رتبها

#هلوسات
#الحرب_الاخيرة
(لم أكن أصدق انى سأعيش لاروى ما حدث فهو يحتاج إلى عقل فوق العقل حتى يستوعب ما رأيت او بمعنى أصح ما رأينا)

بعد الحرب الأولى وهزيمة عزازيل على يد مهلاييل بن قينن تأكد عزازيل انه لا يستطيع هزيمه البشر الا ببشر، الجن وحدهم لا يستطيعون الانتصار فهو يحتاج إلى واحد منا ليحارب معهم فاختار عزازيل ظافر وكان فى اختيار عزازيل حكمة فظافر من نسل سحره أبناء سحره إلى أن تصل لخدمة سيدنا سليمان

الذين سمحوا للجن بتحريف الكتب أسفل عرشة وتعلموا منهم السحر ونشروا شره فى الارض فهو من نطفة ملعونه إلى ارحام نجسه فجاء ظافر إلى العالم،
ويشيع عزازيل انه من نطفته هو ولكن الكل لايصدق فهم يعلموا ان البشر والجان لا يتناسلوا.

فى كهف مظلم بداخل جبل فوق جزيره لا يعلم مكانها الا اتباع عزازيل يجلس ظافر على عرش يحمله اربعه من جن العمالقة
فهو الان المساعد الأول لعزازيل وله من القوه ما له فقد علمه عزازيل من وهو عمره اربعون يوما كل أسرار السحر الأسود الذى يتحكم به فى كل مخلوقات العالم السفلى

فظافر الان يحمل عقل بشر وقدرات جان بل أقوى من اى جان وقلب لا يعرف للخوف طريقا فهو الان مثال حى للشر الذى يمشى على قدمين

تراه لا تملك الا ان تخاف منه فوجهه شديد البياض، شديد الشحوب تشعر ان جلده شفاف تظهر منه العروق، أنفه طويله مدببه، عيناه غائرتان

أعطاه عزازيل عبائه مصنوعه من الافاعى دائمة الحركة لا توقف ابدا فهى الحارس الشخصي لظافر عندما يغضب تصدر فحيح يرهب من أمامه.

كفانا حديثا عن ظافر الان
دعونى اعرفكم من انا قبل أن ابدا فى السرد انا طاهر بن الأكرم والإكرم والدى هو اخر أبناء برهام،الشيخ برهام .

جدى هو الشيخ برهام قطب صوفى شهير له حكايات كثيره مع عزازيل ساذكر لكم اخر حكايه له والتى كانت سببا لوجودى فى الحياة .

كان لجدى زوجتين وأبى الابن الوحيد لزوجته الثانيه خالده بنت الشيخ سراج

تزوجها جدى عندما عاد إلى مسقط راسه ومعه بناته السبعه وابنه جاسر
وكان لجاسر ثلاثه بنات وولد،
ولد وحيد اسمه الادهم الذى لم يعش اكثر من أربعين يوما،

والذى اختاره عزازيل قبل أن يختار ظافر ليكون خليفه له ولكن دعاء جدى بالحاح على الله أن لايجعل لواحد من ذريته سلطة خراب فى الأرض

تقبل الله منه ومات الادهم قبل أن ياخده عزازيل بيوم واحد وقتها كان تزوج جدى برهام من جدتى وانجب والدى الأكرم

وتمر الأيام والسنون وينتقل جدى للقاء ربه، فقد اكتملت مهمتة فى الأرض وترك ذريه صالحه تكمل ما بدا.
بعد ان عرفتكم على نفسى انا طاهر بن الاكرم بن برهام وقبلها على ظافر وانتم بالتأكيد تعرفون عزازيل

وقبل ان ابداء فى السرد من بعد البداية إلى ما قبل النهاية اريدكم ان تستعيذوا من الشيطان الرجيم فهو حاضر الان اما بشخصه او عن طريق احد اعوانه او أبنائه يقراء ما اكتب ويسمع ما اقول وفى بعض الأحيان يحاول ان يتحدث معكم لكن لاتخافوا سيحاول ولكن لن يستطيع
على بركه الله نبدأ

كانت بداية معرفتى بما يدور حولى وانا فى غرفة جدى برهام وهو فى يومه الاخير بل ساعته الاخيره اجلس انا وأبى الاكرم وعمى جاسر بجواره وبالخارج تقف باقى عائلتى امى وعماتى
كان جدى يتحدث بصوبه بالغه عندما قال لى

يا طاهر خد يا ولدى مفتاح الصندوق الخشب افتحه وهات اللى فيه
(بالفعل نفذت ما طلب وعندما فتحت الصندوق وجدت به مخطوطة قديمة من الجلد اخذتها واغلقت الصندوق واعطيتها لجدى)

لا يا طاهر دى لك يا ولدى خليها معاك لا تفتحها الا لما يكتمل القمر يعنى بعد ثلاث ايام
جاسر أكرم اتركونى مع طاهر
(يخرج عمى وأبى من الغرفة)

تعالى يا طاهر قرب منى واسمع الكلام
انت عارف ان كان لك ابن عم مات صغير ونحمد الله على ما فعل فكل ارداة الله خير
ولد عمك الادهم كان حيبقى له شان كبير بس فى الشر والخراب
وبفضل تقبل الله لدعائى انتهى دورة فى الدنيا وربنا عوضنى بيك انت
أعطاك من علمه كتير بس لسه انت ما تحس ولا تعرف

لك عندى حاجه واحده بالدنيا وما فيها لها من القدره بإذن الله أن تقول للشئ كن فيكون لك عندى اسم الله الاعظم الذى اذا دعوت به الله استجاب

لما تفتح المخطوطة بعد التلات ايام حتشوفه ومافى غيرك حيشوفه

و حتلاقى فى المخطوطة أماكن سبع أولياء فى سبع اقاليم حتروحلهم واحد واحد تجمعهم تحت رايه واحده هما لما يشوفوك حيعرفوك بعد ثلاث ايام افتح المخطوطة وقبل ما تفتحها صل على سيدك النبى بالصلاة الخاصة اللى علمتهالك

(هنا قاطعت جدى)
طب ايه المطلوب يا جدى لما اقابل الأولياء دول
برهام :كل شئ باوان واتركنى الان وأخرج
يا طاهر إوعى يحين الاجل وانت فى الدنيا على عجل

(تركت جدى وخرجت وانا لا أعرف ما سيحدث معى فأنا لست من اهل الولايه ولا اعرف عن أحوالهم الا القليل وباقى ثلاث ايام على اكتمال القمر وتبدأ رحلتى إلى البحث عن أول ولى فى اول إقليم)

