رتبها

بسم الله هبدأ ثريد عن امراض الشعر والتساقط
#تساقط_الشعر

كالعاده تعالوا نعرف تركيبه الشعره والتويته دى هنرجعلها كتير تحت وهنبدأ نتعرف على مكونات الشعره بعيدا عن الاسماء العلميه
1-الغلاف الخارجى للشعره
2-المسئول عن لون الشعر
3-المسئول عن لون الشعر
4-الوعاء الداخلى للشعر وهو المسئول عن تغذيه الشعره
5-خلايا عصبيه
6-خلايا دهنيه

الشعره بتبدأ منبتها بين طبقات الجلد وبينزل ليها جدر وتطلع الشعره اللى بنشوفها
زى فكره البذره هى بتبقى تحت التربه وينزل ليها جدر ف الارض وتطلع الاوراق اللى بنشوفها
عدد بصيلات الشعر حوالى 100.000 الى 150.000 بصيله

مراحل تكوين الشعره
مرحله البناء (anagen) : ودى بتاخد حوالى 2-6 سنين
مرحله الكبر ( catagen) ودى بتاخد حوالى 3 اسابيع
مرحله التساقط( telogen) 🙄🙄🙄
يعنى ايه الكلام دة؟
يعنى الشعر بتاعنا الطبيعى ان يحصله تساقط
بنسبه 10%
لو عندى 100.000 بصيله وهيقطع 10% يبقى متوقع تساقط 1000

العدد المتوقع ( الطبيعى) لتساقط اليومي للشعر هو 100 شعره يوميا
معنى كدة ان لو عندى تساقط بمعدل 100 شعره يوميا دة طبيعى
معدل الشعر فى الانسان 90% فى مرحله النمو ( anagen )
ودى من حكمه ربنا لينا

#ملحوظه: ماقبل البناء الشعره علشان توصل لمرحله البناء اصلا عاوزة من شهرين ل 6 شهور علشان تبدأ يادوب تنبت
وعلشان كدة علاج الشعر بيستخدم مابين ال 3 شهور ل 6 شهور

#معلومه_عالماشى
ليه الافارقه شعرهم خشن واسود جدا والاوروبيين شعرهم ناعم واصفر؟
واحنا وسط بينهم؟؟؟

احنا قولنا ان رقم 2 ورقم 3 هم المسئولين عن لون الشعر( صبغه الشعر الطبيعيه)
رقم 2 اسمه ( pheomelanine ) نوع من الميلانين المسئول عن اللون الاصفر والبنى
وبيبقى شكله زى العصيان كدة
رقم 3 اسمه ( eumelanine ) ودة بيبقى شكله بيضاوى وهو المسئول عن الدرجه السوده

ف الشعر عند كل البشر موجود النوعين دول من الميلانين
لكن فى الافارقه بيغلب عندهم ال EUMELANIN علشان كدة شعرهم ناشف ( خشن) واسود
اما ف الاوروبين بيغلب عندهم ال PHEOMELANIN علشان كدة شعرهم اصفر او ذهبى وناعم
واحنا عندنا الاتنين متعادلين

الشعره بتاخد تغذيه بمقام العظام (نفس كميه الغذاء اللى بياخدها العظام بتاخدها الشعره)

رقم 5 قولنا الخلايا العصبيه ( وهى المسئوله عن القشعريره اللى بتحصلنا فى الشتا فى البرد☺️ هى اللى بتشد الشعر وتوقفه
رقم 6 قولنا الخلايا الدهنيه: وهى المسئوله عن ان الشعره تطلع بهدوء بدون ماتجرح فى فروة الرأس .كمان مسئوله عن انها تدى الشهره غذا ودى هنجيلها كتير قدام

لو حد بشرته جافه (الخلايا الدهنيه قليله) الشعر عنده بيكون جاف ومجهد علشان مافيش خلايا دهنيه
طب هل ينفع ان حد يكون بشرته دهنيه وشعره جاف؟
اااه ينفع لو شعره مش بياخد الغذا السليم من الاساس

نتكلم بقى عن اسباب تساقط الشعر بعد المقدمه المهمه دى

#اسباب_تساقط_الشعر
اولا اسباب جينيه ووراثيه
ودى غالبا مش بنعرف نعمل فيها حاجه
فى الرجاله بتكون الصلع الكامل
وفى السيدات بتكون تساقط من مفرق الشعر
اللى انا معلم عليها

ثانيا: اسباب مرضيه
الناس اللى بتاخد CHEMOTHERAPY
او ادويه من اعراضها الجانبيه تساقط الشعر
عاده لما بتبطل الادوويه دى الشعر بيرجع تانى طبيعى ((شفاهم الله))

قبل مانقول الاسباب اللى تخصنا احنا
لازم نعرف ان عندنا 3 حاجات مهمين لشعره صحيه
غلاف الشعره يكون قوى ومتماسك ( رقم 1)
الشعره بتاخد غذاء صحى وكامل ( رقم 4 )
الشعره حواليها خلايا دهنيه كفايه علشان تطلع شعره صحيه ( رقم 6)

ثالثا بقى اسباب مننا احنا وهنقولهم حاجه حاجه
1- #الانيميا: طبيعى ان لو عندى انيميا الشعر مش هياخد الغذا الكامل ومش هيطلع كويس (الشعر بياخد غذاء قد العظام)
لان الدم مش محمل بكل العناصر الغذائيه اللازمه والاكسجين
علشان كدة اول ماحد بيسألنى عن تساقط الشعر بقوله نحلل انيميا ونتكلم

2- #نوع_المياه
المياه زى الخليج كدة المالحه تسبب التساقط
3- #الجفاف
علشان مافيش خلايا دهنيه كفايه سبب من اسباب الشعر المجهد واللى سهل انه يتساقط
4- #العادات_الخاطئه
التغير المستمر لانواع الشامبو دة من اكتر الاسباب اللى تسبب التساقط

والكلام عن الشامبو انا قولته زمان وهكرره تانى
الشامبو وظيفته التنظيف فقط لاغير مش وظيفته ان شعرنا يتسرح كويس
بمعنى انى اغسل شعرى بشامبو واطلع من الحمام شعرى هايش ومش طايق بعضه بس نضف كدة الشامبو عمل اللى عليه

لكن اللى وظيفته التنعيم والتسريح هو اى منتج مابعد الشامبو
زى البلسم-حمام الزيت-حمام الكريم-السيرم
لكن دى مش وظيفه الشامبو
وعلشان كدة منتجات العنايه بالشعر بتتقسم لقسمين
االشامبو
مابعد الشامبو
ونخلى بالنا ((ما بعد الشامبو)) مش قبل الشامبو

5- #الحجاب
القصه ببساطه هى انى بقفل منافذ التهويه عن الشعر مدة من الزمن ف الشعر بيعرق والخلايا الدهنيه جنبه بتفرز دهون وانا كاتم ده كله ف طبيعى بمنع التنفس بتاع الشعر
والحل الامثل للقصه دى هو ان السيده المحجبه تلبس حاجه قطن تحت الطرحه وخصوصا ان الطرح عاده بتكون بوليستر

اول نصيحه للسيده المحجبه انها تعرض شعرها للهوا على قد ماتقدر ف البيت علشان تساعد الشعر انه يتنفس
وف الشارع تلبس حاجه قطن تحت الطرحه علشان تقلل التعرق مع الكتمه بتاع الطرحه

نيجى بقى لحاله مرضيه شائعه بين كتير من الناس وهى
#القشره
هقولكم كلام صادم فى القصه دى
اولا القشره حاله مش مرض 🙄😂🙈
والقشره كل حاجه وعكسها اه والله زيمبقولكم كدذه😀🙄🤪

ليه بتطلع عند البعض قشره؟
القشره هى عباره عن OVER KERATENIZATION
وده معناه ايه الكلام ده احيانا كتير بيحصل جفاف فى فروة الرأس وعلشان الجسم يعادل الجفاف دة الخلايا الدهنيه تروح تفرز دهون بزياده تعمل قشره
القشره بتزيد فى الشتا علشان الجفاف

وهنا العلاج اننا نوقف ال OVER KERATENIZATION بأننا نستخدم حاجه زى الشامبوهات دى
SELENO-CARE SHAMPOO
OR BIODERMA NODE DS
OR EUCERINE DERMOCAPILARIE ANTI-DANDRUFF
مرتين كل اسبوع

