ثريد: حاكم البيت ٢ في البيوت المختلفة في خريطة الميلاد … #أبراج #خرائط_فلكية
كل اللي محتاج تعمله انك تفتح خريطة ميلادك تشوف برج بيتك ٢ وتحدد الكوكب اللي بيحكم البيت ده وبعدين تروح تشوف الكوكب ده موجود في اي بيت في خريطة ميلادك.
ملحوظة: لازم تكون عارف وقت ميلادك.
مثال: لو بيتك ٢ في برج الثور يبقي الزهرة هي الحاكم وساعتها هتروح تشوف بيت زهرتك وهكذا.
ملحوظة: لازم تكون عارف وقت ميلادك.
مثال: لو بيتك ٢ في برج الثور يبقي الزهرة هي الحاكم وساعتها هتروح تشوف بيت زهرتك وهكذا.
الناس اللي مش بتعرف تستخرج البيوت او الكواكب، من astrotheme اعمل صح علي الخانات دي و هتظهرلك كل حاجة بدون اي مجهود 👍مثال:
حاكم البيت ٢ في البيت ١: هنا الشخص تقديره لنفسه عالي جداً ولذلك هتلاقيه دايماً بيستثمر في مظهره وبيهتم بشكله/جسمه ويبدو غني او ثري حتي لو هو مش كده فعلاً. الشخص هنا ممكن يكون معروف بصوته يعني عنده صوت مميز او حلو. البعض منهم اسم اسرته ووضعها بيكون مرتبط بيه وتحس انه ممثل لأسرته.
حاكم البيت ٢ في البيت ٢: هنا الشخص قيمته وتقديره لنفسه متأثرين بشكل كبير بأسرته فأي شئ مرتبط بنجاح الشخص او فشله مرتبط بأسرته سواء بدعمهم او العكس. المكان ده قوي جداً وبيمنح نوع من الوفرة في حياة الشخص بس في صعوبة في الاستقلال عن الاسرة لأن كل شئ ليه قيمة في حياته متعلق بيهم.
حاكم البيت ٢ في البيت ٣: الشخص هنا يمتلك افكار مهذبة وكمان ذات تقدير يعني مش شخص متطرف او فظ بالعكس حد لبق ومدرك ان لكلماته قيمة. هنا فضول الشخص وقدرته علي استغلال مهاراته اياً كان نوعها بيعود عليه بمكاسب كبيرة ولذلك برضه المكان ده في الاغلب دلالة علي موهبة فيها تكون مربحة.
حاكم البيت ٢ في البيت ٤: هنا الشخص بيحس بقيمته لما بيقدر يسعد نفسه او لما بيعمل حاجة بتسعده. المكان ده دلالة علي تعلق الشخص ببيته، بوالدته هتلاقي انه مش اجتماعي للغاية وناس كتير بالمكان ده بتشتغل من بيتها او بيعملوا بيزنس عائلي وبيحبوا يستثمروا وقتهم وفلوسهم في اللي بيسعدهم.
حاكم البيت ٢ في البيت ٥: بحب المكان ده لأن الشخص هنا بيقدر اللحظة اللي هو عايش فيها وبيقدر المتعة والحياة فدايماً هتلاقي انه عايز ينجح، يتشهر وعشان كده ده الشخص اللي ممكن تجيله فرصة ذهبية او يتعرف علي شخص معين او يغامر بتلقائية شديدة وحياته كلها تتغير ويفضل ممتن للصدفة دي للأبد.
حاكم البيت ٢ في البيت ٦: الشخص هنا عنده ضمير جداً ومبادئه في الحياة لا تتجزأ وبعدين هتلاقي انه بيحترم جداً شغله او اللي بيعمله في حياته بغض النظر هو ايه وبيحترم القواعد والنظام وصعب يغلط ولذلك ده الشخص النادر وسط العالم البلاستيك. هتلاقي انهم بيهتموا بصحتهم وروتينهم بشكل مميز.
حاكم البيت ٢ في البيت ٧: احياناً دي دلالة علي زواج تقليدي "صالونات" او زواج قرايب وعلي حسب وضع الخريطة. الشخص مش بيحس بالامان غير لما يكون في علاقة او في حياته شريك/صديق وده يعتبر مكان كويس للبيزنس والتجارة لأن الشخص بيستمد مكاسب من الغير بس كمان ممكن يكون بيحاول يشتري حب الغير!
حاكم البيت ٢ في البيت ٨: الشخص هنا مش بيحس بالامان غير لما يكون تحت تهديد/ضغط 😁 عارفين الناس اللي بتخاف لما تكون حياتها كويسة ومفيش فيها مشاكل هما دول. الشخص هنا بيحترم معانته ومعاناة الاخرين ومش كده وبس دول الاشخاص اللي بتلاقي اكبر المكاسب في اصعب المصائب والتحدي بيمثلهم مكسب.
حاكم البيت ٢ في البيت ٩: الناس دي تقديرها للعلم كبير جداً ولذلك ده الشخص اللي هتلاقيه بيدفع كل ما يملك عشان يتعلم او يسافر او يجرب شئ مختلف يوسع من مداركه. الاشخاص دي تتعب جداً لو اتقيدوا او تم احباط احلامهم او التقليل منها لأن كل ما قدر يطور نفسه كشخص كل ما تقديره لحاله هيعلي.
حاكم البيت ٢ في البيت ١٠: المكان ده تأثيره الايجابي بيظهر مع النضج لأن في سن صغير فيك تتعب شوية لأن الشخص هنا بيلاقي القيمة والتقدير اللي يستحقهم لما يكون عنده نفوذ او يكون قائد بشكل ما وعشان توصل للنفوذ والقيادة هتاخد وقت ولازم تبذل مجهود ولذلك السر هنا عشان توصل اسرع تتعب اكتر.
حاكم البيت ٢ في البيت ١١: مكان رائع لأن هنا العلاقات اللي هتهتم بيها في حياتك هتجلب مكاسب ووفرة كبيرة فلو عندك المكان ده استثمر في علاقاتك واهتم بالناس اللي بتحيط نفسك بيها لأن فيها تساعدك وفيها تدمرك. بس مهم تفكر نفسك دايماً ان انت ليك قيمة ومش الناس هي اللي بتعملك قيمة.
حاكم البيت ٢ في البيت ١٢: المكان ده حساس وعايز شخص ثقته بنفسه عالية لأن اللي ممكن يحصل لو انت شخص لسه صغير او ثقتك مش عالية انك تتوه شوية من نفسك وتلاقي نفسك بتقلل من حالك بدون وعي او تعمد وعشان كده مهم جداً تكون علي تواصل دائم بذاتك واكتب كل يوم حاجة بتقدرها فيك ده تمرين اجباري
حاكم البيت ٢ في البيت ١٢: بجانب التمرين الاجباري ابحث عن نفسك دايماً لأنك عادةً هتلاقي نفسك في اكتر الاماكن الغير متوقعة. او الغير واضحة ليك. انت بتحب الغموض، الوحدة بتقدر العلاقات اللي فيها خصوصية يمكن تمر بعدة مراحل لحد ما تلاقي الشئ اللي بتبحث عنه بس صدقني ده "المكسب"
في النهاية وكالعادة الثريد دي مش بتحكي خريطتك ولكن جزء صغير للغاية منها فحاول خد فكرة او معلومة وابحث براحتك. خريطتك كلها ليها الكلمة الأخيرة والاهم اوعي تنسي انك بطل حكايتك و ان حكايتك هتبقي مملة جداً لو قررت تجيب بطل غيرك 🙃
اتمني للجميع ليلة مبهجة وجميلة و هادئة للغاية 💜🕊
اتمني للجميع ليلة مبهجة وجميلة و هادئة للغاية 💜🕊
🌟 الحقيقة عمري ما كان عندي فضول اعرف عن حياتي السابقة او المستقبلية عدم معرفة بعض الامور بيمنحها "قيمة" وسحر خاص فيها. مش لازم نشغل بالنا باللي فات او بالشئ اللي في طريقه الينا. كون ممتن للوقت اللي انت فيه وبس وافتكر دايماً ان الكون في سعادة تكفي الجميع.
🕊
🕊
جاري تحميل الاقتراحات...