السؤال الرابع
(العلمانية حفظ للدين من الإستغلال)
غالباً البطرح الجملة دي بكون علماني مختلف ونوعية جديدة عامل فيها عندو غيره على الدين بتكلم كدا "لقد أتت هذه العلمانية لحفظ هذا الدين العظيم تبجيلاً وتعظيماً له من استغلال الحكام له"
??

بيفترض أن الدين وحده ألممكن يحصل فيهو استغلال ودا كلام مغلوط جداً
الإستغلال والخداع ممكن يكون بإسم الديموقراطية وممكن بإسم العلمانية وممكن يندرج تحت اي مسمى
الإستغلال والمتاجرة ما عندهم اي حدود بالمسميات
وبنفس المنطق مفترض نحفظ العلمانية والديموقراطية عشان ما يحصل فيهم استغلال

العلماني هنا بغض النظر عن أي حلول لمحاربة الإستغلال الديني من محاربة الفساد وتوعية الناس بالدين وغيرو... وبتجه طوالي لفصل الدين
لانو في الحقيقة داير يفصل وخلاص وحيدعي قدامك غيرته وحبه للدين عشان كلامو يكون مقبول بالنسبة ليك

ثم هل الدين نفسو قال احفظوني بإنكم تفصلوني؟
هل عندك الجراءة تقيف قدام ربك بعدين وتقول ليهو قررت افصل دينك وتشريعك عشان احفظ دينك؟
هل عندك البجاحة الكافية لإنك تقول لربك رفضت سلطتك وجبت سلطة الغرب حفظ للدين؟
اعذار ساذجة عيب تقولها لطفل والله مش لشعب كامل ولربك بعدين

الحفاظ علي الدين يتم فقط بنبذ كل الأفكار المضادة وتحكيم الأمر لله وحده
(أساس التوحيد)
وأي محاولة تدليس وتلوين للحقائق لبث سموم حول النقطة دي فاشلة جداً