النهاردة قابلت ٤ ستات فوق السبعين. واحدة ٧٩ وعندها ابن واحد بس وغير متزوجة وواحدة ٧٦ وماعندهاش ولاد ومتزوجة وواحدة ٨٢ أرملة عندها بنتين مش عايشين هنا وواحدة عندها ٨٥ أرملة وعندها بنتين ... الصدفة ال خليتني أتعامل مع ال ٤ فيوم واحد وهم مالهمش علاقة ببعض خليتني أفكر كتير فبكرة ?
التقدم فالسن مالوش ذنب فكل التبعات ال بنرميها عليه. التجربة فردية أكيد وكل واحد بيجني ثمار ال زرعه وهو صغير ? أيوة ال زرعه مش ال الدنيا عملته فيه ... لإن أولا وأخيرا، فرأيي ال على أدي، رد فعلنا لعمايل الدنيا هو ال بيحدد بنزرع إيه وحانجني إيه
الست أم ٧٩سنة ال عندها ابن واحد وماعندهاش رفيق على الدرب وبتشوف ابنها ٤ أو ٥ مرات فالسنة لأيام معدودة، لطيفة جدا ونشيطة وبتسافر وبتتسوق وبتزور صحابها وبتعزم ناس فبيتها وحديثها شيق ومهتمة تسمع أخبار عن ال بيحصل فأي حتة وعندها رأي ونفس وذوق واهتمامات
الأرملة ال عندها ٨٣سنة وبنتين. لسة بتشتغل لإن طبيعة شغلها بتسمحلها بكدة. وطبعا ده مساعدها تبقى نشيطة وعندها دايما حاجة تحكي فيها وبصراحة صحبتها ممتعة وكتير بروح معاها السينما مثلا وبعدها نقعد نتغدى فحتة ?
الست المتزوجة بلا أبناء ال عندها ٧٦سنة. اختارت تكون أم يمكن للناس كلها ? بتعامل كل حد بحنية وصبر وابتسامة وصدر رحب مستعد يسمع ويحاول يحل. وكل ماتدخل بيتها تلاقي عندها ناس. وهي وجوزها في منتهى اللطف وحتى لما عملت الحادثة كانوا أول ناس كلمتهم وجم يجروا وقعدوا معايا للفجر
لطيفة ونشيطة وبتتحرك وتسافر تزور معارف وقرايب فمحافظات تانية وتقوم بواجبات على أكمل وجه وتهب تساعد أي محتاج ماشاءالله. وقاعدتها جميلة ومثرية وصحبتها حلوة. وحتى لما بتعدي فوعكة صحية بتكون متماسكة ومش عايزة تتقل على حد.
الأرملة ال عندها ٨٥سنة وبنتين صحتها مش حلوة ومش بتتحرك وقريبا مابتخرجش من بيتها وغالبا ماحدش بيزورها وحتى بناتها بسبب مشاغل الحياة بيعدوا عليها كل كم يوم وطبعا ده مش كفاية. ولما تقعد معاها ماتسمعش غير مشاكل وماتشوفش ابتسامة وماتلاقيش غير لوم لكل البشر فحياتها وحسرة على حالها
وأنا قاعدة عند أمي من شوية فضلت أقلب الأربع نماذج فدماغي عشان أفهم. ماهي أصلها سكة وماشيينها وحانوصل زيهم لو كان لينا عمر بفضله وكرمه.
وبعدين بصيت لأمي لقيتها أرملة ٨٤سنة وعندها ٤ ولاد ويمكن مسليها شوية إنها لسة مخها شغال وبتتابع قضايا بس مابتخرجش ومش مبسوطة وبتشتكي كتير ?
وبعدين بصيت لأمي لقيتها أرملة ٨٤سنة وعندها ٤ ولاد ويمكن مسليها شوية إنها لسة مخها شغال وبتتابع قضايا بس مابتخرجش ومش مبسوطة وبتشتكي كتير ?
الحركة والنشاط العامل المشترك بين ال٣ السعدا ماشاءالله. ال ماعندهاش ولاد والأرملة ال بتشتغل والمطلقة ال عايشة بعيد عن ابنها.
هل النشاط كان هو السبب ولا النتيجة ؟؟
هل هم حافظوا ع نشاطهم من وهم صغيرين فكملوا كده فانعكس ع حياتهم ؟؟ ولا لما لقوا نفسهم بيكبروا حاربوا الوحدة بالنشاط ؟
هل النشاط كان هو السبب ولا النتيجة ؟؟
هل هم حافظوا ع نشاطهم من وهم صغيرين فكملوا كده فانعكس ع حياتهم ؟؟ ولا لما لقوا نفسهم بيكبروا حاربوا الوحدة بالنشاط ؟
ماعنديش إجابة ? بس الحاجة الوحيدة ال لاقياها مؤثرة عالحياة والمزاج وبالتالي الصحة هي الحركة. ماتستسلموش للقعدة فالبيت وورا الكيبورد وتنسوا صحابكم لغاية مالعلاقات تموت وتصحوا يوم الصبح تلاقيكم بتعانوا مالوحدة وتكبروا لوحدكم
الحاجة التانية ال لاقياها مهمة هي التسامح. ال يتعود إنه يزعل عاللي فاته وال خسره وال ضاع عليه يتعب ويعيش حاسس بمرارة ويتعود عالشكوى. وكل ده يطفش الناس ويسد النفس عالدنيا فحتى لما يكون حواليك ولادك ولا أخواتك ولا قرايبك بيحاولوا يساعدوك تحسن مزاجك مش حاتعرف لإن الشكوى تعود
أنا نزلت من عند أمي بفكر فحاجة أعملها للناس، ماعرفش هي إيه لسة ?، بس عايزة أحذر كل حد من وهو صغير: ماتعودش نفسك تشتكي. ماتعدش ال مش عندك ونفسك فيه. حس بالنعمة الصغيرة واشكر أكيد حاتكبر. اتحررررك، من فضلك سيب الكنبة واتحرك عشان قلة الحركة قاتلة. اخرج وقابل الناس
مش عايزة ولادي فيوم يشيلوا همي إني لوحدي أو زهقانة أو تعبانة. ياااارب أقدر أعمل زي النماذج الملهمة فالسن الكبير وأتحرك وأقابل ناس وأحافظ عالعلااقات وماشتكيش ومايشوفونيش غير مبتسمة
جاري تحميل الاقتراحات...