علم النفس
حقوق الحيوان
تدريب
الحيوانات
سلوك الحيوانات
رعاية الحيوانات الأليفة
رعاية الحيوانات
تدريب الكلاب
تدريب الكلاب
روي .. وايت جيرمن عنده سنتين
ضحية من ضحايا الحبس والتدريب العنيف والتعامل مع الكلاب على إنها بهيمة اضربها هتسمع الكلام ، حالة كلب معقدة جدا وقفت قصاد صاحبه عاجز امبارح وحله الوحيد هو إني أتبناه !
دا ثريد هتكلم فيه عن التدريب وكوارثه في مصر وشوية نصائح قبل ما تلبس انت وكلبك:
ضحية من ضحايا الحبس والتدريب العنيف والتعامل مع الكلاب على إنها بهيمة اضربها هتسمع الكلام ، حالة كلب معقدة جدا وقفت قصاد صاحبه عاجز امبارح وحله الوحيد هو إني أتبناه !
دا ثريد هتكلم فيه عن التدريب وكوارثه في مصر وشوية نصائح قبل ما تلبس انت وكلبك:
روي صاحبه ولد لسة بيدرس فكعادة أي حد بيحب الكلاب ونفسه يربي وأهله رافضين لجأ للسطح وحط الكلب فيه ، دي كانت أول كارثة
حبس الكلاب في أي مكان وخصوصا الأماكن المفتوحة "سطح ، بلكونة ، جنينة" بيجننهم ، انت بتاخد من كائن أهم احتياج في حياته "الاجتماعية" وبعدين تستغرب هو ليه مش سوي!!
حبس الكلاب في أي مكان وخصوصا الأماكن المفتوحة "سطح ، بلكونة ، جنينة" بيجننهم ، انت بتاخد من كائن أهم احتياج في حياته "الاجتماعية" وبعدين تستغرب هو ليه مش سوي!!
بعد فترة من الحبس بدأ الولد يلاحظ إن سلوك الكلب عنيف فلجأ لأحد السحرة والمبرمجين عشان يظبطله كلبه ، جاب واحد من أكاديمية مشهورة وأقدم ناس في المجال بدون ذكر أسماء "كلية الشرطة" :D
سمعتهم سبقاهم دول في التعامل مع البشر فما بالك بالكلاب!
نصيحة لوجه الله: كلية الشرطة لا وألف لا
سمعتهم سبقاهم دول في التعامل مع البشر فما بالك بالكلاب!
نصيحة لوجه الله: كلية الشرطة لا وألف لا
قدمله نصائح سحرية هم بيعتبروها عقيدة في التعامل مع الكلاب ثابتة لاتتغير :
سيطر على الكلب و افرض شخصيتك عليه ، زعقله ، اضربه في الأماكن اللي هقولك عليها وفضل فترة يدربه بالعنف دا خلص وخد فلوسه والنتيجة ان الكلب بقى بيهاجم أي شيء متحرك ما عدا صحابه
سيطر على الكلب و افرض شخصيتك عليه ، زعقله ، اضربه في الأماكن اللي هقولك عليها وفضل فترة يدربه بالعنف دا خلص وخد فلوسه والنتيجة ان الكلب بقى بيهاجم أي شيء متحرك ما عدا صحابه
كدا بقى عندنا كارثتين دمروا الكلب ، حبس وكبت ومدرب حمار خلاه يفقد ثقته في الحياة كلها
سلوك الكلب عند سن سنة اكتمل نموه وبلغ واتجنن بقى لإن اتضافت مشكلة تالتة: عايز اتجوز يا عالم ياكفرة
وطبعا الاستهتار بالجواز والتقصير فيه ورفض التعقيم في نفس الوقت وفوقهم حبس وكبت وعنف حولوه وحش
سلوك الكلب عند سن سنة اكتمل نموه وبلغ واتجنن بقى لإن اتضافت مشكلة تالتة: عايز اتجوز يا عالم ياكفرة
وطبعا الاستهتار بالجواز والتقصير فيه ورفض التعقيم في نفس الوقت وفوقهم حبس وكبت وعنف حولوه وحش
جابله مدرب تاني من أكاديمية مشهورة بتاعة شخص واحد ، أول مقابلة ضرب الكلب عشان كان عايز يهاجمه ونصح الولد إن حل الكلب دا هو إننا نركبله الكتريك كولر وكل مايهاجم نكهربه وهيبقى زي الفل
الحمد لله الولد رفض وإلا كان حكم على كلبه بالإعدام
الحمد لله الولد رفض وإلا كان حكم على كلبه بالإعدام
وداه لواحد تالت من اللي مسميين نفسهم مدربين وعندهم مزرعة بياخدوا منك الكلب يحطوه في قفص ويطلعوه يلعب شوية ويلا مبروك عليك الكلب اتدرب عاات فلوس بقى
انهاردة عنده سنتين ومشكلته بقت معقدة وحلها مكلف ومجهد لإن كلب زي دا محتاج حد يعلمه الحياة من أول وجديد والأهم :يتعقم كخطوة أولى
انهاردة عنده سنتين ومشكلته بقت معقدة وحلها مكلف ومجهد لإن كلب زي دا محتاج حد يعلمه الحياة من أول وجديد والأهم :يتعقم كخطوة أولى
نرجع لموضوعنا وهو التدريب
هقسم الكلاب فئتين
فئة ناس مستهترة وبتعتبر الكلاب أدوات فعادي تتحبس ولا تموت مش قصتنا ومهما اتكلمت معاهم عن إن دا غلط مش هيقتنعوا وهيبقى الحال على ماهو عليه ولا حياة لمن تنادي
هقسم الكلاب فئتين
فئة ناس مستهترة وبتعتبر الكلاب أدوات فعادي تتحبس ولا تموت مش قصتنا ومهما اتكلمت معاهم عن إن دا غلط مش هيقتنعوا وهيبقى الحال على ماهو عليه ولا حياة لمن تنادي
الفئة التانية هم ناس بتجيب الكلب يعيش معاها وبتعتبره واحد من الأسرة ودول موجودين وكتير بس للأسف انعدام الخبرة بيخليهم يلجأوا لناس يستغلوا حبهم للكلاب ويتنصب عليهم حرفيا وفوق كدا الكلب يتعلم بطريقة غلط ويتأذي
بدون شرح خد كلامي اللي جاي كقاعدة قبل ماتفكر تختار مدرب أو أكاديمية تساعدك في التدريب والتربية:
١-أي حد هيقولك هاخد الكلب منك ارفض إلا لو هياخده يعيشه في بيته زيك بالظبط وأحسن ودي بتبقى حالات قليلة اللي محتاجة الكلب يتفطم منك ويعيش مع حد فاهم يعلمه الصح ويرجعهولك تكمل المشوار.
١-أي حد هيقولك هاخد الكلب منك ارفض إلا لو هياخده يعيشه في بيته زيك بالظبط وأحسن ودي بتبقى حالات قليلة اللي محتاجة الكلب يتفطم منك ويعيش مع حد فاهم يعلمه الصح ويرجعهولك تكمل المشوار.
٢- أي حد هيستعمل العنف مع كلبك بأي شكل (ضرب ، زعيق ، خناقات شوك وكهرباء..الخ) دا تهزأه وتمشيه ، خليك مؤمن دايما إن عمر العنف ماكان حل لأي حاجة في الدنيا حتى في مواجهة العنف برضو حل اثبت فشله وخصوصا مع الكلاب.
٣- كلبك مش محتاج تدريب انت اللي محتاج تتدرب وتفهم فأي حد مش هيفهمك الدنيا كلها وتحس إن ناقصك شوية مذاكرة وتبقى مدرب زيك زيه على الأقل "مع كلبك" يبقى انت بيتنصب عليك وبتدفع فلوس وكلها كام يوم وعدم فهمك هيخليك تبوظ التدريب وتحتاج مدرب تاني وتالت وعاشر.
٤- أي حد هيفضل يجيب العيب على الكلب وخصوصا الحجج المعروفة (عنيد ،بينسى ومبيركزش) أعرف ان العيب فيه هو وإنه حافظ كام نموذج للتعامل مع الكلاب فبما إن كلبك مش زيهم فأكيد العيب فيه معروفة دي انت عايز تقول عليا مدرب حمار ولا ايه؟
٥- الكلاب مش آلات والمدربين مش مبرمجين بينزلوا نظام تشغيل على الكلب فأي حد هيحسسك بدا وييجي ربع ساعة يتنطط مع الكلب ويمشي اعرف انه بيشتغلك او بيعلم الكلب بطريقة فيها ضغط وهيستجيب بعدها لإنه خايف مش لإن المدرب شاطر وقادر يخلص شغله في ربع ساعة .
امتى ابدأ تدريب؟
التدريب زمان او المدرسة القديمة كان بيقولك لازم يبقى الكلب في سن معين ودا بسبب إنهم كانوا بيستعملوا أساليب عنيفة الكلب ميستحملهاش وهو صغير لكن حاليا فهمنا الكلاب وتفكيرهم وتقدر تعلم كلبك من أول يوم ييجي عندك فيه وكل سن وليه أسلوب
التدريب زمان او المدرسة القديمة كان بيقولك لازم يبقى الكلب في سن معين ودا بسبب إنهم كانوا بيستعملوا أساليب عنيفة الكلب ميستحملهاش وهو صغير لكن حاليا فهمنا الكلاب وتفكيرهم وتقدر تعلم كلبك من أول يوم ييجي عندك فيه وكل سن وليه أسلوب
الحالة اللي محتاجة سن هي خاصة بال Dog worker كلاب الحراسة والمخدرات والشوو ..الخ كل كلب حسب نوعه وسنه ، لكن كلب عايش معاك في البيت انت هاته ٤٥ يوم وابدأ معاه ، التدريب مش هو sit down stay ، التدريب هو لغة تواصل بينك وبين الكلب فحياته كلها هو بيتعلم كل حاجة من A-z حرفيا
لدرجة إن انت ساعات أو غالبا محتاج تعلمه ينزل سلم ازاي ولا يشرب صح"زي الكلاب" ازاي!
الكلب بيجيلك وهو جرو صفحة بيضة اتأكد ان ٩٩% من سلوكه انت اللي معلمهوله أو واخده منك فبالتالي لازم تبقى فاهم تتعامل ازاي مع كل حاجة بيعملها وبيعدي بيها ، فالمدرسة القديمة دي كارثية لو اتعاملت بفكرهم
الكلب بيجيلك وهو جرو صفحة بيضة اتأكد ان ٩٩% من سلوكه انت اللي معلمهوله أو واخده منك فبالتالي لازم تبقى فاهم تتعامل ازاي مع كل حاجة بيعملها وبيعدي بيها ، فالمدرسة القديمة دي كارثية لو اتعاملت بفكرهم
إنك متكونش فاهم وتخلي الكلب يوصل ل٦ شهور"وفقا للمدرسة القديمة" متعلم حاجات غلط هيكون صعب تبطيلها فبيلجأوا للعنف في التعديل مع انك كان ممكن تتفادى كل دا من الأول وتربي كلبك صح ويبقى زي كلاب الأوروبيين كدا كيوت وحلو وقوي الشخصية وناقص يتكلم!
اتكلمت قبل كدا عن علاقة الكلاب بالبشر وبياخدوا منهم ايه وازاي بيتعلموا منهم ويقلدوهم لدرجة التشابه الحرفي في الشخصيات ، اقرأوه هيبسطكم
ايه الصح ياعبد الله؟
هات الكلب واتعلم علشانه وابحث في مصادر محترمة وعيش معاه هتلاقي نفسك بتمر بتجربة تتبسط فيها بنفسك وبكلبك،أو لو معندكش وقت حط الشروط اللي أنا قلتها فوق دي واختار حد"زيي طبعا:D"يعلمك ويعيش معاك خطوة بخطوة انت وكلبك وتوفر على نفسك جهد والتجربة اللي ممكن تكون غلط
هات الكلب واتعلم علشانه وابحث في مصادر محترمة وعيش معاه هتلاقي نفسك بتمر بتجربة تتبسط فيها بنفسك وبكلبك،أو لو معندكش وقت حط الشروط اللي أنا قلتها فوق دي واختار حد"زيي طبعا:D"يعلمك ويعيش معاك خطوة بخطوة انت وكلبك وتوفر على نفسك جهد والتجربة اللي ممكن تكون غلط
نصيحة خدها مني وارميها في البحر هتلاقيها صح بعدين:
متسمعش ل٩٩% من مربيين الكلاب لإن معظمهم من خلال شغلي وزياراتي للناس أحب أقولك كله خاربها يامعلم بالذات الناس العظيمة اللي بتربي من عشرين سنة وربت 500 كلب دول أكتر ناس اهرب منهم فورا عشان مش منطقي تربي في عشرين سنة ٥٠٠ كلب أكيد :D