اللى بياكل دهون كتير بيجيله قشره
اللى بيعمل دايت معرض للقشره
اللى عندة STRESS معرض للقشره
اللى بياخد ادويه الكوليسترول معرض للقشره (احد الاثار الجانبيه)
فيه اكلات الزياده منها بيعمل قشره
زى الشيكولاته-الموز-الفراوله-الخوخ-الموالح-الالبان-المانجا- ال SEA FOOD

نقص فيتامين B COMPLEX بيعمل قشره (فيتامين ب من مكونات الشعره)
نقص الاوميجا 6..9 بيعمل قشره

احيانا القشره بتكون نتيجه فطريات FUNGAL INFECTION وهنا لازم نستخدم ANTIFUNGAL
او YEAST INFECTION
علشان نعالجها ممكن نستخدم حاجه ANTI-FUNGAL SHAMPOO
NIZORAL SHAMPOO
NIZAPEX SHAMPOO
من مرتين ل 3 مرات اسبوعيا

احيانا القشره بتتجمع وتعمل مستعمرات وتخلينا نهرش فى فروة الرأس لحد مانعمل جرح
وهنا بقى ممكن الدكتور يكتبلنا حاجه فيها كورتيزون خفيف زى ال BETNOVATE SCALP
ومعاه ال DAKTACORT CREAM علشان يعالج الجروح اللى اتعملت بسبب القشره وبسبب الهرش ف اماكن التجمعات دى

ممكن نستعمل ال #زفت 😂😂 اة والله الزفت COOL-TAR SHAMPOO
POLYTAR SHAMPOO
ودة زى مااتقالت كدة بيقضى على الاخضر واليابس ودة بيكون حل اخير لانه غير مفضل ولأنه ممكن يكون سبب فى حاجات مش لطيفه

ال BETADINE SHAMPOO
من الحاجات الفعاله فى علاج القشره لانه ANTISEPTIC
فبيقضى على الفطر
مشكلته انه لازم يتغسل كوبس لانه بيسبب رائحه مش كويسه ولون مش لطيف

#مفاجأه
ممكن نلاقى واحد عنده مشكله فى رأسه وقشره مبهدلاه ونلاقى الدكتور كاتبله على CYTEAL FEMALE VAGINAL WASH سيتيال تشطيف نسائى😌😁
هنا السيتيال بيعمل على حمايه الشعره وبيعادل ال PH لانه بيخلى الشعره تحتفظ الMEDIA ويمنع تكون القشره

الناس اللى عندها قشره لازم على الاقل مره فى الشهر تغسل شعرها بصابون عادى علشان تشيل اثار الزيوت والشامبو اللى ممكن تكون سبب فى تجمع القشره

ممكن نستخدم زيت شجره الشاى TEA TREE OIL
لأنه بيخلى تدفق الدم عالى فبيقلل ال OVER KERATENIZATION
فيه اقراص اسمها ال NETLOOK
بس دى بتعمل جفاف فى كل البشره ولازم تتاخد تحتت اشراف الطبيب

نيجى بقى لل #سيدات
ونشوف العادات الخاطئه اللى بتتسبب فى تساقط الشعر
الست تيجى كل خروجه مثلا تغسل شعرها وتروح تفرده بالسشوار والمكوه(بيبى ليس)
علشان يبان جميل وملفت وهنا تيجى المشكله

لما بنغسل شعرنا بيحصل روابط اسمها الروابط الهيدروجينيه بين بصيلات الشعر
مع الحراره (مكوه-سشوار) الروابط دى بتتكسر وترجع تتكون تانى لما بنغسل شعرنا بالمايه
ف كل مره علشان نكسر الروابط دى بنكسر الغلاف الخارجى للشعره (تغير فيزيكال)
علشان نفرد الشعره

مع تكرار الموضوع ده الشعره بتجهد وتتعب وتتقصف😭 لأنى بكسر حمايتها من العوامل البيئيه (الغلاف) (رقم 1)
الغلاف بتاع الشعره كل ماكان قوى كل ماكانت الشعره نظيفه وصحيه وتبان ماسكه نفسها

تعالوا للكارثه🙀🙀
واحدة تحط سيرم او حمام كريم وتفرد الشعر بمكوه الشعر (بيبى ليس)
انتى حضرتك كده بتدمرى الشعر حرفيا كأنك بتحرقى شعرك بالزيت🙄

