انا الليلة إتذليت ذلة في حياتي كلها ما حصل حسيت إحساس كعب زي الأنا حاسه بيهو هسه!
كله بي سبب إني رافضه الإستغلال الحاصل من سواقين الحافلات و ما بدفع غير التعريفه المحدده و عشان على أمل إن يجي يوم الناس توعى بإن دي أزمة حقيقية لازم نقيف قدامها!
#thread
#تحديات_الفترة_الانتقالية
كله بي سبب إني رافضه الإستغلال الحاصل من سواقين الحافلات و ما بدفع غير التعريفه المحدده و عشان على أمل إن يجي يوم الناس توعى بإن دي أزمة حقيقية لازم نقيف قدامها!
#thread
#تحديات_الفترة_الانتقالية
الليلة في موقف بحري المحطة الوسطى في الزحمة طبعاً زي الساعة 4 ونص جات حافلة ماشه المهداوي وقفت جنبي، ختيت رجلي عايزة اركب الكمساري قال لي انزلي زحي ما ماشين ، عايزة ازح ولد جنبي قال لي دي حركات منهم ما تزحي، فعلاً وقفت بعد شوية الناس كلها ركبت لقيت روحي جوا الحافلة..
اول ما الحافلة اتحركت الكمساري قال هوي يا ناس 10 جنيه، مديت ليهو 5ج قال لي يا زوله 10ج قلت ليهو ليه 10ج؟ قال لي "كدا بس"! قلت ليهو انا بسأل فيك ليه 10ج؟ قال لي يا زوله 10ج جيبيها ولا حتنزلي!! قلت ليهو "إنتو ليه بتستغلو حوجة الناس و بتعملو تعريفة على كيفكم؟
و لو كل الناس الراكبه دي ساكته انا م حسكت ليه حرام البتعملو فيهو دا انا ما حدفع غير 5 و ما ح انزل.. انفعل فيني و بقى بنبذ و بقرب مني كأنه عايز يضربني!! زول واقف جنبه بمسكو مني!
المشكلة ما هنا! كل الناس الفي الحافلة كانت بتقول لي" خلاص يا بت اسكتي ما تتكلمي" ،دا غير البقيف على حيله و بنهرني "يا بت ما تقلي ادبك و الحافلة دي كلها رجال ما عاجبنك"!!!!!
سكتت و في واحد ورا بي اعلى صوته قال " إنت لو ما عندك 10ج المطلعك من بيتكم شنو زاتو"!
سكتت و في واحد ورا بي اعلى صوته قال " إنت لو ما عندك 10ج المطلعك من بيتكم شنو زاتو"!
و كل زول بجدع في كلام يسم البدن و يحرق القلب
ليه الناس تتعود على الذلة و الإهانة و تسمح بالاستغلالية الحاصلة منهم دي! و ليه عشان انا بت اسكت و احترم نفسي و انت الراجل تشوفني بتهان قدامك بالطريقة دي و ساكت!
لا و بتقيف معاهم ضدي!
ليه الناس تتعود على الذلة و الإهانة و تسمح بالاستغلالية الحاصلة منهم دي! و ليه عشان انا بت اسكت و احترم نفسي و انت الراجل تشوفني بتهان قدامك بالطريقة دي و ساكت!
لا و بتقيف معاهم ضدي!
سكتت و العبرة خنقتني و ما رديت على زول عشان لو هو فعلاً ضربني ما كنت ح القى زول يقيف معاي
و نزلت جيت اخت ليهو ال 5ج في جيبه لوى لي يدي و جدعها مني و ركب في الحافلة و رفع لي middle finger و نبذني!
و نزلت جيت اخت ليهو ال 5ج في جيبه لوى لي يدي و جدعها مني و ركب في الحافلة و رفع لي middle finger و نبذني!
انا مقهورة جداً على حالنا في المجتمع دا والله العظيم، ليه عشان انا قلت حقيقة انا متأكدة كل الناس حاسه بيها و متضايقه منها و حاولت إني اغير الحاجة دي و ابدا من نفسي و ادافع عن ابسط حقوقي!
انا ما عندي غير حسبي الله ونعم الوكيل فيهو و في كل زول متخاذل وقف معاهو و راضي بالعيشه ال نحن عايشنها دي، و انا محروقه شدييييد والله والله و ودا ما أول موقف يحصل لي و تعبت بالجد لكن من هنا حابه اقول اني ما حتنازل عن حقوقي و ح ادافع عنها
و ما ح ارضى بي أي شكل من الأشكال بالاستغلالية سواء من تاجر ولا سواق حافلة ولا اي صاحب مصلحة بشكل سبب رئيسي في الأزمة البنمر بيها دي و بتمنى كل زول يبدأ من نفسه برضو و ما يرضى بالبحصل لينا دا عليكم الله
و الحمدلله على كل حال
و الحمدلله على كل حال
جاري تحميل الاقتراحات...