بعد طول تأجيل خلصت من إحصاء كتبي أخيرا، وما توقعت العملية مرهقة إلى هذي الدرجة، بأوريكم الصور بس خلونا نتفق إني ما أعرف أصمم لذلك التصميم قبيح لكن الأهم هو النتيجة ? فيه أخطاء تعديلها يحتاج وقت وروقان وهذا العمل مؤجل إلى وقت لا يعلمه إلا الله سبحانه
الإحصائية تشمل الكتب اللي أملكها الآن فقط، وليس الكتب اللي قرأتها وصرفتها ولا الكتب اللي أعرتها وما رجعت، أما كتب كندل حطيت اللي تذكرته بحكم إني ناسية جهازي في المكتب الله يعقله علي بس ? وفي المستقبل إن شاء الله بأحط خلفية وعنوان وأرتبها شوي بدل ما هي رسومات بيانية متجمعة
دور النشر طبعا المدى في المقدمة زي ما توقعت، أما المؤلفين واضح ما عندي مؤلف مفضل لأن أقصى عدد هو ستة ? ودفاتر فلسفية هذي الدفاتر اللي من دار توبقال كان مالي خلق أحط اسم المؤلف وحطيت اسم المجموعة ما دريت بتطلع في الوجه ?
في الصورة الأولى ضغطت على تصنيف روايات لحاله بحكم إنه ربع كتبي تقريبا في هذا التصنيف وتغيرت باقي الرسومات بناء على اختياري، وفي الثانية اخترت خيارين هي روايات وتكون غير مقروءة في نفس الوقت، وواضح ما عندي روايات غير مقروءة على كندل
تصنيف الكتب غير دقيق لأني اعتمدته قبل أبدأ أسجل الكتب وبعد ما سجلتها اكتشفت أغلاط كثيرة مثلا المسرح حطيته ضمن الروايات والشعر ضمن الأدب وعلم الاجتماع ضمن الفكر لذلك يحتاج إعادة تصنيف مستقبلا إن شاء الله، أما الكتب المقروءة صدمتني توقعت نسبتها أقل بكثير لكن طلعت النسبتين متقاربة
هنا مثلا عندي 14 كتاب من دار أثر أغلبها مقروءة، وهكذا أقدر أختار بدار النشر أو المؤلف أو التصنيف وكان فيه عدد الأجزاء بس لأنه أرقام لخبطني شوي وتركته على أمل أضيف رسم لأجزاء الكتب مستقبلا لأن عدد العناوين مختلف عن عدد الكتب الفعلية بفارق كبير ما توقعته
أوكيه هذي الرسمة بينت لي إن فيه كتابين ما سجلتهم، لأن كل الروائيين طالع لي إني قرأت لهم مؤلف واحد بينما غروسمان وريمارك قرأت لهم عملين زيادة هي الطريق وليلة لشبونة وما أضفتها في الإكسل
جاري تحميل الاقتراحات...