كارثه كمان😀😜
الناس اللى بتستمعل ال DRY SHAMPOO
وبعد ماتحط ال DRY SHAMPOO تفرد الشعر بالمكوه
حضرتك عارفه انك بتفقدى شعرك حرفيا ليه؟
ال DRY SHAMPOO من مكوناته STARCH (نشا🙈☺️)
ف حضرتك بتتسخنى على شعرك نشا😂😂
طبعا ممنوع منع باتا انك تستعملى بيبى ليس مع DRY SHAMPOO

كمان ف ال DRY SHAMPOO فيه SILICA GEL
مع الوقت ممكن تسبب تقرحات فى فروه الرأس

كمان كارثه
#فرد_الشعر
الجلات😌
طريقه عمله ايه؟
انك بتعمل ALKALIZATION للشعر ف بيتنفخ ويقبل الفرد وتيجى تغسله ب ACIDIC شامبو ف بيفضل مفرود
انت بتكسر الغلاف الخارجى للشعره وتخلى الشعر يطاوعك علشان يتفرد
المشكله هنا ان الغلاف دة ف الحاله دى مش بيرجع لطبيعته تانى للاسف

الكارثه الكبرى:
#الصبغات: فى الصبغات احنا بنعمل سحب للون علشان الشعره تقبل اللون الجديد وده بيحصل ازاى؟
الاكسجين😉 (الامونيا )
بيكسر الغلاف بتاع الشعره ويكسر الميلانين رقم 2 ورقم 3 ويقولهم ستوب انتوا كده كتر خيركم علشان الشعر يقبل اللون الجديد

انا بفقد الشعر كل خصائصه
المايه-البروتينات-المعادن-اللون الطبيعى-الغلاف
علشان الون شعرى باللون اللى انا عاوزاه
والكلام ينطبق على الماشيت لانك بتعملى نفس الفكره
وعلشان كده بدأوا فى اختراع الصبغات بدون الامونيا
لكن النوع ده من الصبغات درجات الوانه اقل وثباته كمان اقل
واغلى😌

نيجى ل #العلاج
اولا لازم نعرف السبب الرئيسى للتساقط
هل هو تغير هرمونات؟ (سبب مهم)
هل هو ضغط عصبى؟
هل انا عملت حاجه من اللى فوق (بهدلت شعرى)
هل هو سبب جينى (وراثى)

مبدئيا كده نتفق على ثبات نوع الشامبو مهم
ثبات نوع البلسم مهم
ثبات الزيوت المستعمله وهقول الافضليه لايه
لو فيه قشره لازم القشه تتعالج
لو بصبغ شعرى لازم اوقف صبغه
استعمال المكوه والسشوار يكون بحدود

بدأت الشركات فى انتاج انواع من الشامبو بتكون SULFATE FREE
مافيهاش سلفات وال SULFATE هنا هى ال SURFACTANT اللى بيخلط الزيت بالمايه
ف بيستعملوا SURFACTANT تانى غير ال SODIUM LAURAYL SULFATE

فيه ماده لعلاج البروستاتا اسمها FINASTRIDE ال FINASTRIDE دى اكتشفوا انها بتتسبب فى زياده الشعر ف نزلوها فى دوا مخصوص لعلاج الشعر اسمه NOPECIA
مشكلته الشعر الزائد فى فى كل الجسم
ايد-رجل-تحت الابط-منطقه البيكينى
مش عارف هل لسه موجود ولا اتوقف

كمان عندنا علاج مهم لتساقط الشعر ماده ال MINOXIDIL
ودى اهم الادويه اللى بتحتوى على ال MINOXIDIL فى مصر والوطن العربى
ولو ركزنا هنلاقى ان ال MINOXIDIL عندنا تركيزين
2% للسيدات
5% للرجال
مشكلته الشعر الزائد فى الوجه مكان الرش

مع الابحاث وجدوا ان ال CAFFEINE بيزود عمل ال MINOXIDIL فطلعوا لوشن وسبراى فيه كافيين
ال MINOXIDIL بيزود تدفق الدم للمكان اللى بيترش فيه علشان كدة بيساعد فى انبات الشعر فى الاماكن اللى مافيهاش شعر

