منقول
حكاية الصراع مابين الست و عبد الوهاب
الصراع بين الست وموسيقار الاجيال كان صراع متعدد الوجوه وكان له مراحل مختلفة، يعني من البداية صراع مين الافضل؟ وبعدين مين الاحسن في السينما؟ وبعدين خفت حدة الصراع شوية وبقى مجرد غيره فنية، لحد ما خد الصراع شكل تاني خالص بعد فبراير ٦٤
حكاية الصراع مابين الست و عبد الوهاب
الصراع بين الست وموسيقار الاجيال كان صراع متعدد الوجوه وكان له مراحل مختلفة، يعني من البداية صراع مين الافضل؟ وبعدين مين الاحسن في السينما؟ وبعدين خفت حدة الصراع شوية وبقى مجرد غيره فنية، لحد ما خد الصراع شكل تاني خالص بعد فبراير ٦٤
إشمعني فبراير 64؟ علشان في اول الشهر ده غنت أم كلثوم لأول مرة من ألحان عبدالوهاب واتقابلوا في لقاء السحاب على رأي عمنا جليل البنداري لما عملوا انت عمري لكن طبعا حدوتنا النهاردة مش انت عمري خالص، حدوتنا عن الأغنية رقم تمانية اللي يلحنها موسيقار الاجيال للست، حدوتنا عن دارت الأيام.
ياخي شوف الغريب أن اغنية دارت الايام يكتبها مأمون الشناوي اللي كان متخانق مع أم كلثوم من أواخر الاربعينات لحد سنة 1960،ويلحنها عبدالوهاب خصم أم كلثوم الفني اللدود.. صحيح والله فعلا اسم على مسمى دارت الأيام.
كواليس الغنوة دي كان فيها شوية مناغشة بين الست وعبدالوهاب ومأمون الشناوي
كواليس الغنوة دي كان فيها شوية مناغشة بين الست وعبدالوهاب ومأمون الشناوي
كان معروف عن الست انها كانت بترفض فكرة ياعيني ويا ليلي اللي بيقعدوا المطربين يقولوها وكانت بتشوفها أنها نوع من انواع شحاتة الاعجاب من الجمهور، يعني لما الجمهور يكون نايم كدة المطرب يرزع اتنين عين على تلاتة ليل يقوم الجمهور يصحصح كدة ويزقطط.
ام كلثوم كانت بتكره الموضوع ده جدا وكانت في مكالمتها هي وعبدالوهاب كانت دايما تقوله كدة وتأكد انها عمرها ما ها تعمل كدة في حياتها أو تخرج من الغنوة علشان تضرب اتنين عين أو اتنين ليل برة الغنوة فعبدالوهاب يسكت لاء طبعا فقرر أنه يحط الست قدام الامر الواقع
راح لمأمون الشناوي قاله يا مامون عايزك تحطلي يا عين أو يا ليل في الغنوة ضروري، طب ليه يا موسيقار؟ قاله مالكش دعوة انا عايز يا عين أو يا ليل في الغنوة، فمأمون قاله ماشي و ابتدي مأمون يدخل يا عين أو ياليل في أي جملة مفيدة في الغنوة
وما تعجبش عبدالوهاب، فنغير ونعدل ونعدل ونغير لحد ما وقفنا عند عيني ع العاشقين، حياراى مجروحين، فلما عبدالوهاب لحن الغنوة لحنها زي ما سمعناها كدة، وقعد يطول في عيني أوي.
لما راح يسمع الجزء ده لأم كلثوم طبعا قالتله أيه ده بقى انا ها ااغني كدة، قالها اه، قالتله لاء انت عارف إني ما بحبش كدة ومستحيل، قالها اعمل ايه هي مكتوبة كدة في الاغنية وقالها عيني دي ولا مش عيني اللي مكتوبة قالتله أه عيني بس لحنها بطريقة تانية،
قالها الله انتي شريكتي انا ألحنها زي ما انا عايز وانا مش هااغنيها كدة وانا بقى مش ملحنها غير كدة، طب نعمل ايه يا عبدالوهاب قالها خلاص إحنا نسأل طرف تالت ووافقت الست على اقتراح الطرف التالت وفضل تحديد مين الطرف التالت ده،فقالت الست احنا ننده على اي حد من البيت قصدها عيلتها ونسأله
يرد عبدالوهاب وانا مالي ياختي ما ممكن لما تسأليه يفهم أنك مش عاجبك الكلام ويقول وحشة علشان يرضيكي ويظلمني ماليش دعوة شوفي حد تاني؟ فالست تسأل طب نسأل مين
عبدالوهاب قالها إحنا نسأل الجمهور؟ طبعا الست تنحت جمهور مين اللي نسألة يعني ننزل نلم ناس من على القهوة نسمعهم الحتة ونشوف رأيهم، قالها وليه ماحنا معانا فرقة ودول جمهور وسميعة فناخد رأيهم، المهم الست وافقت.و لما جت الفرقة قعد عبدالوهاب علشان يحفظهم الحتة الجديدة في اللحن
وراح مغني المقطع بتاع عيني عيني ع العاشقين لوحده الاول، المهم الفرقة زاطت وانبسطت وعجبهم اللحن، فراح عبدالوهاب رامي نظرة انتصار كدة على الست من غير ما يتكلم فراحت قايلاله ولو.
وفعلا رفضت أم كلثوم أنها تغني المقطع ده في البروفات ولما كانت بتوصل له كانت بتسكت و عبد الوهاب يغنيه هو
وفعلا رفضت أم كلثوم أنها تغني المقطع ده في البروفات ولما كانت بتوصل له كانت بتسكت و عبد الوهاب يغنيه هو
المهم في مرة ام كلثوم وصلت للمقطع ده وبتبص لعبدالوهاب فراح عبدالوهاب مدور وشه الناحية التانية وعمل من بنها حرفيا، الست الفرقة شغاله وراها ومش ها توقف البروفة ولقت نفسها قدام أمر واقع فهوب هوب راحت مغنية المقطع بصوتها لأول مرة
عينك ما تشوف إلا النور الفرقة سابت الالات وعظمة على عظمة يا ست وأييييييييييه الحلاوة دي وعملوا فيها مرسي الزناتي في مدرسة المشاغبين ( عليا الطلاق إنت أجدع من أبويا):D
وأخيرا الست بقت بتقول يا عيني يا عيني في اغنية وتقف وتطول فيها، المشكلة بقى إن في مناغشة تانية حصلت بسبب يا عيني
وأخيرا الست بقت بتقول يا عيني يا عيني في اغنية وتقف وتطول فيها، المشكلة بقى إن في مناغشة تانية حصلت بسبب يا عيني
المناغشة دي كانت بسبب إن مأمون الشناوي وعبدالوهاب ماكنش عاجبهم اسم ودارت الأيام وكانوا عايزين اسم تاني في الغنوة وهما في احد الاجتماعات في نادي الموسيقيين تقريبا راح مأمون وعبدالوهاب فتحوا موضوع اسم الاغنية واتفقوا إنهم يغيروه ويخلوه عيني ع العاشقين.
لما راحوا بالاسم الجديد للست الست قالت يمين بعظيم ما هايحصل وها تفضل الغنوة بنفس الاسم انا عاجبني ودارت الايام، طب يهديكي يرضيكي، أبدا الست فضلت على موقفها وفضل اسم الاغنية ودارت الأيام :))
جاري تحميل الاقتراحات...