مات جدى
كانت جنازته مهيبة أتى لها الناس من كل مكان اعداد من البشر لا حصر لها ولا عدد، وبعد الدفن وقف ابى متجها إلى القبله واخذ يدعوا بما فتح الله عليه من الادعيه المحفوظة او التى انزلها الله على قلبه وقتها، تحركنا جميعا وذهبنا إلى المنزل وطلب منى ابى ان يجلس معى بغرفة جدى وحدنا

اقعد جنبى يا طاهر
حاضر يا ابوى
انا مسالتكش يا طاهر عن اللى دار بينك وبين جدك ومش حسالك بس عندى كلام لك كان جدك قاله لى من يوم ولادتك

يا طاهر انت بإذن الرحمن حيبقى لك شان ومن المختارين
بس يا بوى انا لحد دلوقتي حاسس انى مثل غيرى بل اقل من غيرى فى العلم فى اعلم منى بكتير يابوى

لا يا طاهر مين قال انت والحمد لله حفظت القرآن وعمرك ست سنين
ومواظب على عباداتك واورادك انا حتى برجعلك ساعات لم بيكون جدك غايب وردك بيبقى زى رد جدك فى أمور الدنيا والدين

بس يا ولدى الولايه لا تورث دى هبة يعطيها الله من يشاء
ومش بقول لك انك ولى ربنا أعلم بحالك واحوالك.
مع انى اتمنى انت تمنح الولايه من الله

آخر القول انا مش خايف عليك نفذ اللى جدك طلبه منك حتى ما ترجعلى وانا عارف انك حتقدر مهما كانت طالبات جدك صعبه انت لها يا ولدى لو محتاج مال اطلب منى ما تريد فهو فالاخر لك لو عايزنى معك فى امر انا لها بإذن الله.

حاضر يابوى حنفذ بعد اذنك حروح غرفتى محتاج اريح جسمى شوي قبل صلاة المغرب
اتفضل يا طاهر وانا كمان حنام شوي
ذهبت إلى غرفتى وغيرت ملابسى وارحت جسمى على السرير وقبل ان اذهب فى النوم أتانى صوت من خلفى كأنه يجلس على السرير بجانبى

ايه يا مولانا صدقت كلام جدك
ألتفت مسرعا ناحية الصوت وانا استعيذ بالله من الشيطان
مين
- متخافش يا مولانا انا حد خايف عليك تمشى فى الوهم ومتوصلش لحاجه فى الاخر،
تقدر تقولى يا ظافر أخوك ظافر

ظافر سمعت اسمك قبل كده وعارفك وانت عارف انى عارفك

اه عارفنى بس اول مره نتقابل وتشوفنى جدك ياسيدى كان واخد عهد على عزازييل لا انا اقابلك ولا هو يظهر لك، بس على العموم انا جايلك اتعرف عليك مش يمكن نبقى صحاب وتحتاجنى ومتتسرعش فى الرد

جدك طلب منك تتدور على الأولياء سبعه باين ولا ثمانيه مش فاكر الصراحه بس بقولك متتعبش نفسك مش حتعرف توصل لحد علشان كلهم مش موجودين خلاص وحيعدى التلات ايام وحيظهرلك اول ممكلة بأول ولي

وحتروح تتدور على الولي مش حتلاقيه عايز تصدقنى صدق مش عايز الايام ما بينا يا مولانا انا مش حقولك انا اعرف ايه انا بس بعتبر نفسى صديق وبحاول انبهك

علشان لا تعيش فى الوهم ومتحاولش تستعيذ تانى وانا معاك انا بشر زي زيك يا طاهر مش شيطان ولا انا من عالم الجان تقدر تقول على كده وسيط او زى ما بيتقال وساطه خير

انا حختصر لك الكلام العالم اهه انت شايفه كل انتهى بعد حرب اكلت الأخضر واليابس بلاد خربت وبشر ماتت والحضارة العظيمة انهارت وبعد ما وصل البشر لأبعد مكان ومكانه كل اللى وصل له ضيعه بغباءه فى غمضة عين

واظن كده كفايه على البشر بعد ما أثبتوا انهم اهل فشل ودلوقتى وقت الجان يرجع تانى ليهم السلطة والسلطان خليك معايا يا طاهر تكسب انت مقبول الوجه معسول الكلام وتقدر تنهى حروب كتير من غير ما يحصل دم وخراب

انا حقولك اللى جدك لم يقولهولك الجان اعدوا العدة للحرب الاخيره وتقدر تقول انى وزير الحربيه ونائب رئيس جمهورية الجان ومحتاجك معايا ما انا زى ما قلتلك انسان ومش حيهون على اشوف انسان بيقتله جان.

(قالها وضحك كثيرا وهنا قاطعته)
انت قلت انك من البشر مش من الجان وبتطلب يرجع للجان السلطة والسلطان ازاى بس يا ابن نعمانه ونعمان ومتسغربش انى عارف اسم ابوك وامك اصلى استاذى اشطر من استاذك وحفظنى سلسالك وانا بقول لك يا ظافر ان سلسالك سر هلاكك

وبإذن الرحمن خليفه الله فى الأرض حيفضل الإنسان شرفت يا ابن نعمان وميعادنا فى نفس المكان المكتوب والزمان

ماشى ياصديقى جهز نفسك للحرب يا طاهر وتلات ايام وحتفتكر كلام اخوك ظافر
بدون سلام يا ابن برهام

خرج ظافر من غرفتى او بمعنى أدق اختفى من امامى

اسحر عينى ام ماذا حدث؟ هذا أمر من المفترض أن لا يحدث اذا كنت بالفعل من أهل العلم ، بداء غبار الشك يعفر عقلى، هل كلام ظافر صدق ام انه يكذب

حتى يكسب الحرب بدون مقاومة ، هل انا بالفعل من المختارين، هل ان عبد حق لله ام انا مجرد حامل لكلماته فى قلبى او حافظ لكلماته فقط فى عقلى
لكن انا من أهل الطريق او بمعنى أدق حتى الآن أنا مريد فقط مريد، ظللت ادعو الله

( يارب انا عبدك انا فى حيرة من امرى ثبتنى على ما تحب أن ترانى عليه و كل امرك خير وانا راض به، انا لا اعلم وانت أعلى واعلم)

حتى سمعت الأذن لصلاة المغرب
هاهى يا جدى اول ليلة قمرية تبدأ
وانا على العهد
انا على العهد
انا على العهد

تحركت إلى المسجد لاصلى المغرب وانا عقلى لا يتوقف عن التفكير بالفعل استطاع ظافر ان يدخل الشك إلى قلبى
الشك فى قدرتى
والشك فى كلام جدى
والأصعب فيهم عندى ان شك بأمر شيخى قاله لى هذة ليست من آداب المريد الحق

