رتبها

التسويق فى الاحياء الشعبية
الزمان تسعينات بعد الملل من تسويق العطور وظهور محلات تركب العطور
وبما اني حافظ الاحياء اتجهت لتسويق اللحوم المصنعة برجر لانشون كبدة
ودا كان عمل مسائي اضافي

كانت المشكلة ازاي اسوق منتج من مصنع تحت بير السلم و ملوش دعاية فكرت فى مدينة السلام الزاوية الحمراء الوايلي وغيرهم كتير

الناس الجميلة اللي فتحة باب رزق لنفسها فى البلاكونة فى المساكن الشعبية و اي محل عندة ديب فريزر

اروح للناس دى واشتري منهم ملبس و لبان و اسئلهم عن منتجات الباشا اللي انا بوزعها يكون الرد معنديش أو معرفهاش

تاني يوم انزل نفس الاماكن واروح للاطفال اللي بتلعب بالعجل أو الكورة واديهم ملبس و لبان وطوفي واقلهم روحوا

اسئلو عند المحل دا أو البلاكونة عن سجق الباشا أو البرجر ترجع عيال وتقول مفيش

مرة واتنين فى نفس الحي
بعدها انزل المنطقة و معي عربيتين تلاجة محملين و اخش على المحلات و البلاكونات واقول لهم معايا منتجات الباشا

الناس تقول هات و نزل العيال الصغيرة بتطلبها و ابيع كاش وأجل و اوزع العربيتين كله تمام كده لا لسه العيال لازم اعمل معاهم واجب

اروح ليهم وكل واحد ياخد طبق فيه من كل صنف قطعتين واقولها قول لماما دى هدية من الشركة و عم فلان بيبيع منها .

عربيات الكبدة برضو كنت لديهم الوجبة وانا خارج من المصنع و اخر الليل احاسب
عمولة كانت جميلة والدنيا براح
لكن تأتي السفن بما لا تشتهي الرياح

هوب جنون البقر خد فى وشة ما خله المصنع قفل و الحال نام ننه
اسكت لا اتجهت لتسويق الملابس لعبتي القديمة
احكي لكم عليها بعدين

وكالة البلح و تجار البالة
انت و حظك يا براند يا زبالة

شورت بحر و فانلة قميص و بنطلون إبداء بمين احتياج الشباب اكتر فين ?

المهم لفه قول لفتين مش فاهم حاجة رجلي وصلتني لنصبة شاى
حامل الصينية : شايك ايه يا باشا -مظبوط لو سمحت
- طب كيفك ايه اجبهولك
- لا مليش بس خد حلوتة و متجيبوش
ساب الصينية وقال مقضية وخلصانة

- مين فى السوق يا غالي غيرك عارف المحلات كلها وفاهم البالة فيها ايه وعارف السيم واللغة هنا

قال المكوجية هما اللي هرشين الحوار فين
- ماشي مين فيهم نروح عنده نشرب قهوة

وصلنا لواحد منهم هواء مفيش رطوبة صهد بخار مايه فى و ريحة بودرة البالة رهيبة ( نوع بودرة بتترش على الملابس المستعملة )
بتاع الشاي قاله الباشا صاحب كيف قديم و موصى لكيفك خد اضرب دي

و خد خربوش الشاي دا سيح بيه
وطار الواد وسط الزحام .
المكوجي : مربوحة و اللي خلق الخلق
استحضرت كل شخوص الفن فى المعلمة و الشقاوة لم اجد غير جميل راتب

عاوز اشغل قرشين على قد الحال فى شوية بضاعة حلوة
قال يبقي الشغل الكريمة
و دى كويسة يعني انا بحط فلوس شقيان بيها مينفعش هزار
- قال الكريمة دى بواقي ماركات من اوربا و الدول المتقدمة فيها التكت و لوجو السعر بالانجليزي

ماشى يا زغلله اشيل ايه الاول
- بص ابعد عن الصنف المرطرط فى السوق و فى منه بالات مقفولة ع الارض لسه
الشغل القليل ع الشماعات بيبقى اتهرى فرجة و فصال
يقصد ( البطيخة اللي متفتحتش اتهرت تخبيط )

الصنف القليل اليومين دول لبس الاطفال و نشيل منه كريمة كمان
- موافق يا زغلله اشيل شورت و فلاين كمان ايدي ع كتفك
بسم الله العاطي الرزاق .

سقط سهوا أوضح أن الملابس فى البالة بتحتاج مكوة بخار عشان ريحة البودرة وتتفرد من الكرمشة
مع الحفاظ على اي تكيت عليها

المهم دخلت المحلات واكتشفت انهم بيعملوا sale فى نهاية كل موسم و كل صنف بيبقي معروض لوحدة ??????????

نقي و أفرز شورت و فانلة لحماده وهالة الوان مقاسات لم وهات شوية بضاعة حلوين ملئ شنطة زوبة اللهلوبة كانت ? داتسون 120y ياريت نقف ليها 7 دقائق حداد

تسوي كيف يا عبد الرحيم تعمل ايه يا عبد الرحيم البضاعة كتير جداً مفيش محل ولا حتى دكان اعرض فيه اللقطة دي مكنتش فى الحسبان وبعد لف في الشارع مش عارف رايح فين ?
هوب بوم لمبة ? عبقرينو نورت

اكتشفت اني عندي 3 مناطق اعرض فيهم وكل منطقة فيها 3 اماكن على الاقل ازاي ? معرفش

رحت المناطق الشعبية اللي فيها العيال الصغيرة اصحابي وقت اللحوم المصنعة و سلامات وترحب من الناس الجميلة البشوشه اللي بيكلوا عيش من البيع فى البلاكونة
عم سلامة و رزق كيف الحال يا بني عال بابا و مستورة و بسعي

بعد اذنكم عاوز افرش على كبوت العربية هنا فى حمايتكم و ارزق من حتيتين الهدوم دول
ينهار ابيض انت صاحب مكان نصيحة ليك لو هتبيع ب 10 قول 12 عشان الفصال و النسوان العوق واللي ايدخا طويلة هنقشرلك عليها
(يقصد يشاور عليها)

بعد العشاء يحلي الهزار و الفرفشة اشتريت تاني طوفى و ملبس و دفعت لهم ايجار العجل كمان لاصحابي العيال عشان الدعاية كمان واللي يجي منهم امه تشت ي ياخد خصم كمان

يالا لحماده وهالة اي حاجة ب سبعه نص وستات تفاصل و نسوان تقلع العيال جوا العربية وتقيس حاجة مسخرة ضحك

المهم ميكونش عندهم برد يا حاجة عشان النفس ممكن يا بني ربنا يعزك اخد الطقمين دول قسط و ماله مفيش مشكله خلاص يا خويا هعطي لعم سلامة كل يوم جنية بصيت لعم سلامة قال ماشي الحال قلتلها هاتي عربون قالت خد وحطت أيدها فى الدهاليذ

وطلعت 2 جنية و قالت خد يا خويا دول عربون ? طب ينفع يعني 2 بس عربون قالت ما انت مكسوف استني اجيب تاني و رفعت الجلابية بس يا ست خلاص ورحمة الميتين معاوز حاجة
انشف كده متخفش دا منطلون الواد علاء من تحت

بقيت حاوى بقيت غاوى ف عز الجرح انا مابكيش
بقيت عارف اطلع م ضلوع الفقر لقمه عيش
بقيت قادر ادارى الدمعه جوايا مابينهاش

بقيت راضى انام رجليا مقلوبه كما الخفاش
مانا اتعودت احلامى اشوفها بتجرى قدامى ومالحقهاش
انا سلمت سبت العفره ع دقنى وصدقنى الدنيا دى حاجه ماتسواش
بقيت حااااااااااااااوى

اغنية لمسار اجباري ⁦☝️⁩

وارجع ليلاتى مجبور الخاطر فرحان عاوز ارقص جعان عاوز أكل يا ماما
" أمي " لا يصح ان ابوح بفضلها وخيرها عليا و على 8 اخوات
- انت جيت يا هباب هتنام أمتي وتصحي أمتي لشغلك ابقي قابلني لو فلحت و حضن و بوسة
- امي بتدلعني حاكم انا الاصغر و لسه متجوزتش

طب احكيلك
أتخمد عندك شغل الصبح
يا ماما اسمعي اكلم المخدة يعني
نام لما ترجع احكيلي
حاضر ?
بتقول حاجة
بحبك وانتى عارفة
اهمد ما يحسد المال الا صحابه

تررررن تررررن المنبه يرن من جوا العلبة الصاج بتاعة بسكو مصر
و برضو ? مسمعتش ? الصوت
تيجي تنده مرة لو قمت الاقي الشاي باللبن و سميط و المرة التانية تشخط انسي انا فى البلاله التالته بئه اعرف أن الاتوبيس بتاع الشغل فات الميعاد خلاص واركب مواصلات

ويضيع مني النوم فى أتوبيس الشغل اللي هو كل امالي بعد قلة النوم و مجرد التفكير اروح الشغل بالعربية صعب ? مع قلة النوم

أوردر جديد
انشالله يخليك يا خويا محتاجين فلاين و كلوتات ولادي وبناتي
وماله نجبلهم كام غيار يعني للعيل
- بص يادلعدي هو الولا بيشخ مرتين فى الكلوت يعني تلاته فى اليوم
- ?? ابو دي شغلانة الحسبة مش كده يا ست
- ايش عرفك هو انت اللي هتشخ

وحين غرة تدخل ست أخري معهاش اطفال
- و بأيدك كده هات شوية اندرات
اندرلاين يعني الورقي بتاع فنجان الشاي
- لا يخويا دا لما الأستك بتقطع بنمسك بيه براد الشاى
قامت مشورة بأديها كده على وسطها التحتاني وكون الوان مختلفة

طبعا انتم فاهمين مش هسأل عن العدد احسن تقولي هو انت اللي ......؟
شوف نيتكم دي هو دا اللي حصل ⁦??‍♂️⁩صحبتها و شوشتها كده و ضحكو قالت لي وهات كمان ال ...... ابوس ايدك ما تشوري خلاص فهمت .

ع الماشي ملابس البالة من تحت لفوق?????
و دلوقتي صدقت أني كنت مكتشف حاجات كتير حتى اسمعوا
youtu.be

?????????
برضو موجود طب ده يتفرز ازاى ? احنا فى سوق على رؤوس الأشهاد لو سمحت يا معلم مفيش من الرفايع متدارى جوا عشان اعرف انقى و أفرز
طبعا فى أدى الولا الشاي بتاعه وهو يفتح لك مخصوص

الوان و مقاسات لم شيل بسرعة والعدد كتير ماشي الحال
بس فى مشكلة محتاجة الحل عشان اوفر فى النقدية طبعاً الرفايع مكرمشة و محتاجة المكوة و لو اتكوت عندهم السعر يزيد
تفتكروا انصرفت ازاى ?
دا اللي هاتعرفوه بعدين

كان يوم جمعة و ما ادراك بيوم تجمع العائلة فى البيت الكبير ترابيزة السفرة افضل مكان المكوة طبعاً و حسب الالوان و توحيد المقاسات افرد و عليهم مفرش خفيف رشة مايه و امشي بشويش بلمكوة عليهم

انت يا هباب ايه دا الله يكسفك
? طبعاً عرفتوها امي
بتوع مين دول و بتعمل ايه انت مش كنت شغال فى لبس العيال
- ايوه يا ماما دول بئه للامهات شوية اندرات كده و حجات تانية
- وعرفت المقاسات ازاي يا ناصح

ماهو انا جبتهم بالبركة كده
بتكويهم ليه
ابدأ عشان اوفر شوية فى النقدية
ناصح يا موكوس اى حد منهم يقيس فى العربية
انتي بتسفي عليا يا حاجة ?
هدعيلك ربنا يسترك
هاتي ايدك ابوسها
الباب يخبط
ايوه الجرس محروق

ماهو انا جبتهم بالبركة كده
بتكويهم ليه
ابدأ عشان اوفر شوية فى النقدية
ناصح يا موكوس اوعى حد منهم يقيس فى العربية
انتي بتسفي عليا يا حاجة ?
هدعيلك ربنا يسترك
هاتي ايدك ابوسها
الباب يخبط
ايوه الجرس محروق

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد