رتبها

بسوي #ثريد عن صلاة الوتر ومدى ارتباطها بالحياه السعيده والجميله والله وتالله انها زي السحر صدقوني ..

انا ماكنت اصليها أبداً ودايما اتكاسل واقول مو لازم، وكان يقيني بالله وحسن ظني شبه ضعيف وكنت احتاج أقوي ثقتي بس مو عارفه كيف ابدأ😞

المهم قبل سنه ونص تقريبا مريت بأيام شبه مميته كرهت حياتي وفكرت انهيها كثير كانت سيئه كنت استنى اليوم يخلص بفارغ الصبر عشان يعدي الليل الطويل بدون هواجيس ويجي النهار، والله ماابالغ كل شي ظلام اشوفه مافي شغف مافي ترقب وكل الاشياء الحلوه فعيني انطفت وهذي اسوء مراحل الاكتئاب..

في ليلة من الليالي مريت بموقف ماعرفت أتصرف فيه من كثر الخوف وكنت انتظر حاجة اتمناها تحصل وبشدة ولو ماصار هالشي في نفس اليوم بخسر حاجات كثيره ويمكن اموت من القهر لو مااتحققت..

كنت افكر كيف اقدر اخلي هالشي يتحقق اليوم؟؟ كيف انام وانا خايفة كذا ؟ وماعندي اي مقدرة اني احقق هالشي ومحد حولي ولابيسمعني ولااقدر اشكي لأي مخلوق، كان بالنسبه ليا هم كبير): كنت ابغى مساعدة بس مااقدر اطلبها من اي احد والوقت بيعدي

وقتها كانت الساعه ٣الفجر ولأول مره ماابغى الصباح يجي): انا اللي دايما استنى الصباح، المهم قلت ياريم محد حيساعدك غير ربنا جربي ادعي منتي خسرانه شي،وكل مااجي ابغى ادعي في شيطان يوسوسلي انك مو محافظة على صلاتك وماتفتكري ربنا الا لما تحتاجيه والكلام ذا كله والوسوسه😭

رحت بحثت عن طريقتها وكم ركعه وبدأت اصلي ومن كثر ماحسيت بالراحة صرت اقرأ آيات من عندي وماابغا اخلص، وقلت يارب انا زعلانه اني افتكرك وقت حاجتي بس ماليا غيرك يارب مايجي الصباح الا والشي اللي اتمناه أتحقق يارب بشّرني ودعيت زي الاطفال وكنت حاسة انو ربنا جنبي ويسمعني ويهون عليا

ونمت وانا عندي ثقة انه حتصير معجزه ماادري كيف!! بس جاني احساس انه مستحيل يخيبني !! تعرفوا اليقين القوي اللي كنت اتمنى احس فيه حسيته يجماعه، وبعدها نمت والساعه ٨ الصباح يجيني اتصال بالبشاره اللي كنت أتمناها ياجماعه والله العظيم شعوررر ماينوصف😭اقسم بالله كأنه سحر

والله هم وانزاح بدون تدخلات بشرية فقط بإرادة الله والوتر، من الفرحة قمت ابكي واول شي سويته جلست أشكر ربنا وماودي اوقف وحسيت بسعاده عجيبه بعد ٥ ساعات فقط من الدعاء، ٥ ساعات غيرت الحال الى حال اخر): من قلق وخوف وتعاسه الى راحة بال وثقة ويقين بالله

ومن بعدها اي شي يصعب علي وأي هم احس فيه على طول الجأ للوتر واحاول اخليها عادة حتى لو تناسيت ارجعلها، مهما كنت سيء مهما كانت صلتك بالله ضعيفه لاتخلي الشيطان يهز ثقتك،دايما حط فبالك ربنا كريم وارحم من انه مايقبلك على حالك كيف ماكان❤️

{ورحمتي وسعت كل شيء} رحمته وسعت الخلايق كلهم والانس والجن والكون كله هل عندك شك انها ماتسعك؟ لاتلجأ لأي مخلوق ورب الوجود موجود يسمعك ويحس فيك بس يحتاج منك زيادة يقين، ادعي وكأن الشي حصل وفعلا بيحصل وبيستجاب مع الوتر❤️

هذي طريقتها للي مايعرف

عادي تصلوا ركعة وحده مو غلط بس الافضل صلوا ركعتين اقرأوا فالاولى الفاتحة والأعلى والثانيه الفاتحة والكافرون وسلموا عادي، بعدين ركعة لوحدها اقرأو الفاتحة والاخلاص وادعوا وسلموا ، للناس اللي مو فاهمة شرحي😔