جندي من الناصرية
لحد الان اتذكره، جان طويل القامة كلش، ملابسه العسكرية، على عكس المعتاد، كلش نظيفة، وجان يلبس مناظر (جعب بطل)، مجنت اتصور شلون ممكن شخص نظره ضعيف الى هذي الدرجة ممكن يكون مقاتل بالجيش!!
اول مرة شفته جانت بمكتبة الحجي
لحد الان اتذكره، جان طويل القامة كلش، ملابسه العسكرية، على عكس المعتاد، كلش نظيفة، وجان يلبس مناظر (جعب بطل)، مجنت اتصور شلون ممكن شخص نظره ضعيف الى هذي الدرجة ممكن يكون مقاتل بالجيش!!
اول مرة شفته جانت بمكتبة الحجي
مكتبة الحجي جانت من اكبر المكاتب (محلات بيع الكتب) بالموصل، جانت بشارع الدواسة، لا مو بالشارع نفسه، انما بزقاق بوسط شارع الدواسة جان يوصل للجهة الثانية من الدواسة، الجهة الي بيها حديقة الشهداء ومحلات تصليح الثلاجات. صاحب المكتبة اسمه الحجي، وكان من الطف الناس الي ملتقيهم بحياتي
بأيام العطلة الصيفية جنت ما انام الظهر، وحتى اتخلص من مهمة ملي المبردة (وضع الماء بالمبردة) بينما افراد العائلة الكريمة نايمين جنت انهزم واروح للمكتبة. اول مرة الحجي شافني بيها انطاني كومة اعداد قديمة من مجلتي والمزمار،ما قريتها لكن جانت مفيدة بالمطبخ وبتنظيف الجامات
ثاني مرة رحت، امضيت 3 ساعات اقلب بالكتب، وبالاخير لكيت كتاب مغامرات للأطفال لعبد الستار ناصر، دفعت سعره ربع دينار، بهذي ال3 ساعات اني جنت اقرا شوية من كل كتاب، وأأشر الصفحة الي وصلتلها واخبيها بأسفل الكتب حتى اكمل قرائتي باليوم الثاني. ثاني يوم هم رحت وهم جان عندي ربع دينار
بس، الحجي صاحني وكللي، اذا رتبت الكتب المخربطة والي مو بمكانها أنطيك كتاب ببلاش. هواية فرحت وصرت اروح كل يوم، جنت اشتغل بجد ونشاط بس جنت محتار كلش، .يا كتاب اختار، الى ان اجى الجندي من الناصرية.
لحد الان ما اعرف اسمه، بس هو هم جان مثلي، ينزل من المعسكر الظهريات
لحد الان ما اعرف اسمه، بس هو هم جان مثلي، ينزل من المعسكر الظهريات
وما عنده مكان يروح بيه، جان يمضي الظهرية كلها بالمكتبة واحيانا اسمعه يحجي وي الحجي. يجيبون اسماء ما اعرفها ويتناقشون عن كتب نادرة، ترجمات سيئة وجيدة، جنت ما افتهم اي شي من كلامهم، بس جنت اضحك على الفرق بين لهجة الحجي المصلاوية ولهجة الجندي من الناصرية.
فد يوم, وبعز الحيرة والبحث عن الكتاب الى راح اخذه، صاحني الجندي..
-ولك والله دوختنا، ما تكوللي شتريد؟
-اريدلي قصة طيبة (جيدة).
عمري ما انسى ذيج اللحظة، ابتسم الجندي، واشرلي على كتاب صغير اسمه جزيرة الكنز، روبرت لويس ستيفنسون، وكاللي..أقراه، راح يعجبك.
اني جانت عندي شكوك
-ولك والله دوختنا، ما تكوللي شتريد؟
-اريدلي قصة طيبة (جيدة).
عمري ما انسى ذيج اللحظة، ابتسم الجندي، واشرلي على كتاب صغير اسمه جزيرة الكنز، روبرت لويس ستيفنسون، وكاللي..أقراه، راح يعجبك.
اني جانت عندي شكوك
شلون راح تكون القصة طيبة واني اسم المؤلف بالموت قريته. على العموم، جانت احلى ليلة بحياتي، ما نمت الا خلصت القصة، وبحلمي بذيج الليلة شفت سفن وبحر وقراصنة وعشت مغامرة حقيقية، ولحد الان اني مهووس بكابتن فلينت و لونغ جون سيلفر وبقية القراصنة.
ثاني يوم من كعدت الصبح، رحت ركض
ثاني يوم من كعدت الصبح، رحت ركض
للمكتبة، كلشي مسويت بس انتظرت الجندي، وما راح انتظاري عالفاضي، ذاك اليوم انطاني حول العالم في 80 يوما لجول فيرن، وما انسى من كللي، لمن تكبر وتتعلم انكليزي، اقرا لجول فيرن، كتبه اطيب من افلام سينما الاطفال! معقولة، اطيب من افلام سينما الاطفال؟
طول ذاك الصيف،
طول ذاك الصيف،
الجندي من الناصرية حول حياتي الى مغامرة في غاية الروعة.
قبل متبدي المدرسة بأسبوع، جانت اخر مرة شفت بيها هذا الجندي بحياتي، ولحد هسة اتذكر اخر كلماته الي..
-لتقرا لكتاب عراقيين، ابد ما راح يفيدوك شي. العالم هواية جبير، اكبر حتى من بيتكم (بضحكة)، اهم شي تتعلم انكليزي
قبل متبدي المدرسة بأسبوع، جانت اخر مرة شفت بيها هذا الجندي بحياتي، ولحد هسة اتذكر اخر كلماته الي..
-لتقرا لكتاب عراقيين، ابد ما راح يفيدوك شي. العالم هواية جبير، اكبر حتى من بيتكم (بضحكة)، اهم شي تتعلم انكليزي
وتروح تقرا الكتب الاصلية، كتب الحجي كلها تعبانة.
جان بوكتها الحجي نايم، متكئ على كرسيه ومخلي الخاولي على ركبته وفاتح حلكه. ناوشني قصة ثانية، كتاب ثاني، وكاللي اقرا هذي وباجر كلي شنو رأيك بيها، يالله مع السلامة. طلع الجندي من المكتبه وما شفتة بعدها.
جان بوكتها الحجي نايم، متكئ على كرسيه ومخلي الخاولي على ركبته وفاتح حلكه. ناوشني قصة ثانية، كتاب ثاني، وكاللي اقرا هذي وباجر كلي شنو رأيك بيها، يالله مع السلامة. طلع الجندي من المكتبه وما شفتة بعدها.
جاري تحميل الاقتراحات...