نيجى بقى للادويه
الادويه الشركات استخلصت المكونات الرئيسيه للشعره فى كبسولات
العناصر الغذائيه اللى بتحتاجها الشعره ومن ضمن الحاجات دى
BIOTIN -ZINC-VITAMIN E-

فيه شركات جمعت اكتر من عنصر غذائى مع بعض
زى ال PERFECTIL
PRIORIN-N
HAIR-VIT
PANTOGAR
HAIR . SKIN AND NAIL
وزمان شركه امون كانت منزله منتج بنفس الاسم
HAIR SKIN AND NAILS

فيه كمان امبولات
BIOTIN
BEPANTHENE
BECOZYME
ودول مكونات اساسيه فى تركيبه الشعر
بس غاليين جدا
ممكن كمان ال LEVABION AMPOULE علشان فيه FOLIC ACID
وال FOLIC ACID مهم جدا للشعر

هقولكم حاجه حلوه😉😁
عارفين جلسات ال
#بروتين
#كيراتين
بتتعمل ازاى؟
الكوافير بيحط على الشعر FORMALHYDE فورمالدهايد 😉😌 ويفرد بالمكوه
طب ده بيعمل ايه؟
الفورمالدهايد بيمنع تكوين الروابط الهيدروجينيه بين بصيلات الشعر مره كمان حتى لو اتغسل بالمايه.

وعلشان كدة بيقعد فتره مفرود لمده 6 شهور واكتر
#ملحوظه: تركيز الفورمالدهايد مايزيدش عن 0.02% اكتر من كدة هيعمل تقرحات فى فروه الرأس

فيه قطره بتستعمل ى علاج ال GLUCOMA اكتشفوا انها بتطول الرموش 😂😂
ف دلوقتى سابوا الاستعمال الاساسى بتاعها وبيستعملوها فى اطاله الرموش
بيحطوها بفرشه الاى لاينر او المسكره ((والعين مقفوله)) علشان متعملش اى مشاكل

اخيرا
اى منتج هنستعمله على شعرنا هيكون بعد الشامبو ( واخدين بالكوا)😉
البلسم-الزيوت-الكريمات-السيرم
وظيفاتها انها تهيئ بيئه كويسه للشعر علشان يطلع بصوره نضيفه
وانها تعمل غلاف للشعر تحميه من العوامل البيئيه
وانها تاخد الشوائب بدل الشعره ولما تتغسل تنزل هى بالشوائب

والشعره تفضل محميه
من الزيوت المستحبه والسيرم وحمامات الكريم
الجوجوبا - النخاع-الارجان-
لانها بتوفر بيئه قريبه من البيئه اللى الشعره الطبيعيه بتطلع فيها

الاتجاه الحديث فى العلم حاليا انه بيغذى الشعره فى بدايه ظهورها ANAGEN PHASE زى ماقولت فوق وهى يادوب بتنبت قبل ماتطلع على سطح الجلد

عملوا شامبو واقراص تنمى الشعره ( زى فكره السماد كدة) وتخليها تطلع شعره قويه

@Asma59537113 اها هى بتطلع شعره نضيفه من المنبع

@Asma59537113 اكيد حضرتك

#حاجه_اخيره
الشعر بيتأثر جدا بالتغير الهرمونى والحاله النفسيه
البنت فى مرحله البلوغ التساقط عندها بيزيد
السيده فى الحمل والرضاعه التساقط بيزيذ
مع اقراص منع الحمل التساقط بيزيد
الحاله النفسيه مهمه جدا فى قصه التساقط بتاع الشعر
وحاليا بيعالجوا الشعر بال meditation 🧘‍♂️

اى حاجه بحطها للشعر aplicated locally
زى الزيوت وحمامات الكريم
مهما كانت مكوناتها فهى بتعمل #مساعده
#ترطيب
لكن الافيد انها تتاخد
#orally

بشكر محبتكم وسعه صدركم
وبعتزر للأطاله
ارجو منكم الدعاء
#انتهى

@Reem_Browny ربنا يخليكى ويحفظك🙏🏻🙏🏻

@white_witsh اى واحده كده كدع نى مش هتدخل جوه عينك لانها ممنوع تدخل جوه عينك لان دى علاج للمايه الزرقاء

@shelomess @karmen0101010 ميرسى ياشيرى????
اذكرينى فى صلواتك❤️❤️

@enas_alhameed ده سبب مهم ورئيسى للتساقط

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد