1-هكتب فثريد عن (السنط التناسلي) اكثر مرض بيتنقل جنسيا منتشر فمصر بشكل مش قليل خالص..واسبابه والوقاية منه.وفالاخر هحط مراجع علمية للي حابب يقرا اكتر.الكلام ده مهم جدا عشان الشباب الغلابة اللي ممكن فلحظة ضعف يدخلوا بيوت دعارة وبسبب كده يندموا العمر كله.. يتبع
2- السنط التناسلي عبارة عن عدوي فيروسية بتتنقل من الاتصال الجنسي.اكتر فيروسات بتسببها
HPV 6,11,16,18
بعض الفيروسات دي مرتبط بشدة بالاورام، بالاخص سرطان عنق الرحم فالسيدات.السنط التناسلي بيظهر عبارة عن زوايد جلدية فالمنطقة التناسلية او العانة عند الجنسين.
HPV 6,11,16,18
بعض الفيروسات دي مرتبط بشدة بالاورام، بالاخص سرطان عنق الرحم فالسيدات.السنط التناسلي بيظهر عبارة عن زوايد جلدية فالمنطقة التناسلية او العانة عند الجنسين.
3-طيب بييجي منين؟.. بييجي من العلاقات الجنسية.. طيب هل بييجي من الحمامات والتواليتات العامة؟؟.. ده صعب جدا ونادر جدا لان الفيروس عشان يتنقل محتاج تلامس جلد انسان بجلد انسان اخر.. لكن صعب يتنقل من جلد انسان لسطح ما ثم لجلد انسان اخر.
4- السنط التناسلي فالاطفال فالغالب بيكون سببه اعتداء جنسي.... ولكن مع ذلك بعض المصادر العلمية قالت انه ممكن يجي فالاطفال لو ام عندها سنط فايديها وبتغيرلها الحفاظات.....بس اي سنط تناسلي فالاطفال لازم يستبعد وجود اعتداء جنسي علي الطفل.
5- ايه خطورة السنط التناسلي؟
اولا خطورته انه مرض معدي ومزمن... اغلب المراجع بتسميه
Friend of life
عشان بيخف ويرجع تاني....ثانيا هو مرتبط ببعض الاورام فالذكور والاناث..بس هو اخطر فالاناث لانه ممكن يسبب سرطان عنق الرحم.
اولا خطورته انه مرض معدي ومزمن... اغلب المراجع بتسميه
Friend of life
عشان بيخف ويرجع تاني....ثانيا هو مرتبط ببعض الاورام فالذكور والاناث..بس هو اخطر فالاناث لانه ممكن يسبب سرطان عنق الرحم.
6- السنط التناسلي بييجي من تعدد العلاقات الجنسية والعلاقة مع العاهرات... يعني فرايي مفيش بيت دعارة فمصر مفهوش سنط تناسلي... ولو مكنوش مصابين بيه فممكن يكون مش باين عليهم اعراض لكنهم بينقلوا العدوي..
7- هل الواقي الذكري يمنع عدوي السنط التناسلي؟
الاجابة : يقللها لكن لا يمنعها... لان الفيروس ممكن يتواجد علي منطقة العانة او باقي المناطق التناسليو الغير مغطاه بالواقي.... فبالتالي الواقي مش هيمنع الاصابة تماما لان فيه مناطق كتير غير مغطاة بتلامس الفيروس
الاجابة : يقللها لكن لا يمنعها... لان الفيروس ممكن يتواجد علي منطقة العانة او باقي المناطق التناسليو الغير مغطاه بالواقي.... فبالتالي الواقي مش هيمنع الاصابة تماما لان فيه مناطق كتير غير مغطاة بتلامس الفيروس
8 - طيب مبره مصر فيه علاقات جنسية كتير والدنيا ماشية؟؟؟ اشمعنا احنا؟؟
الحقيقة بره مصر بيطعموا الاطفال ضد السنط التناسلي من سن 10 سنين وده بيقلل جدا نشبة الاصابة.. لكن فمصر مفيش حد متطعم ضد السنط التناسلي تقريبا...فمفيش وجه مقارنة بين مصر وبره.
الحقيقة بره مصر بيطعموا الاطفال ضد السنط التناسلي من سن 10 سنين وده بيقلل جدا نشبة الاصابة.. لكن فمصر مفيش حد متطعم ضد السنط التناسلي تقريبا...فمفيش وجه مقارنة بين مصر وبره.
9- طيب هل فيه ناس بريئة ممكن تتصاب؟؟... طبعا فيه.. بيبقي شاب عك كتير قبل الجواز وبعدين اتجوز واحدة بنت حلال وعداها... طبعا البنت ملهاش اي ذنب لبست ففيروس مقرف ممكن يسببلها اورام.... ففيه كتير ابرياء بيلبسوا الليلة من اخطاء ازواجهم السابقة.
10- طيب اذاي احمي نفسي واحمي ابني من السنط التناسلي؟
اولا : تجنب اي علاقة مع شخص غريب بالاخص العاهرات... ثانيا : تطعيم السنط التناسلي وده موجود فمصر حاليا....يتبع
اولا : تجنب اي علاقة مع شخص غريب بالاخص العاهرات... ثانيا : تطعيم السنط التناسلي وده موجود فمصر حاليا....يتبع
11- تطعيم السنط التناسلي موجود فالمصل واللقاح فالدقي وبيناخد علي 3 جرعات فاثناء 6 شهور.. سعر الجرعة حوالي 750 جنيه علي ما اتذكر.. التطعيم فعال اكتر تحت سن 25 سنة.. ومفيش دراسات كافية لاستخدامه فالحوامل فلاينصح ان سيدة حامل تاخده اثناء الحمل اطلاقا.
12- ايه فترة الحضانة للسنط للتناسلي.. فترة الحضانة تتراوح من اسبوعين حتي 8 شهور من اول العدوي وحتي الاصابة بالمرض.... لكن ممكن لو مناعة الشخص كويسة ميبانش اي اعراض وتظهر الصورة الاكلينكية للسنط التناسلي بعد سنين من العلاقة الجنسية مع العاهرة.
13- طيب يا دكتور انا عندي سنطة فايدي، هل ممكن السنطة اللي فايدي تتنقل لسنط تناسلي لما امسك اعضائي التناسلية؟
لا.، ده نادر ومستبعد لان الانواع من الفيروس اللي بتسبب سنط الايد والقدم تختلف عن الانواع اللي بتسبب السنط التناسلي. يتبع
لا.، ده نادر ومستبعد لان الانواع من الفيروس اللي بتسبب سنط الايد والقدم تختلف عن الانواع اللي بتسبب السنط التناسلي. يتبع
14- لكن فحالة الاطفال (عكس الكبار) فوارد جدا السنطة فايد الام تتنقل للطفل اثناء تغيير الحفاظات.. عشان كده الام اللي عندها سنط فايديها الافضل تلبس جوانتي قبل تغيير الحفاظات لاطفالها.
15 - نقطة المناعة مهمة جدا..اوقات كتير بيبقي زوج بيخون زوجته مع واحدة غريبة وينقل العدوي لمراته وهو عشان مناعته كويسة ميبانش عليه حاجة..بيبقي هو اللي نقل المرض لمراته وبعدين يشك فيها ويعيش دور العفيف (عشان مفيش اصابة باينة عليه) رغم انه هو اللي نقلها العدوي
16- ولنفترش ان شخص سئ الحظ اصيب بالسنط التناسلي، يعمل ايه؟
قبل اي حاجة يعمل تحاليل باقي الامراض المنقولة جنسيا اهمها الايدز والفيروس الكبدي B
ولازم (زوجته-زوجها) يتفحص عند دكتور ويعمل نفس التحاليل ..وللسيدات هام جدا فحص عنق الرحم عند طبيب نسا
قبل اي حاجة يعمل تحاليل باقي الامراض المنقولة جنسيا اهمها الايدز والفيروس الكبدي B
ولازم (زوجته-زوجها) يتفحص عند دكتور ويعمل نفس التحاليل ..وللسيدات هام جدا فحص عنق الرحم عند طبيب نسا
17- فالسيدات المصابة بسنط تناسلي الافضل متابعة عنق الرحم بانتظام وعمل
Pap smear
سنويا بانتظام حتي بعد العلاج لاستبعاد الاصابة بسرطان عنق الرحم.
Pap smear
سنويا بانتظام حتي بعد العلاج لاستبعاد الاصابة بسرطان عنق الرحم.
18 - في حالة اصابة اي من الزوجين بالمرض فيجب التوقف عن العلاقة الزوجية حتي يتم علاج الطرف الاول بالكامل.ويفضل بعد 8 شهور ايضا من الشفاء الظاهري.واذا حدثت علاقة فلابد من استخدام واقي.والاهم هو تطعيم الطرف الاخر بالمصل (مالم يوجد حمل للسيدات).
19- التشخيص، تشخيص السنط التناسلي تشخيص اكلنيكي اولا،،، يمكن تشخيصه بشكل افضل باستخدام منظار الجلد،،، وفي حالة تشكك الطبيب من التشخيص قد يطلب عينة من الجلد لان هناك كثير من الامراض الحميدة الغير منقولة جنسيا تاتي بزوائد جلدية فالمناطق التناسلية
20- العلاج يجب ان يكون تحت اشراف طبيب جلدية.. وطبيب نسا لفحص عنق الرحم في حالة الاناث..تقدر تقرا اكتر بشكل علمي عن السنط التناسلي من الموقع العلمي المحترم ده
dermnetnz.org
dermnetnz.org
21- او لو حابب تقرا كمان عن الموضوع من مكان محترم وشايف صعوبة انك تفهم المواقع الطبية بالانجليزية ممكن تقرا عن السنط التناسلي من موقع محترم ذي موقع مايوكلينك بالعربية
mayoclinic.org
شكرا.
mayoclinic.org
شكرا.
جاري تحميل الاقتراحات...