#برنامج_العيش_الطيب
@_abdala122 @NoufiM5
استاذ عبدالله ونوفي الجميله و
طلاب منهج العيش الطيب..وكل من يقرا..مبارك عليكم شهر الخير والبركه♥️⚘♥️وهذا الثريد بمناسبه ذكرى سنه أولى لاشتراكي بالبرنامج المنقذ بالنسبه لي..أنا كتبت قبل هالمره ثريد عن طريقه اشتراكي بالبرنامج وتأثيره علي
@_abdala122 @NoufiM5
استاذ عبدالله ونوفي الجميله و
طلاب منهج العيش الطيب..وكل من يقرا..مبارك عليكم شهر الخير والبركه♥️⚘♥️وهذا الثريد بمناسبه ذكرى سنه أولى لاشتراكي بالبرنامج المنقذ بالنسبه لي..أنا كتبت قبل هالمره ثريد عن طريقه اشتراكي بالبرنامج وتأثيره علي
وعلى مشاعري بالخصوص..اللي ماقراهها يقراها عشان يتابع المسلسل من اول حلقه😆ووعدتكم إني راح أتكلم عن تأثير البرنامج على علاقاتي..لأني حسيت نفسي طلعت من الغيبوبه بعيد الشر عنكم وشفت نور الوعي وحسيت فيه..فقررت إني أبدأ التفت لعلاقاتي وأفصفصها😉مع كوب شاي وفصفص قررت أبدأ بزوجي😁🤛
اعتبرته أول تحدي لي إذا نجحت فيه أكيد راح أدخل بتفصيص علاقاتي الباقيه بقوه😎💪طبعا لأني أسمع أن الشريك هو إنعكاس قوي لما بداخلي...وسميت بالرحمن وبديت 🤲تنبيه هذا كله اجتهاد مني ماأدري هل هو صح اولأ لحد يقلدني😂ماني مسؤوله ..انا تصرفت حسب وعي الحالي😁مسكته وقلت تعال نحط النقاط
على الحروف بليز..وعطيته نقاط ٣ علاقتي فيه وشلون أبيها بالضبط وعلاقته بعيالي وعلاقتنا باهلنا ..وافق على نقطتين وتحفظ على نقطه حزروا فزروا اي وحده🤗طبعا علاقتنا المشتركه هي اللي تنح عندها🙄وطلب وقت عشان يزرطها😁😂قصدي يطبقها او على الاقل يتقبلها..اوك حسيت بانجاز 💪أني كنت واضحه
المهم ي طويلين العمر..انصكيت كف على وجهي صحاني مره أخرى 🤕😭ووعيت إني كنت بهالطريقه استعملت العقل مره ثانيه بحياتي لعلاج مشاعري..بعد ماكان زوجي الفتره اللي كنت مشغوله عن تغييره ومشاكله بنفسي وبالبرنامج اتعلم واتجاهل اي تصرف يسويه من كثر ماأنا مركزه على نفسي وماعندي وقت لقرقر معاه
في ذيك الفتره طخ عني وهدا وقلت مشاكساته معاي..ولما التفت لتغيره بالعقل والنقاط والشروط انقلب حاله وصار يطالعني بطرف عينه اليسار😏ماهذا؟ ولا بعد ردت طبايعه المزعجه 😭😭ي ربي وين الخطأ؟توني بديت أحس بالراحه والسلام مع نفسي وتوني حبيت نفسي اللي عمري ماعبرتها وطاحنتها طحن🤧
رحت اركض للبرنامج أدور وين الخلل..طبعا صوت عبدالله بالبرنامج شي عجيب كأنه يكلمني شخصيا والله..طلاب المنهج يفهموني أكيد..لقيت مقاله تتكلم عن اللي صار لي..رجعت مشاعر الحاجه والتعلق بزوجي تظهر ..لاني حاولت أغيره من حاجتي الشديده للاستقرار ومن رغبتي القديمه لأسره متفاهمه
ومن جذور الطفوله لسخطي من شكل علاقه أمي وأبوي وأبي أخلق بالغصب عكسها مع زوجي..يعني عبالي إني تجاوزت هالمشاعر القديمه وطلعت لي لما حاولت أغير زوجي بالنقاط والتنقيط والفصفصه😂🙅♀️شنو المستفاد من هالثريد..تعمق عندي مفهوم غير الداخل يتغير الخارج بدون مجهود ونقاط وخطط
صرت على طول أفهم مشاعري وأرجع لنفسي وأفتش داخلي لما يتخربط الخارج..اعتمدت البرنامج كمرشد روحي لي اذا علقت في موضوع..انبش بالبرنامج لين أحصل جواب ..صرت افهم سبب تكرار المواقف معاي وشنو لازم أسوي معاها..وهذا كان معقدني قبل أعجز افهم ليش؟ أكثر شي يخوفني المواجهه مع الناس
في وقت المشاكل ..خوف مو طبيعي أسوي نفسي طيبه وأسامح وأطوف من الخوف😂😂😂خوف من ان تكبر المشكله وتتفاقم..قررت اواجه هالمشكله وبلشت خلق الله بالرد عليهم😂😂ومواجهتهم حتى لو بشي بسيط ..صرت منسعره😂😂طبعا لا تسون نفسي ..لاني مارست الانهزام طول عمري انقلبت للنقيض بقوة ..والله غصب عني
