هذي عصارة تجربتي الحياتية في موازنة “المذاكرة” مع الشغل او الجامعة ??
راح تفيدك خصوصا اذا كنت حاسس انه ما عندك وقت للآيلتس ?
راح تفيدك خصوصا اذا كنت حاسس انه ما عندك وقت للآيلتس ?
تحديد هدف واقعي: اول خطوة لازم تحدد ايش الدرجة اللي تحتاجها و قد ايش الوقت اللي يمديك تنجز فيه الهدف بشكل واقعي و بناء عليه تحدد عدد ساعات مذاكرتك اليومية ?
ابتعد عن المشتتات: مشكلتنا الاساسية في الحياة انه يومك مشغول و ما عندك وقت كافي! بس هل جربت تقفل التطبيقات اللي ما تفيدك على جوالك وتذاكر؟ او على الاقل وقت المذاكرة قفل تنبيهات تطبيقات السوشيال ميديا او حتى قفل الواي فاي و الداتا و اشتغل?
تركيزك على المذاكرة فقط بدون اي مشتتات لمدة ساعتين في اليوم حتوفر عليك وقت و عناء كبير و تلاقي نفسك تنجز.. فكر فيها حتلاقي مستقبلك يستحق تبعد ساعتين عن جوالك و اذا في شئ مهم راح يوصل ليك اتصال على الاقل يعني ما في شئ مهم راح يفوتك ?
رتب اهدافك: اذا عندك اكثر من اختبار ما تجلس تذاكر لكل الاختبارات في نفس الوقت ركز على مذاكرة اختبار واحد بشكل قوي الين تنجزه و بعدها ذاكر للاختبار اللي بعده خاصة اذا الاختبارات الباقية اختبارات بروفيشنال زي الجيمات و ال PMP
طلب الدعم: اعطي خبر لاهلك او شريك حياتك انه هذي الفترة حتكون مشغول بسبب الاستعداد للاختبار،، راح تلاقي دعم و دعوات منهم تساعدك تنجز هدفك بسرعة ??
مكان ثابت: خصص مكان ثابت للمذاكرة زي مكتبك او روح المكتبة او كوفي شوب تفضله و اجلس ساعة الى ساعتين مذاكرة متواصلة بعيد عن اي شئ ممكن يشتتك (يفضل انه يكون برة البيت)
استغل وقت الانتظار: طبيعي في يومك يكون عندك وقت انتظار زي انتظارك طابور البنك او تنتظر الين توصل وجهتك او انتظارك في المطار هذا الوقت استغله في البرامج الصوتية او قراءة القصص ??
الخلاصة استغلال وقتك مهارة اذا تعودت عليها راح تساعدك تنجز في كل امور حياتك، ذكر نفسك بمستقبلك و ليش انت جالس تتعب نفسك؟ صح راح تطفش شوي و هذي زي عقبة في طريقك لهدفك و عليك تتغلب عليها.. و اكيد في النهاية راح تفرح بانجازك و تطورك ???
جاري تحميل الاقتراحات...