اورانوس ونبتون من الكواكب اللي بتجذبني جداً، أكتر من عصابة بلوتو وزحل 😁 ولذلك في الثريد دي حبيت نتكلم عن كوكب بيثير اهتمامي زي اورانوس ونفهم طبيعته سواء في خريطة الميلاد او حتي التوافقية وغيرهم من الخرائط.
١. البيت اللي بيقع فيه اورانوس في خريطة ميلادك تأكد انه بيمثلك كنز لأن البيت ده هيمثل الشئ اللي بيميزك، ايه اللي بيخليك مختلف عن اي شخص تاني؟ مثلاً لو في بيتك الأول يبقي ستايلك وشكلك، لو في بيتك ٣ يبقي افكارك ولو في بيتك ٢ يبقي طرق استثمارك لفلوسك وكمل انت الباقي..
٢. عادةً بيت اورانوس هيقولك الامور اللي هتبقي مصمم تعملها بطريقتك، الامور اللي هتتجنن فيها وتخرج عن المعتاد والمألوف، يعني لو في بيتك ٩ هتبقي العبقري اللي كل شوية طالع بنظرية جديدة ولو في ١١ هتبقي الثائر المتمرد اللي مستعد يقول لأ ويدافع عن الأقلية.
٣. من وجهة نظري اورانوس بيلعب في خريطة اي شخص دور مهم جداً لأنه بيجبره علي سؤال واختبار نفسه، بيقوله ليه تفكر بنفس الطريقة لما ممكن تفكر بطريقة مختلفة! وده اللي بيدفعنا للابتكار، للتميز، للجنون وده بيمنحك نوع من الاثارة، السعادة وكمان الخبرة.
٤. هتلاقي ان الاشخاص اللي عندها هيمنة لأتصالات اورانوس مبتكرة، متقدمة، سابقين بخطوة وهتلاقي ان اغلبهم طموحهم السيطرة علي المستقبل ونظرتهم ثاقبة بشكل قاتل ولذلك هتلاقي "اثرياء/اغنياء" كتير بأتصالات اورانوس وكواكب في الدلو ودي عن ملاحظة بالمناسبة.
٥. مهم تعرف ان اورانوس مش مستقر وتركيزه علي التجربة والتعلم وخلق الاثارة اكبر من تركيزه علي المكسب المادي او الاستقرار وعشان كده عنصر "التقلب" ده بيصاحبه فعادةً البيت اللي بيقع في اورانوس هتلاقي فيه تقلبات وهتلاقي ان اوضاعك فيه مش مستقرة وجنونية للغاية بس ممتعة.
٦. لذلك الفترات اللي اورانوس العبور بيتصل بيها بكواكبك بتكون فترات جنونية ومليئة بالمفاجآت ومن الفترات المحببة عندي لأن بتبقي متأكد ان الشخص هيتغير مش تغيير "بلوتو او زحل" لأ تغيير اورانوس في نوع من التحرير، كأنه صاحب مجنون بيقولك: ما تيجي نجرب وتقوم انت سايب كل حاجة ومجرب.
٧. ف هتلاقي ان اغلب الاشخاص خلال فترات عبور اورانوس بتعمل تصرفات جنونية، بتغامر، بتبدأ تبقي مختلفة خاصةً ان الوقت ده كمان بتظهر في عادةً مفاجآت كتير وبتلاقي ان كل شئ كنت مخطط ليه اختفي، فشل او نتيجته كانت عكس المتوقع وهكذا.
٨. اورانوس في العلاقات ليه نكهة مختلفة وبعدين بيخلق تلقائية مش طبيعية بين الطرفين ولذلك بخاف من اتصالاته ساعات خاصةً لو العلاقة بين طرف هوائي "عقله" مسيطر و طرف مائي مثلاً "قلبه" مسيطر او ترابي لأن ساعتها فعلاً بتبقي النتيجة غير متوقعة 😅
٩. بس بعيداً عن الجوانب السلبية والتحديات لأننا بنتكلم من منظور عام في النهاية، ميزة اورانوس في الخريطة التوافقية ان كل شخص بيكتشف هوية جديدة ومختلفة وحقيقية ليه من خلال الشخص التاني. وعادةً الشخصين دول هيجربوا حاجات مع بعض لأول مرة وهتلاقي ان مفيش قيود، احكام وده في احسن الظروف.
١٠. افتح خريطة ميلادك شوف اورانوس في اي بيت واتصالاته، شوف كمان تأثير اورانوس العبور في الوقت الحالي علي كواكبك وشوف الاشخاص اللي بينك وبينهم اتصالات لاورانوس وقولي تجربتك، شعورك، افتحلي قلبك يعني 🙃 كوكب ممتع وتأثيره جميل لو حابب اتعمق فيه شوية.
🌟 كالعادة دي ثريد عامة ف مفيش هنا قاعدة محددة او شئ ينطبق علي الجميع :) الفلك وسيلة مساعدة و انت بطل حكايتك ومفيش حد ينفع يلعب الدور ده غيرك.
اتمني للجميع اجازة رائعة ويوم في منتهي الهدوء والجمال 🕊
بحبكم أبطالي 🦄💜
اتمني للجميع اجازة رائعة ويوم في منتهي الهدوء والجمال 🕊
بحبكم أبطالي 🦄💜
🕊 كل مشاكل الأرض حلها في السماء. كلنا بنتحط في مشاكل وبنبقي تحت ضغوط، افتكر ان الصعوبات بتطلع اقوي واجمل الجوانب في شخصيتك وبتفكرك بأنسانيتك وحبك للحياة اللي ساعات بتدعي كرهك ليها. شوية جنون ممزوجين بشوية عقل وهتظبط معاك 🌻
ثريد قديمة للناس اللي عندها الاقتران 👇
جاري تحميل الاقتراحات...