بس هالمره عذرت نفسي وتقبلت كل اللي تمر فيه وقلت لها انتي بطله ماتحتاجين الحين مواجهه ولا عنف..وفعلا صرت اتعامل مع المواقف اللي تنرزفني بهدوء عجيب..ماشاء الله..طبعا من ممارسه الاسترخاء اللي علمته حتى خدامتي😂🧚♀️طبعا أنا بعد محاوله تصليحي لعلاقتي بزوجي بالقوة ..رجعت لنفسي ثاني مره
وعرفت إني مازلت أحتاج وقت مع الداخل ويحتاج تنظيف وتلطيف وكل شي يجي بالهداوه..وأبشركم لما رجعت لنفسي ثاني مره ولدفاتري وللبرنامج ..هدا سي السيد الحمدلله ورجع للاستكنان الجميل ولا بعد تطورت علاقتي معاه للأحسن من غير جهد وخطط..بس رجعت لقواعدي الداخليه ترتب ثاني مره الخارج🤲♥️
واكتشفت أني دايما أمارس الصح بعلاقتي والنتيجه تجيني عكسيه بسبب طاقتي كانت طاقه خوف وحاجه انهم يرضون عني..كانت طاقتي تنفرهم غصب عنهم وأنا مستغربه ي ربي أنا دايما أقوم بالواجب معاهم وما أقصر بشي..ليش يردون الطيب بردى..وفهمت إنها طاقتي العزيزه لاعبه فيهم لعب من ظمنهم زوجي
مثال للي يحبون الأمثله نفسي..اذا زوجي وداني مشوار كنت ابيه ..طول الطريق أقرقر عليه وأضحكه وأونسه عشان يوديني ثاني مره..وهو طول الطريق منفس ومعصب..مهما سويت ماينفع لين أزهق وأنفس معاه وتنقلب الطلعه هوشه معتبره🤪ياليتني فاكته وفاكه نفسي من تسول الحب وأحساس الحاجه 🙅♀️هذي طاقه منفره
شكلها زوجه فله وونيسه ودمها خفيف وباطنها حاجه وتسول حب وقلة استحقاق ..فهمتوا صح 👍قيسوا على مواقفكم الحياتيه وشوفوا ..وصارت لي مواقف مشابهه كل موقف يمر أفهم مشاعري والسبب اللي دفعني اسويه..وهذي أكبر نعمه بالنسبه لي وتعلمته من عبدالله ببرنامج العيش الطيب وفعلا الاسم على المسمى♥️
قبل كنت كل اللي أعرفهم أنصحهم بالبرنامج بقوه وودي أغصبهم عليه لو بيدي حتى إني أهديته لاختي..لكن الحين فهمت البرنامج للمستعدين الشجعان..💪♥️ومايحتاج مني مدح ولا ثناء وأنا أتوقع له إنتشار كبير بحول الله وقوته لانه فعلا صنع بحب وطاقه جميله ونيه صادقه توصلني في كل مره افتحه فيه
توني العصر كنت أسمع آخر معزوفه ودموعي تصب صب من جمالها وعذوبتها..♥️وقررت في رمضان اتمرس على الحضور والتأمل والاتصال بالله..شكرا ي ربي هذي دعوتي في عمرتي برمضان اللي فات إنه يأخذ بيدي ويساعدني من شده الالم اللي كنت عايشته ..واهداني ربي هذا البرنامج ..شكرا يالله♥️🤲
كتبت الثريد بعفويه وبدون تحضير ومن قلبي وبكل صدق لقلوبكم..وفيه تفاصيل كثيره لم اذكرها لاني طولتها😁عليكم ..لكن والله انقلبت حياتي فوق تحت من بعد الله ثم البرنامج..خاصه من ناحيه مشاعري ..والقادم أجمل..انتظروني في بقيه المسلسل التركي للعيش الطيب😁😇😘وكل عام وانتم بخير♥️
ونسيت اقولك اهم حدث صار لي ي جماعه صبر..أنا مثل العجيز اللي كل شوي تذكر سالفه😂اللي كانت السبب في ألمي ومعاناتي اللي كنت أحسها مثل الجمره بصدري لدرجه إني أفرك صدري بأيدي أبي الالم يخف..زارتني في شهر مارس ندمانه وتبجي تبيني أسامحها😭والله ثم والله ماكنت متوقعه ابد إنها تكلمني
تلفون حتى..وأنا كل يوم لما تطري علي مجهزه ردودي عليها وابيها بس تكلمني ..ردت فعلي برود لدرجه الصقيع وحضنتها وضيفتها ولا كأن شي صار ابد..ماصدقت اللي صار كأني بحلم مدري أنا شلون لحد يسألني..وهذا للي يقولون ماشفنا تغيير من تطبيق البرنامج..راح تعرفون لما تمرون في مواقف مثل هذي
انت مو انت ابد..شعورك يتغير ويتغير معاه رده فعلك..بالمواقف راح تعرفون نتايج التطبيق والتكرار للتوكيدات والتمارين..وسلامتكم😍♥️😘ان شاء مانسيت شي بعد😂🤗حركات تشويقيه..ونسمات رمضانيه تهف علينا وخير جاي مقبل وسعاده للجميع♥️🤲
جاري تحميل الاقتراحات...