فكلام الشيخ سيف على الرقبه ينفذ فهو على علم وهو مرشد الطريق، سامحنى يا جدى سامحنى ياشيخي الجليل

بعد انقضاء صلاة المغرب أتى اهل البلد يسألون فى أمور الدنيا او الدين وكانوا كثر هذه المره وأغلبهم جاء ليعزى فمنهم من لم يلحق وقت الدفن كلهم اهل وجيران

أتوا وسلموا الا واحد جلس امامى واخذ ينظر لى طويلا حتى اصبحت انا وهو فقط بالمسجد ابتسمت له فرد بهز راسه واقترب منى، وجلس امامى وقال

هات ايدك يا طاهر
( بتردد سلمت عليه) انت تعرفنى معلش يا شيخ الشكل مش غريب بس يمكن الاسم مش حاضر

لا يا ولدى انت متعرفنيش بس انا اعرفك انا صديق لجدك برهام من زمن طويل جيت لما عرفت انه مات علشان اعزيك واديلك امانه جدك سايبها لك عندى من يوم ميلادك

امانه امانه ايه؟
الأول احب اعرفك بنفسى انا قاسم الشيخ قاسم انا وجدك اخدنا الطريق من شيخنا الحسن فى نفس اليوم وكنا نتسابق فى إتمام الاوراد الخاصة وحضور دروس العلم ولكن جدك كان غير الكل كان عالم عبد حق من عباد الله

مش حطول عليك وصلت لفين يا طاهر فى اورادك الخاصة
وصلت لحد (حق) يا شيخ
والان معك آخر ورد فى السبع اوراد
قل يا طاهر (قهار)

لك الطريق وحدك الان يا طاهر حتكمل الان لوحدك اجعل الله فى قلبك يا طاهر يجعلك عبد حق تذكر كل اورادك يا طاهر
(لا الله الا الله - الله - هو - حى - قيوم - حق - قهار)
حفظك الله ياولدى انا الان أديت الامانه وحسيبك علشان مشوارى طويل
سلام يا طاهر

سلام يا شيخ قاسم
تركنى الشيخ قاسم وقد ازدت حيره فوق حيرتى هل فعلا أتممت الاوراد الخاصة، هل انا اهل للمضى فى الطريق وحدى بدون شيخ، انها اول ليلة بدون جدى وأول ليلة فى الثلاث ليالى
ولكنى لم أكن أعلم انها اول ليلة فى الطريق
الطريق إلى الله

انتظرت وحدى بالمسجد اراجع اورادى كما علمنى جدى اذكر الله واستغفر كثيرا عله يرشدنى ويصحح اعوجاج نفسى ظللت على هذه الحال حتى موعد الصلاه صلاه العشاء بدا اهل البلده التوافد على المسجد(وكان ابى من ضمنهم) وبعد أن انتهينا من أداء الفريضة توجهت انا وأبى إلى المنزل ودار حديث بيننا

انت عارف يا طاهر لما قامت الحرب زى ما قالوا عليها الحرب العالمية التالته خفت وكانت اول مره اخاف بس خوفى كان عليك انت

وجدك موجود عمرى ما حسيت بالخوف فى وجوده ابدا
خفت لما عرفنا ان الاتصالات انقطعت الروس لما حسوا بخسارتهم قربت فى الحرب

وقتها قرروا يضربوا كل الأقمار الصناعيه حتى اقمارهم هما دمروها وقتها كانت حرب كبيره العرب كمان كانوا موجودين وايران وبلد الصهاينه وأوروبا والصين الكل بيحارب والكل بيدمر فى الكل

كل شئ انتهى وقتها مر على الكلام 25 سنه وقتها كان عمرك 5 سنين ومع كل ده جدك مكنش خايف وكان بيطمنى عارف ليه جدك مكنش خايف يا طاهر؟
علشان عنده اليقين

اه يا ولدى اليقين انت اعلم منى يا طاهر بس انا برضوا ابوك وليك على النصيحة انت ينقصك اليقين يا طاهر
انت عارف يا طاهر انا لم اخذ من جدك اى ورد خاص تخيل انت أنهيت معاه كل اورادك عدا واحد اللى الشيخ قاسم اعطه لك فى صلاه المغرب

متستغربش الشيخ قاسم مر على وطمنى عليك وبلغنى انه اعطاك الامانه وانت لها يا ولدى
انت لها
خلاصه القول يا طاهر انت الان شيخ نفسك

ولايصح لشيخ ان يكون بدون يقين
دى نصيحه اب لابن لا اكتر ولا أقل وياريت تاخد بيها يا طاهر انت قدامك مشاور كبير وبدل الحمل حملين
الطريق والخلاص

يلا اطلع غرفتك دلوقتى واشوفك الصبح فى الأرض بإذن الله
حاضر يابوى سلام عليكم
وعليكم السلام يا ولدى

(صعدت إلى غرفتى وبدأت اقراء اورادى السبعه وانا بداخلى فرح ممزوج بخوف ولكن انتهى من قلبى الشك او كاد ان ينتهى فكلام ابى كان كالمصباح الذى انار لى الطريق مع انه ليس من اهل الطريق ولكنه من اهل الفطرة واتذكر فى مره قال عنه جدى انه من اهل الرؤيه وليس من اهل التنفيذ

وجاسر عمى من اهل العمل
العمل بإتقان فقط هو كل ما يعرفه
وقال لى يومها يا طاهر انت من اهل الرؤيه والتنفيذ ولكن كل شئ بوقته ستعرفه وتفعله

بعد الانتهاء من الاوراد قرأت سورة يس وتوجهت إلى فراشى لانام فاليوم كان يوم مرهق واحتاج للنوم بشده
اغمضت عينى ودخلت فى نوم عميق،

وإذ بى أرى نفسى فى ارض فضاء خاوية وضوء شديد بدون شمس او قمر لا أعرف نهارا كان ام ليلا
ضوء لا يلقى لى ظلا على الأرض نظرت حولى لأعرف أين انا
لايوجد غير الخلاء الخلاء فقط

الضوء كان يمر من خلالى وجسمى كان شفاف
رفعت يدى أمام عينى، ما هذا انا أرى من خلالها

ظرت إلى صدرى رأيت قلبى ينبض
لماذا قلبى ليس مثل باقى جسمى، وله ظل على الأرض

،فجأة تغيرت الأرض غير الأرض ووجدت نفسى على جزيره كلها ظلام و هناك كهف فى جبل عالى به نور لا ليس بنور

انها نار نار شديده تخرج من الكهف، تحركت صاعدا إلى الكهف وعندما اقتربت منه ظهر امامى مارد عملاق شعره اشعث باللون الدم وذقنه تلامس الأرض من طولها عينها جاحظتان بدون رموش ولا حتى جفون ضلماء بالكامل بدون اى بياض وانفه فطساء

لون بشرته يقارب للون الأزرق االمقترب من السواد، يحمل سيفا من نار
أشار لى بالدخول

دخلت إلى الكهف رأيت عرش عظيم تلتف حوله اقزام يغطيها الشعر لا ترى قبلها من دبرها تتكلم همسا كالصفير فى اذنى يحمل العرش اربعه عملاقه أكبر من الذى رايته يحرس الكهف
ولكنهم بدون شعر جلودهم حمراء واعينهم بيضاء ولهم قرون فى جباههم تشبه قرون البقر، الأرض تملؤها الافاعى والحيات

يمينى ويسارى نار عظيمة تصعد من الأرض
تغطى على جدران الكهف السوداء ويسيل عليها ماده بلون الدم ياكل منها الاقزام المشعرة

سقف الكهف كان مكشوف للسماء ولكن ليست مثل سمائنا هى سماء بلا نجوم لونها أحمر وسحابها اسود بلون الليل تطير فيها كائنات باجنحه من مثل اجنحه الخفافيش احجامهم ليست بكبيرة ارجلهم رفييعه تكاد عظامهم تظهر منها صدروهم كبيره كاثداء الاناث بدون أعين بل قرون صغيرة وانوف مدببه
واذانهم طويله

تحركت فتحركت الافاعى وابتعدت عن طريقى ولكنها تصدر أصوات فحيح كأنها تقول لى احذر ان تطائنا قدمك
وإذ بى اسمع صوتا
اهلا يا طاهر عجبك مقر الحكم

لا اهلا بك يا ظافر
مقر قبيح مثل ساكنه
ضحك ظافر واقترب منى حتى لامست أنفه انفى كأنه يتحدانى
واشار بيده فاختفت النار والافاعى والعرش( استعرض بسحره للمرة الثانيه اللعين) ورايتنى انا وهو نقف على الماء
عارف يا طاهر خساره انك مش معايا

( واشار بيده فيظهر عرش عظيم من الماء يحمله اربعه من الجن المائى)

لو جيت معايا يا طاهر ده حيبقى العرش بتاعك طبعا انت مش بتاع نار وافاعى والكلام ده انت راجل طيب
فجأه اختفى ظافر والبحر وكل شئ

ورجعت إلى أرض الضوء ولكن هذه المره رأيت القمر فى السماء ينيرها ، ما هذا انها ليست نفس الأرض انا اطفوا فى الهواء
لا انا امشى على الهواء
ومن هذا الذى يقف هناك لا استطيع ان أراه فضوء القمر شديد
انه يقترب منى
يا الله انه اكبر من القمر وإذ به يكلمنى بصوت عظيم
يا طاهر اليقين يا طاهر

استيقظت من نومى وانا اتصبب عرقا نظرت حولى لازال الليل يغطى الأرض ولكن اذان الفجر الأول يصدح
الله اكبر الله اكبر

تحركت من فراشى بصعوبه لا أعرف لماذا أشعر بتعب شديد كأنى تسلقت جبل لم يكن يدور براسى غير المشهد الاخير من الحلم الشخص الذى ظهر لى وكان كبير فى الحجم حتى أنه غطى على ضوء القمر

من هو ياترى؟ ولماذا كرر كلام ابى عن اليقين
مع انى اعلم جيدا ان اليقين هو مفتاح باب الولاية ولكنه صعب اكتسابه او تعلمه بل هو يلقى فى القلب لا العقل

اللهم القى اليقين فى قلبى
قمت فتوضات وامسكت بالمصحف وعندما فتحته وجدت امامى سورة الجن
( قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآنًا عَجَبًا (1) يَهْدِي إِلَى الرُّشْدِ فَآمَنَّا بِهِ ۖ وَلَن نُّشْرِكَ بِرَبِّنَا أَحَدًا (2))

عندما قرأت اول السورة أتى إلى ذهنى اذا قامت الحرب بين الإنس والجن مع من سيقف الجن المسلم مع بنى قومه ولا مع الإنس

سيحارب مع أهل الحق خلفاء الله فى الأرض ام مع أهل الباطل
لن افكر كثيرا فى هذا الأمر وقتها يأمر الله بما يشاء
اكملت السورة حتى نهايتها واغلقت المصحف وتوجهت إلى المسجد لاصلى صلاة الفجر

بداخل كهف ظافر يظهر العرش ولكن هذة المره لم يكن ظافر يجلس عليه بل كان عزازيل وكانت تظهر عليه علامات الغضب وجهه كان شديد الأحمرار وتشعر انه ينفث دخان ويوجه كلامه إلى ظافر الذى كان يسجد تحت العرش

انت اتجننت يا ظافر رايح لطاهر علشان ينضم معانا فى الحرب
ده هو المفروض قائد الجيوش اللى حتحارب ضدنا
تسمحلى ارد يا سيدى
انا رايح وعارف انه مستحيل ينضم لينا
طب طالما انت عارف رحت ليه

رحت علشان اعرف هو وصل لحد فين انت عارف انه ممنوع عليك وعلى اى حد من الجن انه يقرب من المخطوطة اللى معاه واى حد يقرب منها حيتحرق لو فتحها ومحدش حيعرف مين الولي او اسمه او مكانه وانت عارف برضوا ان التسنط على طاهر صعب

وشبه مستحيل منكم فأنا حاولت اعرف منه بالمحسوس كده هو وصل لحد فين

طب وارسلت جنى يتشبه بك ويدخله الحلم ليه؟

يعنى زيارة لإثبات الوجود مش اكتر هو اكيد كان حيشوف رؤيه كنت عايز ادخل وسطها علشان يحس اننا مسيطرين برضوا فى العلم والحلم

ظافر متتصرفش من غير ما ترجعلى انت هنا تنفذ بس مش تاخد الكلام من دماغك انت

حاضر يا سيدى (كان عنده حق يقول عليك كيدك ضعف)
قالها ظافر فى عقله حتى لا يستطيع عزازيل ان يسمعها

ظافر انا حذرتك ومش ححذرك تانى ومش حصبر عليك كتير
فى تجهيز كبير للحرب وأغلب الجن خايف يدخل حرب تانى ليخسرها ويموت زى ما حصل فى الحرب الأولى دورك انت عارفه كويس لاتزود ولا تنقص عليه سامع
حاضر يا سيدى سامع

تعالى معايا علشان حجتمع بحد وعايزك تبقى موجود.

