل كتكوت :

٥- كيف نسوق لنفسنا?؟
-فاكرين لمن قلتلكم احضروا دورات مع اصحابكم الي شبهكم?؟
من خلال حضوركم للفعاليات والدورات اتعرفوا فيها على مقدمين الخدمات والي يشتغلوا في المكان والي حاضرين كمان✨
يفضل يكون معاكم بزنس كارد توزعوها وكمان تسألوهم عن البزنس كارد الخاصة بيهم او طرق تواصل اخرى✅

-محا نكتفي بالناس الي نقابلهم✅حندور بنفسنا على الشركات عشان عمنا @Google موجود?
نكتب كل الكلمات المفتاحية المناسبة لتخصصنا عربي وانجليزي وكل مره غيرو وبدلو حتطلعلكم شركات مختلفة⌨️
الي يهمنا ندخل على موقعهم نشوف لو عندهم خيار توظيف نكمل بياناتنا او نرسلهم الCVعلى ايميل التواصل?

متخيلين من دي الحركة بدأ ايميلي ترجعلوا الحياة✨ وبدأ الأمل ينبت في قلبي??
سار في تجاوب لأنها شركات صغيرة والرد على ايميلات التواصل اسرع?
كانوا مستغربين اني كيف عرفتهم وكيف وصلتلهم مع انهم ماحطوا اعلان ولاشي?

بدأت الحمدلله وقتها لأول مرة اروح مقابلات، حتى لو الوظيفة مو مناسبتني والمكان بعيد والشركة عادية ويبغوني اشتغل او بمعنى اتدرب بدون فلوس✨
كنت احتاج اجرب معاهم طريقة المقابلات واغلط فيها عادي بدون خوف عشان تدربني وتأهلني لمكان افضل ولمن تجي مقابلة وظيفة احلامي اكون واثقة من نفسي✅

٦-وقت تقدموا في المواقع ، قدموا في كل شي تلاقو قدامكم واي شي يخطر في بالكم، مناسب مو مناسب لا تتقيدوا بالشروط لأنكم ماتعرفوا الخير فين (ممكن واكيد في HR حيفصلوا منكم على دي الحركة)
بس صدقوني الا مايجي يوم تزبط معاكم?✅

مثال ومو شرط يكون صحيح
لمن قدمت على الشركة الي شغاله فيها الان
وقتها كنت طفشانة عمري من كتر الابلكيشنات الي اعبيها واني اقرا كل سطر في كل وظيفة مطروحة مناسبة لأيت تخصص وبعدها اعملapply
لين وصلت معايا وسرت اسويapply
لأي شي فوجهي?ومنجد دوبي استوعب اني مقدمة كنت حتى على رجل امن?!

حتجيكم ايميلات رفض كتير بس عادي خدوها بروح رياضية انهم هما الخسرانين ?✅

في مره ال HR في جهة حكومية ما دققوا في بياناتي وكلموني.
ووقت المقابلة اكتشفوا انو تخصصي غير??
صح موقف غبي بس انا سويت مجنونة وقلتلهم اذا في وظايف بعد كدا في تخصصي حكون مبسوطة اني اشتغل معاكم.
وبعدها بكم شهر كلموني لمقابلة تانية
احياناً الهبل مُفيد?✅

واكيد لازم تقروا عن الشركة قبل تروحولهم لأنو احياناً بننسى?
- تاريخ الشركة
- مؤسسينها
- عملاءها
- منتجاتها او خدماتها
- شراكاتها الاستراتيجية
- وجودك فيها ايش حيضيف عليها
واخيراً تجهز نفسك للسؤال البايخ
"حق فين تشوف نفسك بعد ٥ سنين؟"

والاهم انكم تقروا عن تخصصكم✅ لأنو الي فاكرينو تبع اخر سنة وتحس انك ملك زمانك?
لين يجيك سؤال في المقابلة يرجعك اول سنة في الجامعة.. الي هوا اساس دراستك .. تقول في نفسك..(كم لبثنا؟) هوا دا مهم اصلاً؟
ويطلع للاسف انو دا مهم
ثريد في اسئلة اول مقابلة???

اتوقع عملنا تغطية شاملة لكل الطرق الي تخلينا نتدرب ونتوظف لين نوصل لوظيفة احلامنا?نجهز الCV وبندأ?!
١- المواقع @WadhefaDotCom @LinkedIn @Baytcom
٢- العلاقات العامة من الجامعة والدورات والفعاليات والشركات واشخاص مشاهير وعاديين.
٣- البحث عن شركات في @Google
٤- العمل التطوعي✅

طيب نوف اصلاً الCV تبعنا مافي شي يحمس..
هنا لازم نشمر ونبدأ نتكلم في موضوع تاني مهم اغلبنا لمن كنا في الثنوي والجامعة مهمشينو?
اننا ركزنا في دراستنا العلمية والجانب العملي والتطوعي جنبنا على جمب لأجل غير مسمى?!

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد