طول عمري ضد تمجيد الزعماء والسياسيين، ودايما بقول الغلبة للمبدأ والانتماء للفكرة.
لكن وبكل أسف بلاقي في ظلم بين على بعض الشخصيات اللي كانت في المشهد السياسي وتنحت بسبب معلن أو غير معلن.
من ضمن الشخصيات دي
البرادعي.
وقت ما كان البرادعي في المشهد كنت معارض وبشدة لتوليه أي سلطة

لإني على قناعة بإن لأي قائد كاريزما والبرادعي كان بيفتقد الكاريزما دي، بخلاف اختلافي معاه في أكتر من منهج.
لكن البرادعي مش عميل ولا خاين.
البرادعي تنحى تماما بعد دولة ٣ يوليو.
وأبرأ ذمته من المجازر بالرفض الشفهي، اللي قدر عليه وقتها حسب قدراته الشخصية.
التخوين شيء بشع

والاتهامات اللي بنرميها على خصومنا السياسيين لمجرد اننا اختلفنا معاهم.. سبب حقيقي في نكسة البلد، وضياع هويتها.
خليك مؤمن بإنك طالما احترمت مناهضينك، واعترفت بوطنينهم من نفس منطلق وطنينك، وقتها بس البلد هتقوم.
لإن هيكون في صوت وصوت مقابل ليه خارج من نفس بؤرة الوطنية.