بداخل المسجد يتوجه طاهر ليصلى باهل بلدته صلاة الفجر
كم هو عذب الصوت هذا الشاب يخطف القلوب وتشد له الأبصار وتنسط له الاذان
ولكنه لازال صغيرا لم يوضع تحت الاختبار واتمنى من الله ان يكون كما كان يامل جده عبد حق من عباد الله

معذرة لم اعرفكم على نفسى انا برقان ملك مسلم من ملوك الجان ساحكى من هنا حكايتى مع طاهر بن الاكرم حفيد أقرب اصدقائى من بنى الإنسان

وتبدأ الحكاية عند خروج عزازيل من عند الشيخ برهام وهو شديد الفرح انه سياخذ حفيده من ابنه الأول جاسر
(الادهم جاسر برهام)
بعد خروجه ظهرت للشيخ وبعد التحيات والسلام بكى امامى الشيخ برهام

يا شيخ كل ازمة وليها مخرج وانت فى امتحان من الرحمن وانا عارف انت لها يا برهام

يا صديقى ده أصعب امتحان لما حفيدى يتاخد منى كيف يكون المخرج الا بإذن من الأعلى والاعلم وصاحب الأمر والنهى
وده الحفيد الوحيد وحامل الاسم كيف يكون تابع لعدو الله انا عارف انى غلطت بس العقاب كان شديد يا برقان

انا ممكن اساعدك يا برهام عندى لك حل تحافظ به على ذريتك والمولى ان شاء الله يتجاوز عن غلطتك
ايه؟ قول.
انت لازم تتجوز على طول وفى القريب بدون تأخير وبإذن الرحمن ربنا حيبقى معاك يا برهام وحيرفع عن البلاء وانا فى رايئ انه ابتلاء

بس انت ادعى لصاحب القدر للعله يغير ما قدر

وانا معاك فى الرأى يا برقان حتجوز بإذن الله وحواصل الدعاء
لعله يتقبل وبإذنه وحوله يتقبل

روح للشيخ الحسن يا برهام فالحل عنده بإذن الله

شيخى الحسن انا لى عام مازرته اعتقد ان وقت الزيارة حان
جزاك الله عنى خير يا برقان فأنت نعم الصديق الذى يظهر دائما فى وقت الضيق

على بركة الله اتركك الان فأنت تعلم أن أحوال القبيلة ليست على مايرام السلام عليكم يا برهام
وعليكم السلام ورحمة الله وبركاته يا برقان

خرجت وتركت برهام وهو ينادى على ولده فياتى اليه جاسر
يا جاسر بيع كل شئ هنا وجهز نفسك للرجوع للبلد معاك 3 ايام وانا حتجوز هناك يا ولدى وبلغ اخواتك البنات بالأمر
حاضر يابوى 3 ايام ويكون الأمر تم بإذن الله

وانا فى طريقى إلى قبيلتى حتى اتشاور معهم فى امر حرب الجان مع الإنسان فأنا ارى ان نكون فى صف الإنسان وغيرى يرى ان نكون على الحياد وقله انا اعرف ان فى نفوسهم غرض ترى أن ناخذ صف الجان فهم فى نهاية الأمر من جلدتنا ولكن اعترضنى مردة من الجان

قف يا برقان
أسمى الملك برقان يا خدام
عزازيل يأمرك ان تأتى اليه الان يا ملك برقان
(قلها وأشعر من طريقته بسخريه)

روح وقول له برقان مش خدامك علشان يحضر وقت ما تريد
(وقبل ان اكمل ظهر امامى عزازيل)

ايه يا برقان خلاص أصبحت ملك ومش عايز تقابل عزازيل
انت نسيت انى أقوى جان لحد الان ولبعد الان وحتى نهاية الزمان بلاش تتحدانى يا برقان انا عايزك تأتى إلى انت وكبار قبيلتك ومش حقولك الان خلينى انا الطيب الغلبان وحقولك وقت الزيارة مفتوح يا برقان

حرجع لكبار القبيلة فى الأمر والله المستعان

انا عارف ان نص قوتك بتستمدها منه هو
انا حمشى الان و مستنيك برقان

(طار عزازيل واختفى ومعه المرده وتحركت على عجل متجها إلى القبيله فأنا اعرف عزازيل عنيد وهو بالفعل قوى ولكن الله اقوى وهو معنا بإذنه وحوله وقوته)

بأقصى سرعة وصلت لقبيلتى ووجدت الجميع فى انتظارى
جلست على الكرسى الذى طلبت ان لا يحمله اى خدم للعرش فنحن جميعا أخوة هنا ولا فضل لا أحد على احد بعد ان ألقيت التحية والسلام بدأت الكلام

انا بإذن الرحمن جمعتكم اليوم علشان امر هام كلنا عارفين ان عزازيل بيجمع القبائل لحرب عايز يشنها على البشر وعارفين من اللى واخد دور الدافع عن البشر وجمعهم صديقنا برهام بس هو فى مشكلة كبيرة الان بسبب ولاده حفيد له اسمه الادهم

مكتوب عليه يبقى من مساعدى عزازيل وده امتحان بإذن الله لبرهام وان شاء الله يخرج منه على خير
انا اخذت العهد انى ما اساعد على اذيه انسان اى انسان وبفكر انضم ليهم فى حربهم ضد عزازيل

نظر الجميع إلى بعضهم البعض وكانت الهمهمات هى الصوت المسموع فى المكان
ايه رايكم
اذن لى بالحديث يا ملكنا برقان (تحدث بيسان)
اتفضل يا بيسان

انت عارف انى عمرى ما كسرتلك طلب ولا أمر وبعتبر نفسى صديقك المقرب بعد اذنك
وانت كده يا بيسان علشان كده عملتك مستشارى
الحرب ضد عزازيل حتكون صعبه علينا احنا والخساير حتبقى كتيره انا شايف نقف على الحياد وندعى ربنا ان ينتصر فيها الإنسان لانه هو صاحب الأرض وخليفة الرحمن

حد له رائ تانى من الموجودين
انا يا مولاى
بلاش مولاى اتفضل يا ريفان
انا شايف ان احنا ننضم لعزازيل
متنساش انه من بنى جلدتنا واحق بنصرتنا ويبقى لينا فى الأرض سلطة وسلطان
حد من الحضور موافق على كلام ريفان

وكما توقعت رفع اغلب الحضور ايدهم بالموافقه معادا بيسان واخى الأصغر شيمان
ورأيك ايه يا شمان
انا معاك فى الحرب مع الإنسان وضد الشيطان
علت الهمهمات فى المجلس

ارجوكم اسعمونى اجلس الأول يا شمان
انا مع الإنسان ومعى اخى شيمان وبعلن أمامكم انى متنازل عن الملك لصديقى بيسان وخليكم افضل معه على الحياد وانا ححارب مع البشر بشخصى انا واخى شمان
تفضل مكانى يا ملكنا بيسان
ومن غير كلام ولا همهمات ( قُضِيَ الْأَمْرُ الَّذِي فِيهِ تَسْتَفْتِيَانِ)

دعونى اكمل معكم انا ظافر ابن نعمان من داخل مقر حكم عزازيل للشياطين والجان
ذهبت مع عزازيل وانا لا أعلم من سنقابل وعندما وصلنا إلى المكان
وجدت ما لم يكن فى الحسبان

بترحاب شديد قابل عزازيل واحد من الخلق الأوائل والذين لم أكن اعرف انهم موجودين حتى الآن ملك ملوك (النِس)
وهم خلق شداد اقوياء يشبهون القرده إلى حد كبير ولكنهم يتمتعون بشراسه وسرعه فى الفتك وكانوا قبل الجن فى الأرض

احب اعرفك الأول على ظافر تقدر المساعد بتاعى والمتحدث بتاعنا مع على الإنس
اهلا يا ظافر انا نستر حاكم النس
اهلا نستر شرفتنا بوجودك معانا بس انا مستغرب انتم موجودين فين كل ده دى الالف آلاف السنين والجن حكم والإنس حكم وانا قلت انكم خلاص معدش ليكم وجود

احنا بعد صراعات طويله ما بينا وقبل ما تتحول الأرض إلى سبع اراضى قررنا نختفى فى مكان أو اللى فضل مننا كله شجر غابة زى ما بيقول البشر واخدنا من باطن الأرض سكن لينا نطلع ناكل وننزل تانى وتقدر تقول ان اعددنا بالملايين بس كنا نفضل نبعد وقت قوه الجن وبعدها الإنس عن الانظار

ساعات كان واحد مننا بيتكشف بس كان الإنس بيعتقد اننا خرافه
بعد ما الإنس خرب الأرض اعتقد ان ده انسب وقت نظهر فيه تانى ونساعد عزازيل فى الحرب
يتبع

بعد ان انتهيت من صلاة الفجر توجهت إلى منزلى لاطمئن على ابى هذه المرة من المرات القليلة التى لا يصلى فيها ابى صلاة الفجر فى المسجد وعند دخولى المنزل وجدت غرفة جدى والنور مضاء فيها انه ابى بالتأكيد طرقت الباب ولم اسمع مجيب

فتحت باب الغرفة ودخلت لاجد ابى مستلقى على الأرض شعرت بخوف شديد عليه لأنه كان يتصبب عرقا ويهمم بهمهمات غريبه وعينه نصف مفتوحه

ابوى ابوى مالك فيك ايه اصحى يابوى
(بفزعه يرجع إلى الوعى وهو يردد الشهادتين اكثر من مره)
خير يابوى خوفتنى عليك
هات ميه يا طاهر
(مسرعا ذهبت لاحضر الماء)
اتفضل يابوى
تسلم يدك ياولدى

بعد ان انتهى ابى من شرب الماء سألته
ايه يا بوى اللى جرى

ولا حاجه نزلت قبل صلاه الفجر قلت اقعد فى غرفة جدك اصلى ركعتين واقرا قرآن بعد ما انتهيت من صلاة الركعتين محسيتش بالدنيا ورايت نفسى فى بحر بعوم فيه بس لون البحر كان بلون اللبن

لكن غويط من غير قرار عرفت لانى حاولت أقف معرفتش لمحت من بعيد جزيرة فضلت اعوم لحد ما وصلت لها كانت جميلة كلها خضرة وشجر فاكهة من كل نوع بس كل اللى على الشجر لسه نئ لسه أخضر

المهم فضلت ماشى على الجزيرة لمحت حد شبهك من ضهرك فضلت اجرى وراك وانده يا طاهر يا طاهر لحد ما لقيتك دخلت بيت صغير شبه الكوخ كده اللى فى الغيط معمول من الخشب
دخلت وراك بس اول ما دخلت البيت ده كنت انت مش موجود بس لقيت جدك الله يغفر له

قدامى ويبتسم جريت عليه وحضنته طبطب على وقالى اوعى تخاف على طاهر وقوله فاضل يوم واحد ويفتح المخطوطة وخليك معاه يا الاكرم هو حيحتاجك جنبه وقوم امشى وارجع البحر وكمل لحد البر التانى

قولتله خلينى معاك يابوى شويه رفض وقالى طاهر جاى وانت لازم تلحق تروح البر التانى دلوقتى نزلت البحر وفضلت اعوم وحسيت انى نفسى بيروح منى من كتر العوم لحد ما انت صحتنى

دى رؤية غريبه يابوى الله يرحمك ياجدى برهام طب مذكرش ايه موجود بالبر التانى

-لا مذكرش يا طاهر حقوم اتوضى واصلى الفجر واطلع انت غرفتك وتركنى علشان محتاج اختلى بنفسى مع الله

حاضر يابوى انا طالع محتاج منى حاجه
لا ياولدى مش محتاج
سلام عليكم ورحمة الله
وعليكم السلام ورحمة الله وبركاته

صعدت إلى غرفتى وانا كلى حيرة من رؤية ابى رؤية اولها خير وبعد كده خير منتقص الفاكهة الغير ناضجه وبعد كده خير مقابله جدى وبعد كده مهمة لم يصل إليها تفسيرها يحمل معانى كثيره ولا أعتقد انها ستكون سهلة على او على ابى

على العموم الله ييسر الأمر العسير من عنده ورساله جدى لى واضحه اننى لم اجهز بعد وبقى لي يوم لافتح المخطوطة لأعرف اسم الله الاعظم
ومكان اول ولي واسمه

انا لا اعلم ماذا أفعل خلال هذا اليوم تتضارب الأفكار فى راسى هل انا على قدر المسئولية الموكله إلى وهل هو مجرد اختبار ومن الوارد ان لا أنجح به

وبينما تعتصر الأفكار عقلى وجدت الشمس بدأت فى رمى خيوط من الضوء على الأرض قد قرب موعد صلاة الضحى دخلت وتوضات وصليت ركعتى الضحى وبينما انا جالس على الأرض شعرت بأحد يضع يده على كتفى نظرت خلفى وجدت جدى ابو امى الشيخ سراج
يتبع

(لم أكن أصدق عينى فجدى سراج انتقل الى ربه من 10 سنوات، زدات ضربات قلبى وانا ادقق فى وجهة وهو ينظر إلى بابتسامته المعهوده عنه التى لا لم تكن تفراقه ابدا طيلة حياته)
كيف أحوالك يا طاهر
بصوت متحشرج رددت عليه (الحمد لله يا جدى)

متستغربش يا ولدى انا موجود معاك وجايلك علشان اقولك امر هام
بعد شروق شمس اليوم الجديد ميعادك مع مخطوطة العهد
انا بطمنك يا طاهر انت من سلسال طاهر شيخ ابن شيخ ابن شيخ

