صبحكم الله بالخير
بداية أرجو إنه ما يُفهم كلامي إنه هياط أو شيء من هالقبيل .
توي وصلت البيت بعد تعب ومكدة وودي أقول كلام من واقع تجربة :
الشباب اللي أعمارهم من عشرين وفوق إلى متى وأنتم تأخذون من أهاليكم فلوس ؟ متى تمرجلون وتجربون وتكدون وتشوفون الحياة وشلون وكيف يُطلب الرزق ؟
بداية أرجو إنه ما يُفهم كلامي إنه هياط أو شيء من هالقبيل .
توي وصلت البيت بعد تعب ومكدة وودي أقول كلام من واقع تجربة :
الشباب اللي أعمارهم من عشرين وفوق إلى متى وأنتم تأخذون من أهاليكم فلوس ؟ متى تمرجلون وتجربون وتكدون وتشوفون الحياة وشلون وكيف يُطلب الرزق ؟
كلامي للجميع لعيال النعمة وللطفارى..
كدّوا يا رجال ، واتعبوا بالرزق ودورته ، والله إني أعرف شباب يشتغلون شروا سيارات..وبنوا بيوت..ويقسطون..ويديّنون ، ولا جيت الرجال إلا موتره جديد وصرافته مليانة من الدراهم ..كل ذا وهو بنهاية الثانوي وبالجامعة!
إلى متى وأنت تشحد المية والخمسين؟
كدّوا يا رجال ، واتعبوا بالرزق ودورته ، والله إني أعرف شباب يشتغلون شروا سيارات..وبنوا بيوت..ويقسطون..ويديّنون ، ولا جيت الرجال إلا موتره جديد وصرافته مليانة من الدراهم ..كل ذا وهو بنهاية الثانوي وبالجامعة!
إلى متى وأنت تشحد المية والخمسين؟
تسلّف واشتغل بالتمر أو الحلال أو الكدادة والمشاوير أو البيع والشراء .. اشتغل بأي شيء .
واحد من الشباب زمان يشتري الاكسنتات ب١١ و١٢ يلمّعها ويضبطها يبيع ب١٥ حولها وهو يضحك .. يومياً ثلاثة أربعة مكسب !
واحد من الشباب زمان يشتري الاكسنتات ب١١ و١٢ يلمّعها ويضبطها يبيع ب١٥ حولها وهو يضحك .. يومياً ثلاثة أربعة مكسب !
ما هو لازم تفتح لك مقهى وإلا محل ، اشتغل شغلة بجهدك .
سيارتك جديدة ؟ اشتغل بأوبر وكريم(وانتبه من الخربطة)
ابسط بالخضرة عند الجوامع والمساجد<واحد يقول لي طلعت من بسطة الشارع بالخضرة حول ٣٠٠ ألف على فترة طويلة !!
وأنت اجلس اشحد قطة الطلعة مع أخوياك
سيارتك جديدة ؟ اشتغل بأوبر وكريم(وانتبه من الخربطة)
ابسط بالخضرة عند الجوامع والمساجد<واحد يقول لي طلعت من بسطة الشارع بالخضرة حول ٣٠٠ ألف على فترة طويلة !!
وأنت اجلس اشحد قطة الطلعة مع أخوياك
خويي طلّع بعيد الأضحى الماضي من الضحايا حول ٧٠ !
وإلا تدري ؟لا تفكر بهالمبالغ لأنها جت بعد سنين ..
يا أخي تطلع ب٥٠٠ ريال فايدة كسبان:
فلوس وتجربة
وإلا تدري ؟لا تفكر بهالمبالغ لأنها جت بعد سنين ..
يا أخي تطلع ب٥٠٠ ريال فايدة كسبان:
فلوس وتجربة
كنت أضرب مشوار حول ٩٠ كيلو وأشري وأبيع بالتمر وأطلع لي بفايدة ٦٠٠-٧٠٠ وأرجع للديرة مبسوط ومعيّن خير !
اشتغلت بالمشاوير والتمر والغنم ونقل الطلاب والسيارات وسعي بالبيعات والمقارش وغيره ..أطلع قيمة إيجار شقتي وقطاتي والتزاماتي ومسنع نفسي ، وكل هالكلام ما تعدى رأس مالي خمسة آلاف ستة
اشتغلت بالمشاوير والتمر والغنم ونقل الطلاب والسيارات وسعي بالبيعات والمقارش وغيره ..أطلع قيمة إيجار شقتي وقطاتي والتزاماتي ومسنع نفسي ، وكل هالكلام ما تعدى رأس مالي خمسة آلاف ستة
اجتهدوا يا رجال ، تمرجلوا ، تعلموا ، جربوا .. يا أخي بكرة وش تسولف على عيالك فيه ؟ بالله قل لي ؟ بتقول سافرت على حساب أمي مع أخوياي ؟
قسم بالله شغلات طلعت منها بخسارة مال لكن طلعت منها بتجربة وهذي لحالها مكسب ، طلعت بأني زاحمت وكافحت واجتهدت ..
قسم بالله شغلات طلعت منها بخسارة مال لكن طلعت منها بتجربة وهذي لحالها مكسب ، طلعت بأني زاحمت وكافحت واجتهدت ..
أرجوكم يا شباب يكفي شحدة وطلب ، انفعوا أنفسكم ، اغتنوا ، تعلموا ، جربوا وشوفوا .
الله يرزقنا وإياكم الرزق الحلال اللي يغنينا عن خلقه ، ويسد لازمنا، ويكفي حاجتنا وحاجة من ينصانا .
وسلامتكم ❤️
الله يرزقنا وإياكم الرزق الحلال اللي يغنينا عن خلقه ، ويسد لازمنا، ويكفي حاجتنا وحاجة من ينصانا .
وسلامتكم ❤️
نقطة :
لا تحسبوني تاجر .. تراي بطفرتي لهالحين لكن عالأقل مكتفي ?
لا تحسبوني تاجر .. تراي بطفرتي لهالحين لكن عالأقل مكتفي ?
جاري تحميل الاقتراحات...