متسمعش ل٩٩% من مربيين الكلاب لإن معظمهم من خلال شغلي وزياراتي للناس أحب أقولك كله خاربها يامعلم بالذات الناس العظيمة اللي بتربي من عشرين سنة وربت 500 كلب دول أكتر ناس اهرب منهم فورا عشان مش منطقي تربي في عشرين سنة ٥٠٠ كلب أكيد :D
النصيحة التانية متسمعش لكلام الدكاترة في السلوك هم مالهم أساسا معظمهم بيفتوا وعندهم كوارث في مجالهم نفسه "الطب" فما بالك بالسلوك، السلوك علم كامل أو تقدر تقول علوم كمان فنصيحتي متسألوش دكاترة ونصيحتي للدكاترة متفتيش في اللي ملهاش فيه حتى لو بتربي وتجربتك ناجحة لا برضو غلط يادكتور
تقريبا دي أهم النصائح اللي ممكن أقدمها أحطك بيها على الطريق الصح لحياة سوية ليك ولكلبك ، كفاية ناس تقع ضحية نصب واشتغالات من ناس مفترية وفاقدة أبسط معاني الإنسانية في التعامل وكلاب تتدمر نفسيا وتبقى عبارة عن آلات قاتلة تأذي نفسها وتأذي كلاب غيرها بشكل مباشر بالعدوانية...الخ
أو بشكل غير مباشر عن طريق كره الناس ليها وللي بيربوها ما كله بيتحط في نفس الخانة ويتظلم ، وبشكل غير مباشر تاني إن الناس تخاف تربي وتعتبر التجربة انتحار والمشكلة كلها كانت في الفهم والتعامل الغلط مش أكتر!
كفاية كلاب تتهان وتتضرب وتتحبس وتتكهرب "واخد بالك يا بتاع سيزار ميلان؟" ؟ ، كفاية كلاب اتجننت واتحولت من مجرد كونه كلب بسكوتة بيخاف وعنده مشكلة في الثقة ومحتاج يتجرأ لكلب متوحش ! ، كفاية نصب ورمي فلوس في الأرض ، كفاية فتي وعنف وظلم لنفسكم ولكائن ضعيف كل ذنبه انه جه مع حد غلط
قبل ماتفكر تربي كلب أساسا لازم تفهم احتياجاته وتعرف كل حاجة انت داخل عليها ، الثريد دا هيفيدك تعرف أكتر
كنت كتبته بعد قصة مأساوية لكلب هاسكي لقيته في الشارع موجودة في الثريد
كنت كتبته بعد قصة مأساوية لكلب هاسكي لقيته في الشارع موجودة في الثريد
هختم كلامي برغم إني بحب شغلي ومستفيد منه من كل الجوانب إلا إني بتأذي جدا من اللي بشوفه وكتير بفكر أهرب بس لا هكمل لسة في كلاب كتير محتاجاني ، عندي اعتقاد بتعامل بيه : الكلاب أبسط وأسهل وأطيب من كل العك اللي بيحصلهم
وشكرا.
وشكرا.
في الفيديو زي ما انتوا شايفين من غير خناقات (عادية ، شوك ، كهرباء)
من غير ضرب ولا زعيق ولا حدة في الكلام حتى ولا عقاب من أي نوع دا مستوى كلب اتدرب واتعلم بطريقة يحبها ويفهمها
ارحموا كلابكم ياجماعة من شلة المفتريين"مدربين السبوبة" اللي بيقنعوكم إن الكلاب مينفعش معاها إلا العنف
من غير ضرب ولا زعيق ولا حدة في الكلام حتى ولا عقاب من أي نوع دا مستوى كلب اتدرب واتعلم بطريقة يحبها ويفهمها
ارحموا كلابكم ياجماعة من شلة المفتريين"مدربين السبوبة" اللي بيقنعوكم إن الكلاب مينفعش معاها إلا العنف
جاري تحميل الاقتراحات...