لا تخف ولا تحزن وليحل اليقين فى قلبك محل الشك
لما تفتح المخطوطة وبعد ما تشوف اللى فيها عايزك تنزل على الأرض بتاعة امك غفر الله تروح للكوخ القديم حتلاقى حصيرة مفروشه على الأرض ترفعها وتحفر تحتها واللى يطلعك تاخده وقبل ما تفتحه اذكر عليه اسم الله وصلى على سيدك النبى

وايه اللى حفتحه يا جدى
حتعرف لما تعثر عليه يا ولدى اسيبك الان حفظك الله من كل شر
فجأة اختفى جدى من امامى نهضت مسرعا ابحث عنه فى كل مكان فى الغرفة وانا انادية ياجدى ياجدى ياجدى
ولا مجيب

ولكن ماحدث انى استيقظت على صوتى وانا انادى عليه
كانت هذه رؤيه
فأنا لازال على سجادة الصلاة يبدو انى قد غلبنى النعاس بعد ان انتهيت من الصلاة
قمت من الأرض وذهبت لاحضر المخطوطة من الصندوق الخشبى الذى كان ملك جدى فابى وعمى اعطونى اياه وقالوا انى أحق واحد بالاحتفاظ به فتحت الصندوق

وكانت الصدمة
اين المخطوطة؟ أين اختفت؟

شعرت ان جبل من الجليد قد سقط فوق رأسي لم أشعر الا بالبروده الشديده فى جسدى يصاحبها ألم شديد كأنى بالفعل انهار فوقى جبل واخدت الأفكار تعتصر راسي وأول الأفكار انى لست اهل لما أسند إلى انا لست هذا الشيخ الذى كنت تريد يا جدى برهام انا اقل بكثير مما كنت تتوقع

او مما كنت تريد فلم استطع ان احافظ على الأمانة التى أسندت إلى، ترى أين ذهبت؟ انا لم افتح الصندوق من يومين من ساعة ما وضعت به المخطوطة

تحركت مسرعا إلى الاسفل متوجها إلى غرفة ابى طرقت عليه الباب وأذن لى بالدخول وأول ما رأنى
خير يا طاهر مال وشك اصفر ليه ياولدى ومخطوف
المخطوطة يابوى المخطوطة (ولم أشعر بنفسى وانا انهار بالبكاء)

مالها المخطوطة يا طاهر رد على
مش لاقيها يابوى فى الصندوق مش لاقيها
مش لاقيها ازاى مين اخدها قوم معى
تحرك ابى مسرعا صاعدا السلم كأنه شاب فى العشرينات ودخل غرفتى وانا خلفه مباشرة

فين مكان الصندوق يا طاهر؟
اهه على السرير يابوى
يفتح ابى الصندوق وينظر إلى باستغراب المخطوطة فى الصندوق يا طاهر انت متأكد انك فتحت الصندوق؟

شعرت ان رأسي يدور ودب الخوف فى قلبى ولم أشعر بنفسى وانا أهوى بجسدى على الأرض وصورة مشوشة لابى مفزوعا يحاول ان يجعلنى ارجع الى الوعى
بعد وقت لا أعرف قصر ام طول استرجعت وعي ووجدت ابى وعمى حولي

الحمد لله على سلامتك يا طاهر (قالها عمى جاسر)
انت بخير اهه يا مولانا فزعتنا عليك بس
الحمد لله يا عم حسيت بدوخه بسيطة بس
دوخة بسيطة ايه يا ولدى انت نايم من امبارح والفجر قريب ياذن وابوك كان حيموت عليك

فجر فجر ايه اللى قرب يأذن
الفجر يا طاهر انت ليك يوم كام مش فى وعيك وطبيب القرية لما زارك قال انك نايم مش اكتر بس نوم عميق واعطاك دواء حتى وانت ماستجبتش له
طبيب القرية مين يابوى
محمود يا ولدى صاحبك

محمود مسافر من اسبوع يابوى
مسافر ازاى ياطاهر
ايوه مسافر انا كنت معاه قبل ما جدى يموت بكام يوم علشان رايح الحجاز وكان عايز يشوفنى قبل ما يسافر
أمال مين اللى جه واعطاك الدواء ده

انا عرفت مين يا بوى ده ظافر
هو اللى سحر عينى علشان ما شوف المخطوطة وهو اللى تشبه بمحمود واعطانى منوم عايز يضيع على اي فرصه انى افتح المخطوطة والحمد لله انى صحيت قبل الفجر
حقوم اتوضى واصلى الفروض اللى على بعد اذنكم

دخلت وتؤضات وانهيت ما على من فروض وكان موعد اذان الفجر قد وجب تحركت مع ابى وعمى للمسجد وصعد فوق سطح المسجد عمى لياذن، اه يا ظافر كم أتمنى أن أراك الان لانهى كل شئ قبل بدايتة فقد حق علي القتال واني لها بإذن الله وبامره

انتهينا من صلاة الفجر وتوجهنا إلى المنزل
وعند وصولنا طلب منى ابي ان اصعد إلى غرفتى وحدى ولكن قلل ان اصعد اقترب من عمى جاسر ووضع يده على راسي وقرا شيئا لم استطيع سماعه ونظر إلى فى عينى ومسك كتفى وقال لي بمنتهى الثبات

يا طاهر انا يمكن مش شيخ ولا ولي بس انا مؤمن بالله وايمانى بالله مطلق بلا حدود
يا طاهر انت حامل الرايه وانا وابوك وراك
يا طاهر إوعى الخوف يدخل قلبك فياخد مكان اليقين
يا طاهر اسمعها من إنسان عادى على الفطرة وقت ما تفتح الصندوق انسي انك طاهر وافتكر انك عبد الله ولله عندك طلب

وما عليك إلا التلبية
احتضننى عمى بعدها وكانت اول مرة عمى يتحدث معى فى غير أمور الزراعه فهو لايعرف غيرها فهو من يزرع ويفلح حتى ناكل ونعيش كلنا كان عمى هذه المره جاسر ابن الشيخ برهام حقا
لا جاسر برهام صاحب الأرض الفلاح البسيط

حاضر يا عمي ادعيلى ان ربنا يوفقنى
انا مستنى منك الأمر امتى نتحرك معاك فجدك طلب منى قبل موته بأسبوع ان لا اتركك فى رحلة حتروح فيها تتدور على ناس بس معرفتش مين وقتها

مستنيك يا طاهر
مستنيك انا وابوك فى الكوخ اللى فى ارض امك زى ما طلب جدك سراج ومتسالش دلوقتى يا طاهر متسالش اطلع يا ولدى الضحي قرب وميعادك حان مع المخطوطة
يتبع

@zozohosny606 هاتيها من الاول بقى 😂

@sa3ed____ هاتها من الاول بقى وانت وحظك لو عرفت توصل لاولها 😂😂

وصلت الى منزلنا وصعدت الى غرفتي اخذت الصندوق الخشبي ووضعته امامي، كنت خائفا من الحمل خائفا ان اخذل جدي وابي وعمي، خائفا من القادم في حياتي

هل عندما افتح المخطوطة اكون قد وصلت الي اول طريق الولاية

هل سينكشف لي اسم الله الاعظم ام انني لازلت لم اصل الي هذه المرتبة ،ومن سيكون أول ولي وهل سيرضى ان يكون شاب مثلي انا يقوده تحت ولايته ومن اكون انا حتى اصبح قائدا لسبع اولياء

امسكت قفل الصندوق لأفتحه وفجأة يظهر ظافر امامي يمسك سيفا طويلا من نار وينقض علي تحركت مسرعا وانا امسك الصندوق تحت ابطي تفاديت اول ضربه رفع السيف مرة وهو يقول

حننهي دلوقتي يا طاهر انا مش حستني الحرب

نزل بالسيف علي رفعت الصندوق تصديت لضربة السيف واذ بالصندوق ينفتح ويخرج من ضوء شديد من قوته عمى عين ظافر وجعله يبتعد

رددت عليه
(وانا موافق ننهي دلوقتي يا كلب النار)

اغلقت الصندوق مره اخرى وان كنت اتشوق لمعرفه ما بداخله ولكن هناك امر اهم الأن مسرعا وضعت الصندوق خلف خزينة ملابسي

وامسكت عصى جدي احاول ان ادافع بها عن نفسي جرى ظافر ناحيتي رافعا السيف وانا امامه ممسكا بالعصى لأصد ضربته ولكن يظهر امامي فجأة اثنان من المخلوقات الشداد

لهم اجنحة سوداء كبيره واكتاف عريضة وارجل طويلة واضح انهم من الجان وقفوا امامي رافعين سيوفا تشبه سيف ظافر رفع اكبرهم حجما سيفا وهو يقول لظافر

(ارجع يا ابن الانجاس الان والا اعتبر ان ميعادك حان)

انزل ظافر سيفه ورد
(برقان و شمان اهلا اهلا جايين تحاربوا معاه ,ضدي وضد عزازيل وده يصح برضوا دي حتى الحرب حترفع من شأن الجان وانتم اولهم )

( احنا مع الحق يا صاحب الباطل ،احنا مع الحق ولا يمكن نختار غير الحق طريق ،الانسان خليفة الله في الارض ،وامر الله ماض يا ابن الانجاس، وخلي بالك انت وعزازيل في عهد ووعد مفيش مساس بطاهر لو لسه الحرب ما ابتدت لو كسرتم العهد اعتبر نفسك من الاموات الان )

قبل ان ينهي برقان كلامه ظهر امامنا عزاريل وبجانبه اثنان من عماليق الجان نظر إلي وإلي برقان وشمان نظره كلها غضب ولكن يشوبها خوف مبطن اراه في عينه ولم ينطق الا بجملة واحده

(خلاص يا برقان خلينا على العهد ،وانت اخرت حلفك ومستنيك في الحرب ،يا طاهر راجع نفسك وده اخر كلامي)

قالها واختفى وهو والمرده حتى ظافر اختفى ،توجه الي برقان وشمان كان جدي قد حكى لي عنهم ولكن هذه اول مره اراهم وقف تمامي برقان وهو يتكئ على سيفه وقال لي

( افتح المخطوطة يا طاهر ،انا حارسك من الان يا ابن برهان ،مستنيك عند الكوخ انا وشمان مع عمك وابوك ،وباذن الله النصر حليفك يا ابن الانسان )

اختفى برقان وشمان من امامي وتركوني وحدي بعد ان تأكد بداخلي انني احمل جبلا فوق كتفي ولكن دفاعهم عني ووقفهم بجانبي ووقوفي بثبات امام عزازيل وظافر وكلي يقين انني سأنتصر عليهم الان وليس الغد لم ادع عقلي يحدثني كثيرا

اخرجت الصندوق من خلف دولاب ملابسي
وفتحته ،خرج منه ضوء عظيما لم ار مثله من قبل ووجدت اسم اول ولي وكانت صدمة ممتلئة بالفرح اسم أول ولي

(جاسر بن برهان )

عمي لم استغرب من انه ولي فهو العطاء والخير يمشي على قدمين ،يتصدق كأنه يملك كل اموال الارض ،لا يترك فرضا ولا نافله ،هو مزراع وفلاح على الفطرة وقلبه يساع الارض كلها

ظللت افتش في المخطوطة ابحث عن اسم الله الاعظم ولكني لم اجده ،لم تكتمل فرحتي ولكني على يقين ان الله يجعل كل شيء في موعده ومن الممكن ان اكون غير جاهز الان لحمل الاسم في قلبي وعقلي

ذهبت مسرعا الي الكوخ لأجد برقان وشمان يقفان خارج الكوخ ويحملان سيفهما يحرسان ابي وعمي بالداخل

اول ما راني برقان قال لي
(عرفت أول ولي ؟)
اه عرفت عمي جاسر
(ونعم الذرية يا برهان ونعم الذرية يا برهان ونعم الذرية يا برهان)

(ونعم الذرية يا برهان ونعم الذرية يا برهان ونعم الذرية يا برهان)
قلها برقان ثلاث مرات وفتح لي باب الكوخ لأجد ابي وعمي بالداخل نظر لي عمي وقال
(انا تحت امرك يا ابن اخوي انا تابع لك زي ما جدك طلب مني)
اقتربت منهم واحتضنتهم وهنا قال ابي

(يلا يا طاهر احفر طلع الكنز اللي قال عليه جدك سراج)

بدأت في الحفر مثل ما طلب جدي ابو امي سراج مني لتجد صندوق كبير الحجم فتحته بصعوبة انا وابي وعمي

لأجد سيفا عظيما مقبضه من فضه مكتوب عليه الشهادتين من ناحية ومن الناحية الأخرى مكتوب اسمي
طاهر بن الاكرم بن برهان

وتحت السيف درع من الحديد الامع مكتوب عليه الاوراد الخاصة من الامام ومن الخلف مكتوب عليه

(كن على يقين فالله هنا دائما وابدا)
انتهى اول فصل #الولي_الأول
ولنا لقاء في باقي الفصول قريبا
#الحرب_الاخيرة

@Rattibha
رتبها مشكور

@malika__2020 تسلمي يا مليكة والله على ذوقك ووعد مني قبل السنه ما تخلص الي هي ٢٠٢١ اكون كملتها 😂😂😂😂

@raniass369 تسلمي من ذوقك

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد